هەپەگە شناسنامەو ٣ گەشمەرڎاش ئاشکرا کەرد و واتش: "پېسە یاگەگیرو ڕاو ێبازو هەمڕایاما کە نامۍ ۋێشا جە تاریخو ئازاڎیی گەلوو کوردینە نویستۆ، جە کەسایەتیشانە هەوڵمڎەیمۍ لایەقۍ بیمۍ بە گەشمەرڎاما."
مېیانو ئەرەیاۋنای و چاپەمەنی هێزەکاو پارېزنای گەلی (هەپەگە)ی جە ئەرەیاۋنێوەنە نامۍ ٣ گەشمەرڎا گەریلاکاو ئازاڎیی کورڎەسانیش ئاشکرا کەرد، کە کۊتێنۍ دامەو هێزەکاو ئێرانی و جە هەرێمو کۆتۆلینە گەشمەرڎۍ بیێنۍ.
ئەرەیاۋناکەو هەپەگەی پی جۆرەنە:
"هەمڕێما ڕێناس، هۆگر و بەرخۆدان جە کاتو پڕایۆیشانە جە هەرێمێوە پەی هەرێمێوە تەری، جە ١٩و تەمموزو ٢٠٢٤ینە کۆتێنۍ دامەو هێزەکاو ئێرانی جە هەرێموو کۆتۆلی گەشمەرڎۍ بیێنۍ.
هەمڕێما ڕێناس، هۆگر و بەرخۆدان پېسە جەنگاوەرێوە فیدایی گەلەکەیما جە گرڎ مېڎانێوە ئەرەکۊشایشانە بە شێوێوە قارەمانانە نوێنەرایەتی میلیتانی ئاپۆیشا کەرد و تا دما هەناسەو ۋێشا بە دڵسۆزبیەی پەی بەهاکا ئازادیما کە بە قوربانیدایۍ گۆرۆ خوڵقیان ئەرەکۊشۍ. هەمڕێما ڕێناس، هۆگر و بەرخۆدان جە مېڎانە قەوەتە وڵاتپارێزنییەکا کورڎةسانینە؛ جە گەڤەر، جزیرە و مەخمورنە بەشدارۍ دلۍ ئەرەکۊشای ئازادی گەلەکەیما بیۍ، جە گرڎ ساتێوە ئەرەکۊشایشانە بە شێوێوە فیدایانە ژیۋۍ و گژیۍ، بە هەڵوێسی کۊششکاری و کەسایەتیشاوە بیۍ بە پاسەوانۍ هێڵۊو پارتیما پەکەکەی. هەمڕاکېما کە بە گرڎ شێوۍ درکشا بە مەترسییەکا قڕکەردەی سەرو گەلەکەیما کەرد، بە ئەنەیاوای جە پەیڕەوکەردەی ئەرکەکاشا ۋێشا جە ئەرەکۊشای فیدای نەگێرتۆ. هەمڕێما ڕێناس، هۆگر و بەرخۆدان زانێنۍ کە دڵسۆزیشا پەی ڕابەر ئاپۆی و هەمڕا گەشمەرڎەکاشا تەنیا بە ۋەرفراوانکەردەی ئەرەکۊشای ماناڎاری ۋێش هۆرگێرۆنە، پەی ئینەیچ کۆشیۍ کە دلۍ واقعو ئەرەکۊشاینە ۋێشا بیاونا بە بەرزتەرین ئاست. هەمڕاکێما پا بەهایا کە دلۍ ئەرەکۊشایشانە وەششا کەردۍ، نامۍ ۋێشا دلۍ ئازادی گەلەکەیمانە نویستۆ. پېسە یاگەگیرو ڕاو ێبازو هەمڕایاما کە نامۍ ۋێشا جە تاریخو ئازاڎیی گەلوو کوردینە نویستۆ، جە کەسایەتیشانە هەوڵمڎەیمۍ لایەقۍ بیمۍ بە گەشمەرڎاما.
پی ئاوەزەیماوە سەرەوەشی ۋێما پەی بنەیانەی قارەمانو هەمڕایاما ڕێناس، هۆگر و بەرخۆدانی، خەڵکی وڵاتپاریزنو گەڤەر، مەخمور، جزیرەو بۆتانی و گەلی وڵاتپارێزنیما بەربڕمۍ. قەولما واوەی مکەرمېوە بۆنەو ئاواتەکاشاوە ئەرەکۊشایما گۆرەتەر بکەرمۍ.
زانیاریی دەربارەو هەمڕا گەشمەرڎەکاما پی جۆرەنە:
ناسنامۍ / ڕێناس جڤییان
نامۍ و دما نامۍ / بەدران ئەرین
شۆنەماو جە ئەڎابیەی / گەڤەر
نامۍ ئەڎۍ و نامۍ تاتەی / پاکیزە- ڕەفیق
شۊنەماو کاتو گەشمەرڎەبیەی / ١٩و تەمموزو ٢٠٢٤/ کۆتۆل
*****
ناسنامۍ / هۆگر بۆتان
نامۍ و دما نامۍ / شەریف ئادلم
شۆنەماو جە ئەڎابیەی / شڕناخ
نامۍ ئەڎۍ و نامۍ تاتەی /هەدییە- عەبدولوەهاب
شۊنەماو کاتو گەشمەرڎەبیەی /١٩و تەمموزو ٢٠٢٤/ کۆتۆل
*****
ناسنامۍ / بەرخۆدان گۆیی
نامۍ و دما نامۍ / ڕزگار کارا
شۆنەماو جە ئەڎابیەی / ئەتروش
نامۍ ئەڎۍ و نامۍ تاتەی /ئەسمەر- موحەمەد
شۊنەماو کاتو گەشمەرڎەبیەی /١٩و تەمموزو ٢٠٢٤/ کۆتۆل
*****
