ئەنجوومەنو جوانا دەم پارتی ئامارای پەی تەماشاکەردە و پەیامە ڤیدیۆییەکەو ڕابەر ئاپۆی جە ٩و تەمموزی گلێرێ بیێوە. دما و تەماشاکەردە و پەیامەکەی داواو ئازادی بەڎەنی ڕابەر ئاپۆیشا کەرد.
ئا جوانێ جە دەگا و ئامارای تەماشە و پەیامە ڤیدیۆییەکە و ڕابەر ئاپۆیشا کەرد ئەرەیاوناشا پەی "وێ ڕێکوزتەی" گۆش جە بانگەوازییەکەو ڕابەر ئاپۆی گێرا و دریژە بە ئەوەکۆشایشا مرانە.
یۆ چا ژەنە جوانێ واتش: "وینا و ڕابەر ئاپۆی جۆش و خرۆشش پنە بەخشایمێ، ئێمە گەرەکمانە نەک تەنیا بە شێوەی ڤیدیۆیی، بەڵکووم بە شێوەی شەخسیی جە نزیکۆ ڕابەر ئاپۆی وینمێ، گەرەکمانە ئازادی جەسەیی ئاری بەدی بێنە، پەنەوازا جوانێ جە گرڏ بوارێوەنە پەی ئازادی جەسەیی ڕابەر ئاپۆی کۆشش بکەرا و وێشا بەڕێکوزتەی بکەرا، هەرپاسە پەنەوازا گرڏ جوانێ ئی پرۆسەیە پارێزنا و ڕۆڵ و ئەرکی سەرمەشقایەتی گێڵنا."
جوانێ تەر ئەرەیاوناشا: "دما و ٢٦ ساڵا دیمەنو ڕابەر ئاپۆیما تەماشە کەرد، ئینە پی بە هیوایێ گۆرە، بەڵام ئینە وەسێ نییا، ئا گۆشەگیرییەی سەرو ڕابەر ئاپۆیرە سەپیان مشۆم لابریۆ و تاوۆنە چنی گەلەکەیش ژیوۆ، ئێمە گەرەکمانە جە نزیکۆ ڕابەر ئاپۆی وینمێ."
هەرپاسە جوانێ تەریش واتش: "وینا و دیمەنو ڕابەر ئاپۆی دما و ٢٦ ساڵا فرە دڵوەشێش کەردیمێ، بانگەوازو ڕابەر ئاپۆی پەی ئێمە فرە بەنرخا، ئێمە بانگەوازییەکەو ڕابەر ئاپۆی بە بنەما هورگێرمێ و سەر و ئا بنەمێ وێما بە ڕێکوزتەی مکەرمې."
