جمیەروو ژەناو ئەڤغانی ئەڵمانیانە چنڎین شارێنە ڕاپیمای و کۊبییەیۊشا کەرد.
ژەنوا ئەفغانی هیزی دوسلدۊرفنە چالاکیێشا کەرد، تا ڕای گرڎینە جە چەنیبیەی کرڎەوەکاو ڕژێموو تالیبانی جە دژوو ژەنا هاگادارۍ کەراوە و هامبەشی و هامپەشتییچ چەنی جمیەرەکاو ژەنا کەرا.
ژەناو ئەفغانی، کوردی، ئەڵمانی و ئێرانی سەعات ١٦:٠٠ شادۊول پلاتز-نە کوۍ بیۍ.
ئەرەیاونای چالاکییەکەی بە دروشمەکاو "ژەنی. ژیوای. ئازاڎی" و "ڕژێموو تالیبانی مردندێ" ونیاوە و دلێشنە ئەرەیاونیا، ڕژێموو تالیبانی پەی ژەنا ڕژێمێوە تیرۊریستیین.
یۊبییەی ژناو کوردی شاروو دوسلدۊرفوو ئەڵمانیاینە (یەژەکە-ئـ) بەشڎارییشا جە چالاکییەکەنە کەرد.
س.ز
