ئەرەیاۋناکەو ناوەنڎ و چاپەمەنی هەپەگەی پی جۆرەنە:

"جە هجومەکا دوژمنیەنە جە ١١و تشرینوو یوۋەم و ٢٠٢٣ پۍ سەروو مەنتیقەو زاپی، هامڕاما جودی چەکدارە ژەنەی ئازاو جزیرە و بۆتانی و جەنگەوانەو یەژاستاری گەشمەرڎۍ بیە.

هامڕاما جودیە یۊ چا ژەنە جەنگاوەرا هەڵمەتەو شۆڕشگێڵنی هەڵۆکا زاگرۆسی بۍ. بە تەجروبەی دۊڵەمەنڎوو ۋېش جە مېڎانی سەروازی و حەز و خولیاش پۍ تاکتیکی گەریلای سەردەمی تازەی و دڵە ئازا و غیرەتیەکەش تاواش رەنگەو ۋېش بە مدرامانوو زاپی بەخشۊنە. هامڕا جودیە کە بە حۊڵ و مانیای و کۊشیایش سەرمەشقەبۍ جە فاڕای زاپی بە قەڵېوە مدرامانی، حۊڵشدا پېسە گەریلېوە یەژاستاری ئا ئەرکە تاریخیە بیاونۊ مەنزڵ کە کەوتەبۍ سەروو شاناش. بە هوشیاری ئانەی بۊ بە لایەقەو یاڎەوەری گەشمەرڎا ئاڵاو مدرامانی کە جە شارستان، مزگین، ئاڤزەم و بنەڤشۍ و رۆژدایش هۊرگېرتېبۍ، شۊکناشۊ و بە کۊشیای ۋېش میراتێوە گەورەو مدرامانیش جیائاست.

گەلوو جزیرەوبۆتانی کە رۆڵېوە ئازا و قارەمانەشا کیاستە دلۍ ریزەکاماوە، چنڎە فەخر بە هەڤاڵېما جودیېوە کەرمۍ، ئینا یاگۍ وېشەنەو لایەقشا. پېسە هەڤاڵاش پەرسە و سەرەوەشی ۋېما ئاراسەو خەڵکی وڵاتپارێزوو جزیرەو بۆتانی و گرڎوو خەڵکوو کوردسانی و بەتایبەتی بنەیانەی بەنرخ و بەڕێزوو هەڤاڵېما جودیۍ کەرمۍ.

زانیاری سەروو ئسناسنامەو هەڤاڵېما جودی جەکدارۍ پی جۆرەنە:

ناسنامۍ / جودی چەکدارە

نامۍ و دما نامۍ / قیمەت ئۆزمەن

یاگۍ جە ئەڎابیەی / شڕنەخ

نامۍ ئەڎۍ و نامۍ تاتەی / ئەمینە – محەمەد

وەختوو یاگۍ گەشمەرڎەبیەی / ١١ و تشرینوو یوۋەم و٢٠٢٣/ زاپ