هەپەگە شناسنامەو یەرێ گەریلایاش ئاشکرا کەرد کە جە زاپەنە گەشمەرڏێ بیێ و واتش: " جە ئاستو شەهادەتو هەمڕەیامانە دژوار، شۆڕگەر و بازەنە سەرەما منامنمێرە، کە جە گرڏو مێڏانەکانە نوێنەرایەتی تەڤگەرو ئازادیماشا کەرد و بەشداری کاروانو گەشمەرڏا بیێ.
مییانو ئەرەیاونا و چاپەمەنی هەپەگەی پێوەس بە گەسمەرڏەبییەو حەر یەرە گەریلای؛ شۆڕشگەر، دژوار و باز، کە جە ١٨و حوزەیرانو ٢٠٢٣نە جە زاپەنە گەشمەرڏێ بیێ ئەرەیاونێوەش وەڵاکەردۆ.
ئەرەیاوناکەو هەپەگەی پی جۆرەنە:
"هەمڕێما شۆڕگەر مەزڵووم مالکۆچ، دژوار ئارارات و باز چاتاک جە ئەنجامو هرووژمێوەنە جە ١٨و حوزەریرانین و ٢٠٢٣نە زاپەنە گەشمەرڏێ بیێ. جە ئاست شەهادەتو هەمڕێیاما دژوار، شۆڕگەڕ و بازەنە سەرما منامنێرە، کە جە گرڏو مێڏانەکانە نوێنەرایەتی تەڤگەرو ئازادیماشا کەرد و بەشداری کاروانو گەشمەرڏا بیێ.
سوپاو تورکو ئەرەگیری کە جە زاپەنە وەراوەرو وێڕاگیری و مڏرامان و گەریلاکا ئازادی کوردەسانینە گیرشا واردەن، گرڏ کاتێ دەسو گەریلایۆ گورزەی کوشندێشا واردێنە.
هەمڕێما کە جە هەلومەرجو سەختو زاگرۆسینە چنین خەباتی شۆڕشگێڵیشا بەسەرکۆتەی بەدەسئارد، گرڏ کاتێ بە ڕەنج و فیداکارییۆ یاڏشا زینە بۆنە و یاڏشا مکەرمێوە.
سەروەشی وێما جە تەمامو گەلوو وڵاتپارێزو کوردەسانیما و بە تایبەت جە بنەیانەو قارەمانا گەشمەرڏا مکەرمێنە کە دەورو قارەمانیشا پێشکەش بە ئەوەکۆشای ئازادی کەرد. قەولما واوەی مکەرمێوە ئاڵاو ئەوەکۆشایما بە بەرزی شەگنمێوە کە هەمڕێیاما ڕادەسشا کەردێنمێ، گرڏ وەختێ یاڏشا زینە ڕاگێرمێنە.
زانیاری دەربارەو هەمڕا گەشمەرڏەکاما پی جۆرەنە:
ناسنامۍ: شۆڕشگەر مەزڵووم مالکۆچ
نامێ و دما نامێ: وەدات ئیشک
یاگێ جە ئەڏا بییەی: شڕناخ
نامێ ئەڏێ و تاتەی: سوڵتان – عیسمەت
کات و یاگێ گەشمەرڏەبییەی: ١٨و حوزەیرانی ٢٠٢٣ / زاپ.
***
ناسنامۍ: دژوار ئارارات
نامێ و دما نامێ: ئۆزکان کایە
یاگێ جە ئەڏابییەی: ئاگری
نامێ ئەڏێ و تاتەی: سەڤیم – بەهادین
کات و یاگێ گەشمەرڏەبییەی: ١٨و حوزەیرانی ٢٠٢٣ / زاپ.
***
ناسنامۍ: باز چاتاک
نامێ و دمانامێ: عەبدولحەلیم باران
یاگێ جە ئەڏابییەی: وان
نامێ ئەڏێ و تاتەی: مەدینە – یەعقوب
کات و یاگێ گەشمەرڏەبییەی: ١٨وحوزەیرانی ٢٠٢٣ / زاپ.
***
