هەپەگە یاڏو یەرێ گەریلایاش کەردۆ کە جە هەرێمەکا پارێزناو مەدیاینە گەشمەرڏێ بیێ و واتش: "هەمڕێیاما جیهان، ساریا و ئۆزگور تا دما هەناسەو ژیوایشا بە فیداکارییۆ جەنگشا کەرد و جە تاریخو ئەوەکۆشای گەلەکەیمانە بیێ بە نامێوە درەوشیاوە."
هێزەکا پارێزناو گەلی-هەپەگە یاڏو یەرێ گەریلاو ئازادی کوردەسانیش کەردۆ، کە جە هرووژمە ئەرەگیرەکا دووژمنی پەی سەرو هەرێمەکا مەدیائنە گەشمەرڏێ بیێ و ئەرەیاوناش حەر یەرە گەریلاکە؛ جیهان، ساریا و ئۆزگور پەی ئەوەکۆشای ئازادی گەلەکەیما بیێ بە میلیتانو ئاپۆیی و گیانشا بەخت کەرد.
ئەرەیاوناو هەپەگەی پی جۆرەن:
" بە ڕێز و پنەزانایۆ یاڏو هەمڕێیاما جیهان، ساریا و ئۆزگور مکەرمێوە، کە جە ٢٥ـو تشرینو دووەمی ٢٠١٩ نە جە ئەنجامو هرووژمەکا دووژمنینە گەشمەرڏێ بیێ. گرڏ کاتێ جە ئەوەکۆشایمانە یاڏو سەنگینی هەمڕێیاما جیهان، ساریا و ئۆزگور زینە بۆنە و مکەرمێنەش بە ئاڵاو سەرکۆتەیما،.
هەمڕێما جیهان، ساریا و ئۆزگور، کە پێسەو گرڏ ژەنی و جوانێ کوردی هەستشا بە تەرسەو قڕکەردەی کەرد جە دژو گەلەکەیما، جە تەمامو ژیواو شۆڕشگێڵیشانە بە شایستەییۆ پەنەوازی هورچنای ئەوەکۆشایشا جابەجێ کەرد. هەمڕێما کە زانێنێ میلیتانی ئاپۆیی بە ماناو سەرجەنۆی ژیوایۆ مێ، وەڵێ گرڏ چێوێ و کەسێ سەرو کەسێتی وێشا شۆڕشا کەرد و بیێ بە میلیتانی دڵسۆز، درووس، هەمڕاما جەهان، ساریا و ئۆزگور کە بە تایبەتمەندیی ئەزموونو ئەوەکۆشای و کەسێتیی وێشاوە جە دژو گرڏ جۆرە هرووژمێ دووژمنی بە فیداکارییۆ جەنگی، یاگێ وێشا جە تاریخو ئازادیی گەلەکەیمانە گێرت و بیێ بە نامێوە درەوشیاوە و هەمیشەیی.
پێسەو هەمڕاو هامڕەیا گەشمەرڏاما سەرسەڵامەتی وێما جە بنەیانەو قارەما هەمڕێما جیهان، ساریا و ئۆزگور و جە گرڏو گەلو کوردەسانی وڵاتپارێزیما مکەرمێنە و قەولو بەردەوام بییەیما سەرو هێڵو ئامانجی ئەوەکۆشای هەمڕێیا قارەمانیما واوەی مکەرمێوە.
شناسنامەو هەمڕێ گەشمەردێما پی جۆرەن:
ناسنام: جیهان هیڤرۆن
نامێ و دماو نامێ: لیندا خەیری حاجی
یاگێ جە ئەڏێ بییەی: شەنگال
نامێ ئەڏێ و تاتەی: نەسیمە – خەیری
کات و یاگێ گەشمەرڏە بییەی: ٢٥و تشرینو دوومی ٢٠١٩ / هەرێمەکا پارێزناو مەدیای
***
ناسنام: سەیران لۆرین
نامێ و دما نامێ: پەلدا دۆگری
یاگی جە ئەڏێ بییەی: ئامەد
نامێ ئەڏێ و تاتەی: ئەدیبە – موحەمەد فەرید
کات و یاگێ گەشمەرڏە بییەی: ٢٥و تشرینو دوومی ٢٠١٩ / هەرێمەکا پارێزناو مەدیا
