هەپەگە یاڎوو "ئازاڎ سەرڎەم"ی گەشمەرڎەو مدرامانوو وێڕاوەبەرییش کەرڎۊ
ناوەندوو ئەرەیاونای و چاپەمەنیی هەپەگەی، یاڎوو گەریلا حاجی ئۊران (ئازاڎ سەرڎەم)ییش کەرڎۊ، کە ساڵەو ٢٠١٦ینە نسێبین-نە مدرامانۍ وێڕاوەبەرینە گەشمەرڎە بی.
جە ئەرەیاونای هەپەگەینە ئامان، " زانیاری سەروو ناسنامەو هامڕاما "ئازاڎ"ی، کە وەختوو مدرامانوو وێڕاوەبەرینە گەشمەرڎە بی و بۊنەو ئانەیۊ نۊعوو گەشمەرڎەبییەیش ڕۊشن نەبۍ، روون نەبوو، ئشناسنامەکەش ئاشکرا نەکریابۍ.
جە درێژەو ئەرەیاوناکەینە ئامان، " مدرامانوو وێراوەبەریی نسێبین-نە کە قارەمانی گەورەش چەنە بۍ و بە فیداکاری و رەنجێوە گەورەو مدرامانوو هامڕایاما خوڵقیا، دلۍ هێزەکاو دەوڵەتی فاشیستوو تورکینە، بی بە سەندرۊمۍ و پیسە سەندرۊموو "نسێبین" یاگۍ وێش دلۍ دڵوو تاریخینە گێرتە.
پی مدرامانە تاریخییە، قەرارداریێوە گەورەو گەلەکەیما حەوت ساڵۍ تا حەفتا ساڵۍ پەی ژیواێوە دیموکراتی و ئازاڎی پەی دنیۍ ئەرەیاونیا. گەلوو کورڎی چەنی گرڎوو هجوومەکایچش درێژەش دا بە داواکاریی ژیوی ئازاڎی و رەوای و ئینەش نیشانەو دۊسی و دوژمنی دا. دلۍ ئی مدرامانە داستانییەو هامڕا "ئازاڎ سەرڎەم"ینە کە ساڵانێوە دووودرێژ دلۍ ڕیزەکاو گەریلاکاو ئازاڎیی کورڎستانینە بۍ، پەی پەشتگیریی مدرامانوو گەلەکەیما لوا "نسێبین" و یاگۍ وێش دلۍ مدرامانوو پڕۊسەو مدرامانینە گێرتە. هامڕاما "ئازاڎ" جە پڕۊسەی مدرامانینە گەشمەرڎە بی، وەلۍ وەروو ئانەی زانیاری سەروو ئشناسنامەکەیش و وەختوو گەشمەرڎەبییەیش ڕۊشن نەبۍ، نەتاویا ئشناسنامەکەش ئاشکرا کریۊ. ئەوەڵ سەرەوەشی جە بنەیانەی سەرەبەرزوو وەڵاتپارێزوو هامڕا ئازدا سەرڎەمی و گەلۍ وەڵاتپارێزا کەرمۍ.
ئشناسنامەو هامڕا گەشمەرڎە شەهید "ئازاڎ سەرڎەم"ی ئینەن؛
ئشناسنامێ: ئازاڎ سەرڎەم
نامۍ و دما نامێ: حاجی ئۊران
یاگۍ جەئەڎابییەی: مێردین
نامۍ ئەڎاوتاتەی: فاتیمە و بەشیر
وەخت و شۊنەو گەشمەرڎەبییەی: ٢٠١٦ \ مێردین
هەپەگە ماچۊیچ، شەهید "ئازاڎ سەرڎەم" جە مەنتێقەو میدیاڎوو مێردینی دلۍ بنەیانێوە وەڵاتپارێزی، کە جە ئەوەڵەکاو ئەرەمەرزنای پارتەکەیما "پەکەکە"ینە بەشڎاریشا جە ڕیزەکاو کۊشیاینە کەرڎەن جەئەڎۍ بییەن. تاتەو گەشمەرڎە ئازاڎی جە ساڵەکاو ١٩٨٠ینە سەرڎەموو کودەتاو ١٢و ئەیلوولینە کەوتەن دەسوو دوژمنی و بەشڎارییش جە مدرامانی شکۊداروو پارتەکەیما "پەکەکە"ینە زیندانەکانە کەرڎەن. دماتەر کە ئازاڎ بۊ، بۊنەو فشاری فرەو دوژمنیوە کۊچ کەرۊ پەی شاروو "ئێلح"ی و گەشمەرڎە "ئازاڎ"یچ دلۍ بنەیانۍ چینەینە جەئەڎۍ بۊ گەورە بۊ و دماجار ساڵەو ٢٠٠٣ بەشڎاریی ڕیزەکاو گەریلاینە کەرۊ. هەپەگە باسوو ئانەیچ کەرۊ، کە گەشمەرڎە "ئازاڎ سەرڎەم" چنڎین مەنتێقۍ کورڎسانینە گەریلایەتییش کەرڎەن و سەرڎەموو مدرامانوو وێڕاوەبەرینە، ملۊوە پانیشتوو کورڎسانی و بەشڎاری جە مدرامانوو وێڕاوەبەرینە جە مەنتێقەو "نسێبین"وو مێردین-ینە کەرۊ، کە ئاڎ مدرامانش پێسە سەندرۊموو نسێبین پەی دوژمنی تاریخنە یاگێش گێرتێنە، و دماجار چاگە ساڵەو ٢٠١٦ینە گەشمەرڎە بۊ.
س.ز
