گەریلاکاو ئازادیی کوردسانیوەراوەروو سەیارێوە سەروازیی سەربازیی ڕیۊ، کە سەوازۍ فاڕێوە پەی مەتینای، چالاکیی سابۊتاژیشا کەرد. چا چالاکییەنە ١٢ سەروازۍ تورکۍ سزۍ دریۍ، سەیارەکەیچ سۊچنیا.
جە ئەرەیاونیاو ناوەندوو ئەرەیاونای و چاپەمەنیی هەپەگەینە ئامان، "ئۊپراسیۊنەکاو سوپاو تورکی ئەرەگیری جە سەرنیشتوو کورڎانینە و هجوومەکانە پەی سەروو هەرێمەکاو پارێزنای میدیای درێژەش هەن، جە وەراوەرنە سەیارێوە سەروازیی ڕیۊ، کە خەریک بۍ ئەرەگیرا فاڕێوە مەتینا، چالاکیۍ کریا و جە ئەنجامنە ١٢ ئەرەگیرۍ سزۍ دریۍ سەیارەکەیج سۊچیا".
هەپەگە بارەو چالاکی و هجوومەکاو سوپاو تورکی ئەرەگیریوە زانیاریی وەرفراوانش وەڵا کەرڎۊ. جە درێژەو ئەرەیاوناکەینە ئامان:
" هەرێموو مەتینای
" ئەرەگیرەکۍ حەوڵێشا دۍ سەروازەکاسا بیاونا بە مەیڎانوو مدرامانوو کەشوو هەکاری و چاگە بنیاشارە، کەوتۍ چێروو چەمداریی تیمە گێڵیایەکاما. ١١و حوزەیرانی سەعات ٠٤:٣٠ بەسابۊتاژ دریا وەنەو سەیارە ڕیۊکەیشا سەیارەکەشا تەفرووتووونا کریا و ١٢ ئەرەگیرێش چەنبێنۍ سزۍ دریۍ. سوپاو تورکی تەنیا ددانش نیا پانەیرە کە دووۍ سەروازێس دلێنەشیێنۍ، ئەوۍ تەرێش ئاشکرۍ نەکەرڎۍ، جە ١٢ و حوزەیرانیچنە ئەوەمەنەو سەیارە سەروازییەکەیش کۊ کەرڎۊ.
جە هەرێموو گەشمەرڎە دەلیلوو وەرنیشتوو زاپی
وەراوەروو ئەرەگیرانە کە ڕووەشا کەرڎێبۍ مەیڎانوو مدرامانوو کەشوو ئێف ئێمی، ١٢و حوزەیرانی هێزەکێما ٣ جار گورزۍ کوشندەشا وەنە شانۍ.
جە مەیڎانوو مدرامانوو کەشوو ئێف ئێمینە جە ١٣و حوزەیرانینە هێزەکێما ٢ جارۍ بە چەکی قورس جە ئەرەگیراشا دا.
ئەرەگیرۍ حەوڵیشا دۍ جە مەیڎانوو مدرامانوو کەشوو ئێف ئێمینە چەسپیا، جە ١٤و حوزەیرانینە سەعات ٠٦:٣٠ تیمە گێڵیێکێما بە چەکی قورس جە ئەرەگیراشا دا.
هجوومەکاو سوپاو تورکی ئەرەگیری
١٣ و ١٤و حوزەیرانینە جە هەرێموو گەشمەرڎە دەلیلوو وەرنیشتوو زاپینە، مەیڎانەکاو مدرامانوو کەشوو جودی وکەشوو ئامێدی، جە مەتینانە مەیڎانوو گۊلکای، جە خواکورکنە مەیڎانوو گۊشینی، ڕۊست و سنینی، جە کەشوو مەیڎانوو دەشتەو کافیای و جە قەندیلنە مەیڎانوو دۊڵەو بۊڵۍ ١٢ جارۍ بە تەیارەی جەنگی بۊردومانۍ کریۍ.
١٢ و ١٣و حەزەیرانی جە مەیڎانوو مدرامانوو سیداینە جە زاپنە، جە هەرێموو گەشمەرڎە دەلیلوو وەرنیشتوو زاپی مەیڎانەکاو مدرامانوو کەشوو جودی، کەشوو ئامێدی و کەشوو وەهاری، جە مەتینانە کەشوو هەکاری دەگاو شێلازۍ و مەیڎانوو گۊلکا ٣١٨ جارۍ بە کاتیوشا، تانک و چەکی قورس بۊردومانۍ کریۍ.
سوپاو تورکی ئەرەگیری جە ١٣و حوزەیرانینە جە مەیڎانوو مدرامانوو سیداینە جە زاپ، جە مەیڎانوو مدرامانوو کەشوو ئێف ئێمی جە هەرێموو گەشمەرڎە دەلیلوو وەرنیشتوو زاپی حەوڵێش دۍ بە حەفارە سەنگەرەکاما وڕنۊ".
س.ز
