گرووپو ئاشتی و گلېرگەی دیموکراتیکی: جە ئیسە بەدماوە ئەوەکۊشای ئازاد، دیموکراسی و سۆسیالیزم بە ڕاو یاسایی و سیاسەتی دیموکراتیکیوە ڕاوەبەر مکەرمې و سەرو بنەماو بەروستەی یاساو ئێنتیگراسیۆنی، بە ئیرادەی ئازادماوە چەکەکاما دلېنەبەرمې.
ئەرەیاۋناکەو گرووپو ئاشتی و گلېرگەی دیموکراتیکی پی جۆرەنە:
"پەی ڕای گرڎیی و گهلهكهیما
بهنامې گرووپو "ئاشتی و گلېرگەی دیموکراتیکی "وه كه پەی برەودای به پرۆسهو ئەوەفاڕای و هۊرچەرخنای دیموكراتیکی پێكئامان؛ سڵام و ڕێزو ۋێما پێشكهش بە ئامادهبیا و گرڎو شایەتحاڵا ئی چالاكییه دیموكراتییه تاریخیەیما مکەرمې.
ئێمهی ژەنا و پیایا جەنگەوانا ئازادی كه جە تاریخی جیاجیانە به ئامانجو جەنگکەردەی جە دژو هرووژمەکا نكۆڵیكەردەی و قڕكەردەی كوردی بهشداریما جە ریزهكاو پەکەکەینە کەردەن، چهكما هۊرگێرتەن و جە ههرێم و شۊنەمای جیاجیانە ئەوەکۊشایما ڕاوەبەر کەرڎەن، ئارۆ پېسە جوابێوە پەی بانگهوازییهكهو ڕابەرو گهلو كوردی عەبدوڵا ئۆجالانی كه جە ئەرەیاۋناکەو ١٩و حوزهیرانو ٢٠٢٥ی وەڵاش کەردەبێوە؛ ئامێنمې پەی وۍ. ئاماکەیما سەرو بنهماو بانگهوازو ٢٧و شوباتو ٢٠٢٥ پەی "ئاشتی و گلېرگەی دیموكراتیک"ـی ڕابەر عهبدوڵا ئۆجالانی و قەرارەکا ١٢ههمین كۆنگرهو پەکەکەین كه جە ٥-٧و ئایارینە ئهنجامش دا. پېسە نیازپاكی و ههنگامەی بەبڕیارە پەی بهكرداریی سەرکۊتەی پرۆسهو (ئاشتی و گلېرگەی دیموكراتی) و جە ئیساتێچۆ به ئامانجو بهردهوامیدای به ئەوەکۊشای ئازادی و دیموكراسی و سۆسیالیزمیما به رێبازو سیاسهتو دیموكراتی و یاسایی و هامكات سەرو بنهماو بەرکەردەی یاساكاو ئێنتیگراسیۆنی دیموكراتی؛ جە حزورو شمەنە به ئیرادهو ئازادی ۋێما، چهكهكاما دلېنە بەرمې.
هیواڎارێنمې ئی هەنگامێما خێر و وەشی پەی گهلهكەیما به تایبهتی پەی ژەنا و جوانا و پەی گهلا توركیای و ۋەرکۊتوو مېیامینی و گرڎو مرۆڤایهتی و ئاشتی و ئازادی چنی ۋێش بارۆنە.
پڕ بهدڵ هامسۆزو هامڕێنمې چنی بانگهوازەکەو ڕابەر عهبدوڵا ئۆجالانی كه ماچۆ: "بڕوام به هێزو سیاسهتی و ئاشتی كۆمهڵایهتی هەن، نهك چهكی. بانگهواز جە شمەیچ مکەرو ئی پرهنسیپهیە پەیڕەو بكهردې" و مایهو فەخری و سهربهرزیێوە گۊرەین كه هۊرمێزمې به جابهجێکەردەی بنهماكاو ئی پرهنسیپه تاریخیە.
