ئەرەیاونیاو ناوەندوو ئەرەیاونای و چاپەمەنیی هەپەگەی پێسنەن: "سیاسەتوو دەوڵەتوو تورکی جە سەدەی ویەرڎەنە کە بە ڕاو تورککەرڎەیۊ گەرەکش بۍ کورڎا و گردوو گەلا تورکیانە پاکتاو کەرۊ، دماتەریچ سەروو ئا میراتە وناوییەیۊ نەتەوە دەوڵەتوو تورکی ئەرەمەرزنۊ. ئاشکران کە سەرش نەگێرتەن. ئانۍ کە گرد ڕوۍ وەخت و عومر پەی گەلوو کوردی، کۊشیای و گەریلای دیاری کەرا، جە سەد ساڵەی تازەیچنە جە گردوو مەیدانەکانە ڕووبەڕوۍ راسیی گەلی وێگێر و کۊشیای گەریلای باوە.  تا دەوڵەتوو تورکی ددان بە مافوو ژیوای ئازادی و بییەی گەلوو کوردیرە نەنیۊ و پاگێری کەرۊ ێنێت و جە سیاسەتوو جینۊسایدینە ئی کۊشیایە بێمرڎای بەرڎەوام بۊ و بەدڵنیاییوە میاوۊ سەرکەوتەی. مدرامانوو گەریلاکاو ئازادیی کوردستانی جە ساڵەی ویەرڎێنە و مانگەو تشرینوو یوەم/ ئۊکتۊبەرینە دیارتەرین بەڵگەن سەروو ئینەیە".

مدرامانی ئەفسانەیی بە ڕۊحی گیانبازانەی ئاپۊییوە

درێژەو ئەرەیاوناکەی پێسنەنە:

مانگەو تشرینوو یوەمی پێسە مانگێوە تارێخەنە یاگێش  گێرتێنە، کە گەلەکەما دژوو سیستموو کۊڵۊنیالیستی قڕکەری و پیلانگێڵنیی میاننەتەوەیی گرد ڕوۍ و گرد مەیدانێوەنە کۊشیان. کۊشیای گەلەکەیما پەی دماییئارڎەی بە سیاسەتوو گۊشەگیری گردوو زیندانەکانە، مسۊگەرکەرڎەی ئازادیی جەستەیی ڕابەرایەتیما، مدرامان دژوو فشارەکاو دوژمنی، دلێنەبەرڎەی پلانە ئەرەگیرییەکا و بونیادنیای ژیوای ئازادی سەروو بنەماو ستراتیژوو جەنگوو گەلی شۊڕشگێڵنی ڕۊ بەڕۊ گەورە بۊ. گەریلاکاو ئازادیی کوردستانیچ بە مدرامانی ئەفسانەیی وێشا، کە بە ڕۊحوو گیانبازی ئاپۊیی ملۊ ڕاوە، چی کۊشیاینە هەوڵۍ مدۊ دەوروو وێش بیاونۊ یاگۍ.

