بەسێ هۆزات لە ناو گرووپی ئاشتی و کۆمەڵگەی دیموکراتیکدا بوو
هاوسەرۆکی کۆنسەی بەڕێوەبەری کەجەکە بەسێ هۆزات و گرووپێک لە گەریلا بەشداربوون لە مەراسیمی چەک لەناوبردنی 'گرووپی ئاشتی و کۆمەڵگەی دیموکراتیک'دا بوون.
بە دیمەن
ئەمڕۆ مەراسیمی چەک لەناوبردن لە لایەن 'گرووپی ئاشتی و کۆمەڵگەی دیموکراتیک'ەوە لە ئەشکەوتی جاسەنەی سنووری پارێزگای سلێمانی لە کاتژمێر ١١:٢٥ دەستی پێکرد و لە کاتژمێر ١١:٤٥ خولەک کۆتای هات.
لە گرووپی ئاشتی و کۆمەڵگەی دیموکراتیکی گەریلاکانی ئازادی کوردستاندا، هەریەک لە بەسێ هۆزاتی هاوسەرۆکی کۆنسەی بەڕێوەبەری کەجەکە، نەدیم سەڤەن، تێکۆشین ئۆزان و تەکین مووشی تێیدا بوو.
ژمارەی گرووپی ئاشتی و کۆمەڵگەی دیموکراتیک ٣٠ گەریلا بوون، کە ١٥یان ژن بوو، ١٥ی دیکەشیان پیاو بوون، کە بەسێ هۆزات و نەدیم سەڤەن پێشەنگایەتییان دەکرد.
لە سەرەتای مەراسیمەکەدا بەسێ هۆزات قسەیکرد و گوتی: "هەڵوێستی خۆمان لە ئاست بانگەوازی ڕێبەر ئاپۆدا دیاری دەکەین، لەو پێناوەیشدا لێرەین. بۆ برەودان بە پرۆسەکە لێرەین. لە بەرانبەر نکۆڵی و لەنابردن چەکمان هەڵگرت. ئێمە شەڕڤانی ئازادیین. بە بانگەوازی ڕێبەر ئاپۆ، بە بانگەوازی ٢٧ـی شوبات و بە ئامانجی بەڕێوەبردنی بڕیارەکانی کۆنگرەی ١٢ـەمینی پەکەکە ئەم هەنگاوە ئەنێین."
بەسێ هۆزات دوای پێشەکیەکی کورت، ڕاگەیاندراوەکەی 'گرووپی ئاشتی و کۆمەڵگەی دیموکراتیکی' بە زمانی تورکی قسەیکرد. دواتر نەدیم سەڤەن بە زمانی کوردی خوێندییەوە.
دەقی ڕاگەیاندراوەکە بەم شێوەیەیە:
"بۆ ڕای گشتی و گهلهكهمان
بهناوی گرووپی "ئاشتی و كۆمهڵگهی دیموكراتیک"یهوه كه بۆ برەودان به پرۆسهی گۆڕان و وهرچهرخانی دیموكراتیکی پێكهێندراوه؛ سڵاو و ڕێزی خۆمان پێشكهشی ئامادهبووان و ههموو شاهیدانی ئهم چالاكییه دیموكراتییه مێژووییهمان دهكهین.
ئێمهی ژنان و پیاوانی شهڕڤانانی ئازادی كه له مێژوویی جیاجیادا به ئامانجی شهڕكردن له دژی هێرشهكانی نكۆڵیكردن و قڕكردنی كورد بهشداریمان له ریزهكانی پەکەکەدا كردووه، چهكمان ههڵگرتووه و له ههرێم و شوێنی جیاجیا تێكۆشانمان بەڕێوەبردووە، ئهمڕۆ وهك وهڵامێك بۆ بانگهوازییهكهی رێبهری گهلی كورد عەبدوڵا ئۆجالان كه له راگهیهندراوهكهی ڕێکەوتی ١٩ـی حوزهیرانی ٢٠٢٥ییدا بڵاوی كردبووهوه؛ هاتووین بۆ ئێره. هاتنهكهمان لهسهر بنهمای بانگهوازی ٢٧ـی شوباتی ٢٠٢٥ بۆ "ئاشتی و كۆمهڵگهی دیموكراتیک"ـی ڕێبەر عهبدوڵا ئۆجالان و بڕیارهكانی ١٢ههمین كۆنگرهی پەکەکەیە كه له رۆژانی ٥-٧ـی ئایاردا ئهنجامی دا. وهك نیازپاكی و ههنگاوی بڕیارداری له پێناوی بهكرداریی سهركهوتنی پرۆسهی (ئاشتی و كۆمهڵگهی دیموكراتی) و له ئێستاشهوه به ئامانجی بهردهوامیدان به تێكۆشانی ئازادی و دیموكراسی و سۆسیالیزمیمان به رێبازی سیاسهتی دیموكراتی و یاسایی و هاوكات لهسهر بنهمای دهركردنی یاساكانی ئێنتیگراسیۆنی دیموكراتی؛ له حزوری ئێوهدا به ئیرادهی ئازادی خۆمان، چهكهكهمان لهناو دهبهین.
