ناوەندوو ئەرەیاونای و چاپەمەنیی هەپەگەی بارەو گەشمەرڎەبییەی کادرە سەرمەشقەکاو ئەرەیاونای هەپەگە و یەژاستاری ئەرەیاوناێوەش وەڵا کەرڎۊ، کە پێسنەن:

"جەنگاوەراو گیانبازیی نەریتوو ئەرەیاونای ئازادی، کادرە سەرمەشقەکاو ناوەندوو ئەرەیاونای هەپەگەی و ناوەندوو ئەرەیاونای یەژاستاری هامڕێما کۊچەرینە، ئاڤرینە، ئاخینە و ڕۊزا جە هەرێمەکاو پارێزنای مێدیاینە جە وەختوو ئەرەپڕنای هەرمانەکاشانە جە ١٢ و ١٩و ئەیلوولوو ٢٠٢٢ جە ئەنجاموو هجوومەکاو دوژمنینە گەشمەرڎۍ بیۍ.

هامڕێما کۊچەرینە، ئاڤرینە، ئاخینە و ڕۊزا جە مەزڵووم دۊغانۊ تا غوربەتلی ئەرسۊز، جە خەلیل داغۊ تا ئارژین ئامەد، هندستان پەنابەر، عەلی کانیرۊژ، ئامارا ڕۊناهی، ژیان ئامارگی و شارستان ئاسمینەکان بیۍ نوێنەرۍ ئی سەرڎەمەو نەریتوو ئەرەیاونای ئازادی سەروو خەتەو ئازادی. پەی ئانەی ئا کۊشیایە سەروو خەتەو گیانبازیوە جە کەشەکاو کورڎسانینە بلۊ ڕاوە وگەشمەرڎە ئازیزەکاما بە گەلەکەیما بیاونا، سەرباروو نەبییەی فرسەتی و توانای وەرڎەسی و زەحمەتی، وەلۍ بە واستەێوە گەورە و ڕەنجێوە بەرزۊ هەرمانەو وێسا پۊڕناشا. هامڕۍ ورچنیێما، کە وێچشا جەنگاوەرۍ ئاپۊییۍ بێنۍ، بیۍ بە دەنگوو گەریلاکا ئازادیی کورڎسانی پەی ئا مەبەسەیە کۊشیۍ، قارەمانانە گژیۍ تا گەشمەرڎۍ بیۍ.

هامڕێما کۊچەرینە، ئاڤرینە، ئاخینە و ڕۊزا بیی بە  زایەڵەو نەریتوو ئەرەیاونای ئازادی کەشۊ. سەرەوەشی جە گەلی وەڵاتپارێزنوو کورڎسانی بەتایبەتی بنەیانەی بەنرخ و بەڕێزوو هامڕایاما کەرمۍ.

زانیاری سەروو ئشناسنامەو هامڕایاما کە گەشمەرڎۍ بیێنۍ پێسنەن:

ئشناسنامێ: کۊچەرین ڕۊژینە‌

نامۍ و دمانامێ:لەیلا تورگوتە

یاگۍ جەئەڎابییەی: قەرس

نامۍ ئەڎێ- تاتەی: شیرینە - محەمەد

وەخت و شۊنەو گەشمەرڎەبییەی: ١٢و ئەیلوولوو 2022 / هەرێمەکاو پارێزنای مێدیای

 

ئشناسنامێ: ئاڤرین مەعسومە

نامۍ و دمانامێ: بێریڤان مستەفا

یاگۍ جەئەڎابییەی: عەفرین

نامۍ ئەڎێ- تاتەی: فەتحیە- رەجەب

وەخت و شۊنەو گەشمەرڎەبییەی: ١٩و ئەیلوولوو 2022 / هەرێمەکاو پارێزنای مێدیای

 

ئشناسنامێ: ئاخین عامودێ

نامۍ و دمانامێ: دڵسۊز حەبیب

یاگۍ جەئەڎابییەی: عامودێ

نامۍ ئەڎێ- تاتەی: نەورۊزە – کاموران

وەخت و شۊنەو گەشمەرڎەبییەی: ١٢و ئەیلوولوو 2022 / هەرێمەکاو پارێزنای مێدیای

 

ئشناسنامێ: رۊزا رێناس ئامەد

نامۍ و دمانامێ: سونگول تارنجی

یاگۍ جەئەڎابییەی: ئامەد

نامۍ ئەڎێ- تاتەی: ڕەحیمە- شێخموس

وەخت و شۊنەو گەشمەرڎەبییەی: ١٢و ئەیلوولوو 2022 / هەرێمەکاو پارێزنای مێدیای

س. ز