هجوومەکەو هامبۊرگینە حەوت کەسۍ کوشیێ
شاروو هامبۊرگوو ئەڵمانیاینە، وەراوەروو ناوەندێوە ئاینیوە هجوومۍ چەکداری کریا و حەوت کەسۍ کوشیۍ.
بەپاو میدیاو ئەڵمانیای، یۊ جە هجوومکرەکا یاگۍ پەلامارداکەینە کوشیان و پۊلیسیچ پەشتڕاسش کەرڎۊ.
ڕۊنامەو "بیلد"ی ئەرەیاوناش کە حەوت کەسۍ کوشیێنۍ و هەشت کەسێچ بریندارۍ بیێنۍ.
هێزێوە ئەمنیی فرە یاگۍ قۊمیاکەینە وەڵی کریێنۍ. ئۊفیسوو فیدڕاڵیی پارێزنای مەدەنی داواش جە خەڵکی کەرڎە کە یاگۍ قۊمیاکەی جیا بازا و دوورۍ گناوە چەنەش.
دماو ژنیەی دەنگوو تەقەکا، سەعات ٢١:١٥ دەیەقۍ پۊلیس هاگاڎار کریانۊ.
قسەکەروو پۊلیسی بە "ئێن تی تی"یش وات، بەپەلە لوێنۍ دلۍ باڵەیانەکاو و کۊڵۍ کوشیۍ و بریندارێشا دیێنۍ.
س.ز
