هەپەگە ئشناسنامەو ٢ گەشمەرڎاش ئاشکرا کەرڎ
هەپەگە ئشناسنامەو دووۍ گەریلایا گەشمەرڎەیش ۋەڵاکەرڎۊ و ئەرەیاۋناش، "هامڕېما ژیندار ڕومەت مەیاسەرە و زاگرۆس بەستا، کە بە ورېوە بەرزۊ دژوو ئەرەگیرا جەنگشا کەرڎ، گەشمەرڎۍ بیۍ".
ناوەنڎوو ئەرەیاۋنا و چاپەمەنی هەپەگەی جە ئەرەیاۋنېوەنە ئشناسنامەو ٢ گەریلایاش وەڵاکەرڎۊ، کە ڕۊو ١٩و ئی مانگۍ جە ھەرێموو زاپی گەشمەرڎۍ بیۍ.
جە ئەرەیاۋناکەینە ئامان:
"جە ئەرەیاۋنا و ڕۊو ٢٠و تشرینی یۋەم و ٢٠٢٣ ېنە وەڵاما کەرڎۊ؛ پۍ گەلەکەیما و ڕای گرڎی، کە ١٨ و ١٩و تشرینی یۋەمی جە مېڎانوو مدرامانوو کوڕەژارۆی جەنگېوە دژوار جە بەینوو هێزەکاما و سوپاو تورکی ئەرەگیرینە ڕووەشدابۍ، چا جەنگەنە، ٢ ئەرەگیرۍ پلە باڵۍ سزا دریۍ و ٢ هامڕېچما کە قارەمانانە جەنگشا کەرڎ، گەشمەرڎۍ بیۍ.
چا جەنگەنە هامڕېما ژیندار ڕومەت مەیاسەرە و زاگرۆس بەستا، کە بە ورېوە بەرزۊ دژوو ئەرەگیرا جەنگشا کەرڎ، گەشمەرڎۍ بیۍ. سەرەوەشی ۋېما ئاراسەو گرڎوو گەلی وڵاتپارێزوو کوردسانی، بەتایبەتی خانەواڎەی بەنرخوو هامڕایاما، گەریلاو سەرمەشقەو یەژاستاری و جەنگاوەرەو پاژکی، ژیندار ڕومەت مەیاسەرە و ڕۆڵەی قارەمان و ڕەقەی، زاگرۆس بێستای کەرمۍ.
زانیاری جەبارەو ئشناسنامەو هامڕایا گەشمەرڎەیما پی جۊرەنە:
ناسنامۍ / ژیندار ڕومەت مەیاسەر
نامۍ و دمانامۍ / بەرژین ئارشیمەت
یاگۍ جە ئەڎابیەی / ئامەد
نامۍ ئەڎۍ و نامۍ تاتەی / فاتمە - زەکی
وەخت و یاگۍ گەشمەرڎەبیەی / ١٩و تشرینی یۋەم و ٢٠٢٣ / زاپ.
***
ناسنامۍ / زاگرۆس بەستا
نامۍ و دمانامۍ / ئەحمەد چۆرتۆ
یاگۍ جە ئەڎابیەی / ڕەقە
نامۍ ئەڎۍ و نامۍ تاتەی / مەقبولە – عوسمان
وەخت و یاگۍ گەشمەرڎەبیەی / ١٩و تشرینی یۋەم و ٢٠٢٣ / زاپ
