جە هرووژمۍ دۆڵەتو ئێرانینە ٢ کۆڵبەرۍ زامڎارۍ بیۍ
جە هرووژمو هێزەکاو ئێرانینە پەی سەرو کۆڵبەرا کوردی، کۆڵبەرێوە جە قەندیل و کۆڵبەرێوەتەریچ جە سنورو نەوسوڎێنە بە سەختی زامڎارۍ بیۍ.
بە پاو میدیاکاو ۋەرکۆتوو کوردەسانی، جە ٥و تشرینو دووەمینە جە ئاکامو هرووژمو هێزەکاو ئێرانینە دووۍ کۆڵبەرۍ کوردۍ بە سەختی زامڎارۍ بیۍ.
ئەرەیاۋییا کە کۆڵبەرێوە بە نامۍ جەبار ڕەزایی خەڵکو دەگاو کۆلەسی وارینی سەر بە شارو سەردەشتی، جە کاتو کۆڵبەریینە جە ئاکامو هرووژمو هێزەکاو تورکینە جە سنورو قەندیلی بە سەختی زامڎار بیەن. زانیان کە جەباری کۆڵبەر پەی هۆرگێرتەی چارەسەری پزیشکی بریان پەی خەسەخانەو پیرانشاری جە ۋەرکۆتوو کوردەسانی.
هەر جە درێژەو هرووژمو هێزەکاو دۆڵەتو ئێرانینە پەی سەرو کۆڵبەرا کوردی، زانیان کە کۆڵبەرێوەتەر بە نامۍ ئەسعەد فیروزبەخشی خەڵکو شارو جوانڕۆی، جە ئاکاموو هرووژمەکەینە سەرو سنورو نەوسوڎێنە بە سەختی زامڎار بیەن.