جەنگاوەرە گیانبازاو  تابووروو نەمرا هامڕێما ڕۊژهات زیلانە و ئەرڎاڵ شاهین ١وو تشرینوو یوەمینە ئەنقەرەنە چالاکیی تارێخیی وێشا کۊشیای مانگەو تشرینوو یوەمیشا دەس پەنە کەرد. هامڕێما ڕۊژهات و ئەرڎاڵ بە چالاکیی وێشا جە ئاستی پرۊفیشناڵانەنە ڕۊحی گیانبازیی ئاپۊییشا یاونا بەرزتەرین ئاست، شەپۊل شەپۊل بە کوردستانەرە وەڵاشا کەرڎۊ و ئەنجامۍ فرە گرنگێشا خوڵقنۍ. گەریلاکاو ئازادیی کوردستانیچ ئا ڕۊحە بەرزە، یارای، پیمانەو  گیانبازی، پرۊفیشناڵی و سەرمرەشقایەتیی سەرڎەمیشا پەی وێشا کەرد بە نموونە و جە سەرحەدۊ تا ئامەد و مێردین، مەتیناوە تا زاپ، ئاڤاشین و خواکورکنە گرد ڕوۍ چالاکییشا کەرد و گورزی قورسشا وەنەو دوژمنی شانا. سەرنیشتنە و هەرێمەکاو پارێزنای مێدیاینە بەتایبەتی چالاکییەکاو هەماهەنگیی گەریلای، شێوازەکاو لوای سەروو دوژمنی، کەمینە، هجووم، سابۊتاژ، نیشانەماڕۍ و چەکی قورس پێوە یاویۍ یاگۍ و ئاستێوە گرنگوو جەنگی و مدرامانی خولقیا. ئا چالاکیۍ هێزەکاما بە پێرفۊرمانسێوە بەرز کریێنۍ، پلانەکاو دوژمنی ئەرەگیریشا پووچەڵۍ کەرڎێوە و بێئەنجامێشا کەرڎۍ. دەوڵەتوو تورکی ئەرەگیری، ڕژێمە فاشیستەکەش و میدیا جەنگییە تایبەتەکەش هەوڵێشا دۍ کە ڕاسیی جەنگی  سەرنیشتوو کوردستانینە و هەرێمەکاو پارێزنای مێدیاینە، ئەنجامەکاو ئا جەنگەیە گلێرگەو تورکیاینە، جە ڕای گردینی بشاراوە. ڕاسیی جەنگی کە بە چالاکیی گەورەو هامڕایاما رۊژهات و ئەرڎاڵی جە ئاستێوە ی گرنگنە پڕاوە پەی وەرنیشتوو تورکیای، مانگەو تشرینوو یوەمینە  بێمرڎای بەرڎەوام بی. ئەنجامی ڕوانەو جەنگەیە و دیمەنەکێش چالاکییەکۍ پێشکەش بە گەلەکەیما و ڕای گردینی کریێنۍ و پێسە ڕاسی نیشانە دریان.

١٢ گەریلۍ گەشمەرڎۍ بیێنێ

ئا ئەنجامە جە سایۍ کۊشیای هامڕا گەشمەرڎاماوە خولقییان، کە بە ڕەنجێوە گەورە و ڕۊحوو گیانبازییوە کۊشیێنۍ.  جە مانگەو تشرینوو یوەمینە هامڕێما ڕۊژهات زیلان (ئۊزکان شاهین)، ئەرڎاڵ شاهین (حەسەن ئۊغوز)، ئیبراهیم تۊڵهەڵدان(بلال شاهین)، نورحەق دێرک (رەمەزان تەمەل)، ژیندار ڕومەت مەیاسەر (بەرژین ئارشمەت)، زاگرۊس بەستا (ئەحمەد چۊرتۊ)، حسێن پیران (جیهاد ئاکتای)، ڕوکەن زیلان (زەینەب سەڤیم)، جودی چەکدار (قیمەت ئۊزمەن)، بەدران مەرڎان (نازم حیکمەت ئولگەن)، جوان ئامەد (ئۊنور کامیلئۊغڵو)، سەید بروسک (محەمەد گونیەلی) بە قارەمانانە گژیۍ و گەشمەرڎۍ بیۍ.  

دەوڵەتوو تورکی جە پلانەو ئەرەگێرتەی پانیشتوو کوردستانینە پێسە جەرڎەوانێوە پەدەکەی بەکار مارۊ.