مزانمێ كه تا ئیسە هیچ چێوێ به ئاسانی و بێ قوربانی و بهبێ ئەوەکۆشای بهدی نامان ، بهپێچهوانۆ گرڏ چێوێ ڕووانە به قوربانی گۆرە و به ئەوەکۆشای بێ وێنه دەس وزیان . ههڵبهت جە ئیسە بەدماوە ههر به ئەوەکۆشای سهخت و دژوار بهردهوام بۆنە. فرە خاس چی ڕاسیە یاوێنمێنە و سەرو ئی بنهمێ پەی بهدهس ئاردەی سهركۆتەی گۆرە و دهسكۆتە و دیموكراتییانەی جهناخو دڵیماوە بڕواما به فیكر و پارادایمو ڕابەر عەبدوڵا ئۆجالانی و متمانهما به وێما و هامکات پێسە و جەمەو هەمڕێیاما متمانهما بههێزی ههرهوهزیما ههن.
جە ژیوگێوە چانەنە كه فشار و تاڵانكاری فاشیستی پەرەش سانان، ناوچهكهماو؛ وەرکەوتوو مییامینی بییەن به گۆمە و ونې و گهلهكهما جە گرڏ کاتێ زیاتەر پەنەوازیش به ژیوای ئاشتهوایی، ئازادی و یهكسانی و دیموكراتییا، گرنگی و حەقیقەت و پەنەوازی ههنووكهیی ئی ههنگامە تاریخیێما موینمې و فامش پنە مکەرمێ.
هومێڎەوارێنمې كه گرڏ لایې جە؛ ژەنا، جوانا، كرێكارا و رهنجدهرا، هێزه سۆسیالیستی و دیموكراتهكێ، واتا گرڏ و گهلا و ئینسانییەت؛ درك بە بەها و گرنگی ئی ههنگامە ئاشتی و دیموكراتیێما بكهرا، بییاوانە و ڕێزش گێرا.
حەر چی سۆنگۆ داوا جە گرڏ و هێزه هەرێمی و جەهانییەکا مکەرمێ كه وەرپرسێنێ جە ئێش و عەزییەت و گهلهكهیما، رێز جە مافه ڕهوا و نهتهوهیی و دیموكراتییهكا گهلهکەیما بگێرا و پەشتیوانی جە پرۆسهو ئاشتی و چارهسهری دیموكراتییانهی بكهرا.
بانگهواز جە گهلا بەگرڏی، وە بهتایبهتی ژەنا و جوانا، كرێكارا و ڕهنجدهرا، هێزه دیموكرات و سۆسیالیستەکا، ڕۆشنویرێ و، نویسهرا، ئهكادیمیست، مافناسا، هونهرمهندێ و سیاسهتمهدارا مکەرمێ بهشێوێ ڕاس و درووس چی ههنگامە تاریخیێما بیاوانە و تەک بڎا تەک و ئێمه و گهلهكهیماوە. هەرپاسە داوا مکەرمێ پەی ئازادی بەڎەنی ڕابەر عەبدوڵا ئۆجالانی و چارهسهری سیاسی و دیموكراتییانهو پەرسو كوردی چالاكانەتەر کۆشش بکەرا و جە ئاستو جەهانینە پاڵپەشتی ئەوەکۆشای دیموكراتییانه، سۆسیال ئینتهرناسیۆنالی بکەرمې.
داوا جە گهلهكهیمان و گرڎو هێزه سیاسییهكا مکەرمې، بهشێوێوە ڕاس بیاوانە جە تایبهتمهندییهكا ئی قۆناخه تاریخیەو ئیساتې و ئی پرۆسهو 'ئاشتی و گلېرگەو دیموكراتیک'ییە کە ڕابهر ئاپۆ دهسش پنەکەرڎەن، ئهركهكاشا جە گرڎو بوارهكا پهروهردهیی، ڕێكوستەی و چالاكینە بهسهركۆتەی جابهجێ بكهرا و پەرە به ژیۋای دیموكراتییانەی بڎا.
ستەم و ئەرەگیری دمایش مې و ئازادی و هامخهباتی سەرگنۆ.
پرۆسهو ئاشتی و گلېرگەی دیموكراتیک مسۆگهر سەرگنۆ.
١١و تهممووزو ٢٠٢٥
گرووپو ئاشتی و گلېرگەی دیموكراتی."
