کۆنفیدراسیۆنو جەمە کوردییەکا ئەڵمانیای (کۆن-مەد) جە ئەرەیاونێوەنە ئاماژەشا پانەی کەرد کە پەیامە ڤیدیۆییەکەو ڕابەر ئاپۆی جارێوە تەر نیشانەش دا کە ئاشتی کۆمەڵایەتی چن گرنگا، بەتایبەت جە کوردەسانەنە، ناوچەکە و سەرانسەرو جەهانی، هەرپاسە ئاماژەش پانەیش کەرد، ڕابەر ئاپۆ و گەریلا بە مڏرامانی بێوێنەو وێشا هێزو وێشا پەی گرڏ و جەهانی نیشان دا و دەرفەت و مەجالێوە گونجیاشا پەی چارەسەرو کێشەکا ڕەخسنا.

کۆن-مەد ئەرەیاوناش: "بە گرڏ و تواناماوە پاڵپەشتیکەردەی ئی هەنگامە تارتخیێ بە ئەرکێوە بنەڕەتی وێما مزانمێ، پەنەوازا ئاماژە پانەی کریۆ کە گرڏ و هەوڵ و فیداکارییما پەی بەدیئاردە و ئی هەنگامە مانادارێ بەکار بارمێ، کە هامشێوەو ئی هەنگامێ جە تاریخی مرۆڤایەتینە قەت نەوینریان.

بێگومان ئاشتی کۆمەڵایەتی و سیاسەتو دیموکراتیکی ئیسفادەش پەی گرڏیما بۆنە. پی جۆرە داوا جە دۆڵەتی، ڕێکوزیا مییاننەتەوەییەکا، هێز و ڕێکوزیا گلێرگە مەدەنییەکا مکەرمێ کە گرنگی بە ئاشتی دانە، پاڵپەشتی ئا هەنگامە بوێرێ و تاریخییێ بکەرا.

مەبۆنە ئانەما جە یاڏ بشۆ کە ئاشتی جە کوردەسانەنە واتە ئاشتی جە ناوچەکەنە. هەرپاسە ئا ئاشتییەی جە ناوچەکەنە بەدەس مێ، ڕا وەشکەرەنە پەی ئاشتی جە گرڏ و جەهانینە."