دەوڵەتوو تورکی پلانەکاو ئەرەگیرییش وستێنۍ  بواروو بەیاگەیاونایۊ و بیەی گەریلایش مەیدانەکانە بەرڎەوام ئارڎێنی وەروو باسی و پاسە هەوڵێشا دێنۍ ئامانجوو وێش پەی ئەرەگێرتەی پانیشتوو کوردستانی شارۊوە. وەلۍ ئا هجوومە  ئەرەگیریۍ، کە ٧وو تشرینوو یوەمینە هەرێموو بارزانینە دەسش پەنە کەرڎێنۍ  و هەڵایچ بەرڎەوامێنی، پلانە چەپەڵەکاو کۊلۊنیالیستەکاش ئاشکرا کەرد. سوپاو تورکی قووڵایی مەنتێقەو بارزانی و یاگە بەرزەکانە بنۍ وزا و پێسە ئامانجەکاشا پەی ئەرەگێرتەی گردوو شۊنە ستراتیجییەکا پانیشتوو کوردستانینە بەڕۊشنی نیشانە مدۊ. سەرباروو ئانەیە هەرێموو بارزانینە بییەی دایمیی گەریلای نییا، پەدەکە هەرگیز باس چا ئەرەگیرییە مەکەرۊ، وەراوەرش مەمرڎۊوە و ئانەیچ ئاستوو نۊکەرایەتی و وێتەسلیمکەرڎەیی بەروزۊ.  پێسە بڕۍ دەزگۍ ئەرەیاونای جیاجیۍ پانیشتوو کوردستانینە بە بەڵگەی ڕۊشن نیشانەشا دا؛ هێزەکاو پەدەکەی سەروو خەتەو ئامێدی و مەتینایوە سەربازاو تورکیشا پاڵوو سەنگەرەکانە نیێنێرە، جە ڕووەو لۊجستییوە هامکارییشا کەرا، ڕاشا پەی وەشۍ کەرڎێنۍ پاسە سەروازە ئەرەگیرەکێشا پاریزنێنۍ، خزمەت بە ئامانجەکاو ئەرەگیرە تورکا کەرا. ئا ڕووەدایۍ کە جە ماوەو مانگۍ وەڵینێنە ڕووەشا دێنە بەرش وزۊ، کە دەوڵەتوو تورکی پەدەکەش پەی وێش کەرڎەن بە جەرڎەوان و بەکرێگیریا و جە پلانەو ئەرەگیرێیشنە پانیشتوو کوردستانینە پێسە سەروازێوە  چێرڎەسەی بەکارشا مارۊ.

ئاماروو جەنگەکاو  مانگەو تشرینوو یوەمی:

هجوومەکاو دەوڵەتو تورکی

هجووم بە فڕۊکەی جەنگی: ٢٠١

هجووم بە چەکی کیمیاوی: ٣٩

هجووم بە تەقەمەنیی قەدەغەکریا: ١٣٧

هجووم بە فڕۊکەی بێفڕۊکەوانی بۊمبچنکریا: ١٩٧

ژمارەو گەشمەرڎەکاما

ژمارەو ئا هامڕایاما کە گەشمەرڎۍ بیێنێ: ١٢

چالاکییەکاو گەریلای

کۊی گردینوو چالاکییەکاو گەریلای: ٢٧٨

کەمیننیایۊ: ١

ورکوای سەروو دوژمنی: ١

هجووم: ١

سابۊتاژ: ٦

چالاکیی هەماهەنگیی گەریلای: ١٨

نیشانەماڕێ: ٥٦

جەنگ، شانای گورزی، دەسوستەینە: ٨٣

چەکی قورس: ١١٢

کوشیایاو دوژمنی

کۊی گردینوو ئا ئەرەگیرا کە سزا دریێنێ: ٢٠٥

ئا ئەرەگیرە پلەباڵۍ کە سزا دریێنێ: ٣

ئا ئەرەگیرۍ کە بریندارۍ بیێنێ: ٣٨

ئا کەرەسۍ کە دلێنە بریێنێ

تەلەفریک: ١

ڕادار: ٢

فڕۊکەی بێفڕۊکەوان: ٦

سەنگەر: ١٠

سیستموو کامێرەی چەمداریی حەراری: ١٣

خێمێ: ١٧

ئا ئامێر و کەرەسۍ کە گورزشا ونە دریان

هەلیکۊپتەری سکۊرسکی: ٢

سەیارەی زرێپۊشی کیرپی: ١

حەفارە: ٣

بۊمبشان: ١

سەنگەر: ٥٥".