جارێوەتەر ئازاڎکەردەی سدیق حەسەنی کە ٣٠ ساڵێن گیریان دما وزیا
ئازاڎکەردەی سدیق حەسەنی کە ٣٠ ساڵێن گیریان و ئیساتې ئینا ژورو ژمارە ١و ئاسایشو باڵاو تەکیرداغینە، بە بەهانې بێ بنەمې پەی دووەم جاری دماوزیۆ.
ئازاڎکەردەی سدیق حەسەنی، زینانی سیاسی کە ماوەو ٣٠ ساڵان گیریان و ئینا ژورو ژمارە ١و ئاسایشو باڵاو تەکیرداغینە ، پەی جاری دووەمی جە لایەنو کۆمیتەو ئیداری و چەمڎاری زینانیوە پەی ٣ مانگا تەری دماوزیا.
کۆمیتەو ئیداری ٨و کانوونو دووەمی گلېربیۆ و ئازاڎکەردەی نامبریایش پەی ٦ مانگا دماوست، جارێوەتەر ٨و تەمموزی گلێربیۆ، بە بەهانې بەرنەبڕیەی 'پەشیمانی' ئازاڎکەردەیش پەی ٣مانگا تەری دماوست.
حەسەن جە ١٧و کانوونو دووەمو ١٩٩٥باڵبەس کریا و دماتەر جە ٢٤و حوزەیرانو ١٩٩٩ سزاو زینانی هەتاهەتایش سەرەرە سەپیا. کۆمیتەو ئیداری ٩و تشرینو یووەمی سەر جەنۆ هۊرسەنگنای پەی ئازاڎکەردەی سدیق حەسەنی ئەنجام مڎۆ.
