واتەواچەو ئەنجوومەنو ژەنا دەم پارتی خالیدە تورکئۆغلووە جەختش چانەیە کەرڎۆ پېسە ژەنا جە ئەوەکۊشای بەردەوامې با و واتش: " دژو گرڎ کۆمکوژی، جاشایەتی، تاڵانکەردەی ژیۋگەی و تنوتیژی سەرو ژەنا، ئاشتی و گلېرگەی دیموکراتیک بنیاڎ منیەیمې."
واتەواچە و ئەنجوومەنو ژەنا پارتو یەکسانی و دیموکراسیی گەلا (دەم پارتی) وەڵی گلێرۆبییە و گرڏی ئەنجوومەنو ژەنا دەم پارتی، جە مییانو گرڏی دەم پارتی جە ئەنقەرەنە کۆنگرێوە ڕۆنامەوانیش ئەنجامدا. جە کۆنگرەکەنە قوربانیا کۆمکوژی پیرسوسیش یاڏ ئاردیمێ و ئاماژەش پانەی دا کۆمکوژی سەر و عەلەوییەکا سووریای و دروزەکا، وە تەوقدا و وەرنیشتوو کوردەسانی درێژەکراوەو هەمان عەقڵێتو ونمتەی بکەرا کۆمکوژی پیرسوسیا.
خالیدە تورکئۆغلووە باسو پرۆسەو ئاشتی و گلێرگە و دیموکراتیکو ڕابەر ئاپۆیش کەرد و ئاماژەش پانەی دا، پرۆسەکە هیواو ئاشتیش دلێ گەلانە و بەتایبەتیش ژەنانە زیاڏ کەردەن.
مەراسیمو چەک سۆچنا و گەریلای
خالیدە تورکئۆغلووە ئاماژەش پانەی کەرد کە پەیامە ڤیدیۆییەکەو ڕابەر ئاپۆی و مەراسیمەکەو 'گرووپو ئاشتی و گلێرگە و دیموکراتیکی' بەمەبەسو دلێنە بەردەی چەکەکاشا، تاریخییا و واتش: "مەراسیمەکە نەک تەنها سەرڤو بێدەنگکەردە و چەکەکا، بەڵکوم پەی گفتوگۆکەردەی سەر و ئاشتیش دەرفەتێوە تاریخییا. لابەردە و فشاری سەرو بییەی، ناسنامە و زوان و گەلوو کوردی، حەر وێش جە ئەرەمەزنا و ژیوای ئازاد و یەکسانینە پەیوەسا هە سیاسەتو دیموکراتیکی و ئەوەکۆشای."
خالیدە تورکئۆغلووە باسش چانەی کەرد، ئا کۆمیسیۆنەی پەرلەمانەنە بە ئامانجو چارەسەریی پرسو کوردی سەر و بنەماو یاسایی و دادپەروەری ئەرەمەزیۆ، پەی ژەنا گرنگیێ فرەش هەن و سەرنجش وست سەر و ئانەی کە ئا کاروەدێ بریا ڕاوە جە پرۆسەو ئاشتینە، پەی ئەزموونی و ئەوەکۆشای ژەنا بانە ڕۆشنای.
خالیدە توکئۆغلووە ئاماژەی پانەیش دا کە یاساکێ ژەنا مە پارێزنا و باسش جە زیاڏ بییە و هرووژمەکا پەی سەر و ژەنا و مافەکاشا کەرد و واتش: "هەر جارێ حکومەت 'مژدە' مرۆنە بە ژەنا، وینمێ چنین ماف و دەسکەوتەکاشا چنە سانۆوە. هەرپاسە ئا یاسێ کە پەی ژەنا مچیێنێرە بەبێ وەرچەم گێرتری داواو ژەنا. بەڵێ، وچیۆ ئا هامژینا کارمەندێنێ و زاڕۆڵێشا هەنێ تاوانە کاتو زاڕۆڵە بییەینە تا وانینگە و سەرەتایی بە شێوەو نیمەکاتی هەرمانە کەرا. ئاماژەما پانەی کەردەن کە بارگرانی پەروەردەکەردە و زاڕۆڵەی گنۆنە سەر و ژەنا و ئینەیچ هەم جە ژیوای پیشەیی و هەم جە ژیوای کۆمەڵایەتی دوورشا وزۆوە. جە سەردەمو ئێمەنە چارەسەریێ سەبارەت بە پەروەردەکەردە و زاڕۆڵا مشۆم مافو ئازادی دۆنە بە زاڕۆڵا، بەڵام ئا یاسا تازێ کە ڕەنگە گونجیا بۆنە، دیسان بە هەمان شێوەو ڕەگەز پێشکەش کریان."
خالیدە تورکئۆغلووە کە جە پڕۆسەو ئاشتی و گلێرگە و دیموکراتیکینە وەرپرسیارێتی جە ئەستۆ گێرۆنە، واتش: "بە وەرفراوانکەردە و ڕێکوزتەکا ژەنا، بەرزکەردەیۆ ئەوەکۆشایما پەی ئازادیی ژەنا، زینە کەردەیۆ یادەوەری و ئەوەکۆشای گرڏ و ئا هەڤاڵا کە چی بوارەنە گیان و وێشا بەخت کەردەن، ئاشتیێ شکۆمەندانە چی خاکانە بنیات منییەیمێ. ئێمە قەت جە پەرەدای بوارەکا ئەوەکۆشای وێمانە پاشەکشێ مەکەرمێ،ئا قسێ کە 'هەر ژەنێ کوشیۆنە سەرهورداو ئێمەن' با هێز و مۆڕاڵۆ کە جە فەلسەفەو ژەنێ، ژیوای، ئازادی هورگێرۆ، ژیوایێ ئازاد و یەکسان بنیات منییەیمێ."
