کۊمیتەو ڕاوەبەریی جمیەروو شۊڕشی یۊگێرتەو گەلا (هەبەدەهە) واتش: " ئەنجاموو لوایچۊوەو زەمینیوە  ١٣ شوباتی کانوو ئاڵتوونوو لجکێ مەنتێقەو ئەرزینگانینە کە بە پاو ئەرەیاونای ڕسمی ٩ کرێکارێ بیێ چێرۊ. ڕێکوزیا پیشەییەکێ ماچا گێرا ژمارەو کرێکارەکا زیاتەرێ با. ئانە لجکنە ڕووەش دا، تەنیا کۊکوشیی کرێکارا نییا. قڕکەرڎەی ئیکۊلۊژیین".

هەبەدەهە واتش ڕژێمی فاشیستیی کرێ‌وەر هەوڵێ مدۊ دەدات تاوانەکەیش بشارۊوە و چەنەش بەرپشۊ. بەڵام ڕاسییەکە ڕۊشنا.

هەبەدەهە واتش، ئینە ڕووەداێوە سرووشتی ئاسایی نییا، بە پێچەوانەوە، کۊکوشیێوە ئەنقەسا و بەرئەنجاموو خەمسەردیین. سەرەڕاو هۊشدارییەکاو کۊمەڵە پیشەییەکا و پسپۊڕ و جمیەرە ژیوگەییەکا، بەڵام ڕژێموو ئاکەپە-مەهەپەی گۊشێش ئووسنێ و ڕاوشۊنی خاسش نەگێرت، پێسەو کۊکوشییەکەو سۊمای، چەمشا چی کۊکوشییەیە پۊشت.

هەرپاسەاواتش حەرچند جە چندین وەڵاتەو سەرمایەدارییانە قەدەغەن، بەڵام تورکیانە و سەرنیشتوو کوردستانینە و ئەفریقانە بەکارئارڎەی سیانیدی و چەوسنایۊ ئینسانی و تێکدای سرووشتی بەرڎەواما، ماچۊ: "لاێوە سرووشت و ئینسان و ژیوگە و گردوو زیندەوەرا، بەکوڵی گردوو ئیکۊلۊژیای قڕ بۊ، لاێوە تەرۊ دەسەڵاتوو ئاکەپە/مەهەپەی کرێ و سەرمایەش زیاد کەرۊ. ئاکەپە/مەهەپەی فاشیست و سیستموو سەرمایەداری و بۊرژوازی دوژمنایەتیی کرێکارا و ڕەنجدەرا و ژیوای ئینسانی کەرۊ".

هەبەدەهە ئاخرۊ ماچۊ: ئینە ئەوەڵین ڕووەدای نییا، تا ڕژێمی فاشیستی ئاکەپە/مەهەپە دوژمنوو کرێکارا و ڕەنجدەرا ورنەشنیۊوە، ئینە دماییش نمێ. داوا ئۊو گردوو ڕێکوزیا و دەزگا و کۊمەڵە پیشەیی و ڕێکوزیا ئیکۊلۊژی و هێزە شۊڕشگێڵن و وەڵێکەوتووازەکاو لایەنگێرا و کرێکارا کەرمێ، کە دژوو تاڵانی و دزی و کوشتەی کرێکارا و ڕەنجدەرا مدراوە، یۊی گێرا و کۊشیای یۊگێرتە و گەورە کەرا.

ڕژێمی فاشیستی ئاکەپە/مەهەپەی و کۊمپانیا لکەدریایەکێش، کە وەرپەرسێنی جە ڕوودای لجکی، با بە ئامانجوو ئێمە".