ئەنڎاما جمېەرو جۋانا شۊڕشگێڵ و(تەجەشە)ی جە شارو مارسېلیاو فەرەنسای پۍ شرمەسار کەرڎەو ھجومەکاو دۊڵەتو ترکی دژوو کورڎا پۊستەرۍ و لافېتێشا جە شلۊقتەرین یاگۍ مارسېلیاینە نېێرە.

جۋانۍ تەجەشەی ھێزی ۋێرەگا جە مەیڎانو"ڤېوێکس پۊرت"ی کە یاگێۋە فرە شلۊقەو ئاماو لۋای سەرەکی ھامۋڵاتېاو گەشتوگێێڵ کەرانە، بە نېایرەو پۊستەرو لافېتا ھجومەکۍ دۊڵەتو ترکیشا شەرمەسار کەرڎۍ و داواشا جە ئەنجومەن و ئۊروپای کەرڎ، کە بێڎەنگی ماڕانۍ و بە ئەرکو ۋێشا ھوربێزانۍ و حەرپاسە داواو ئازاڎ کەرڎەو ڕابەر ئاپۊیشا کەرڎ.

دماتەر یاڎو ئا فەرمانڎا کریاۋە، کە جە ھجومە عاسمانیەکاو دۊڵەتو ترکېنە گەشمەرڎۍ و زامڎارۍ بیۍ.

ئەنڎاما تەجەشەی ئەرەیاۋناشا، گرڎ حەفتێۋە بە ئامانجو شەرمەسارکەرڎەو فاشېزمو دۊڵەتو ترکی و ھێزە ھامبەش و ھامکارەکاش ۋەرڎەوامۍ بېمۍ جە چالاکیەکامانە.

ھ.ش