هیوادارین ئهم ههنگاوهمان ببێت به مایهی خێر و خۆشی بۆ گهلهكهمان به تایبهتی بۆ ژنان و گهنجان و بۆ گهلانی توركیا و ڕۆژههڵاتی ناوین و سهرجهم مرۆڤایهتی و ئاشتی و ئازادی لهگهڵ خۆی بهێنێت.
پڕ بهدڵ هاوڕاین لهگهڵ بانگهوازییهكهی ڕێبەر عهبدوڵا ئۆجالان كه دهڵێت: "بڕوام به هێزی سیاسهت و ئاشتی كۆمهڵایهتی ههیه، نهك چهك. بانگهوازی له ئێوهش دهكهم ئهم پرهنسیپه پەیڕەو بكهن" و مایهی شانازی و سهربهرزییهكی گهورهیه كه ههڵدهستین به جێبهجێكردنی بنهماكانی ئهم پرهنسیپه مێژووییه.
دهزانین كه تا ئێستا هیچ شتێك به ئاسانی و بێ قوربانی و بهبێ تێكۆشان بهدینههاتووه، بهپێچهوانهوه ههموو شتێك رۆژانه به قوربانی گهوره و به تێكۆشانی بێ وێنه بهدهستخراوه. ههڵبهت له ئێستا بهدوایشهوه ههر به تێكۆشانی سهخت و دژوار بهردهوام دهبێت. زۆر باش لەم ڕاستییه تێگەیشتووین و لهسهر ئهم بنهمایه بۆ بهدهستهێنانی سهركهوتنی گهوره و دهستكهوتی دیموكراتییانه لهناخی دڵمانهوه بڕوامان به فیكر و پارادایمی ڕێبەر عەبدوڵا ئۆجالانە و متمانهمان به خۆمانە و هاوکات وهكو كۆمهڵهی هاوڕێیانیش متمانهمان بههێزی ههرهوهزیمان ههیه.
له ژینگهیهكی وههادا كه گوشار و تاڵانكاری فاشیستی پەرەی سهندووه، ناوچهكهمان؛ ڕۆژههڵاتی ناوین بووه به گۆمی خوێن و گهلهكهمان له ههموو كاتێك زیاتر پێویستی به ژیانی ئاشتهوایی، ئازادی و یهكسانی و دیموكراتییه، گرنگی و ڕاست و پێویستی ههنووكهیی ئهم ههنگاوه مێژووییهمان دهبینین و ههستی پێدهكهین.
بهو هیوایهین كه ههموو لایهك لە؛ ژنان، گهنجان، كرێكار و رهنجدهران، هێزه سۆسیالیستی و دیموكراتهكان، واتا سهرجهم گهلان و مرۆڤایهتی؛ درك بە بەها و بایهخی ئهم ههنگاوه ئاشتی و دیموكراتیانهیهمان بكهن، تێیبگهن و ڕێزی بگرن.
ههر لهم سۆنگهیهوه بانگ له سهرجهم هێزه هەرێمی و جیهانییهكان دهكهین كه بهرپرسن له ههموو ئێش و ئازارهكانی گهلهكهمان، رێز له مافه ڕهوا و نهتهوهیی و دیموكراتییهكانی گهلهكهمان بگرن و پشتیوانی له پرۆسهی ئاشتی و چارهسهری دیموكراتییانه بكهن.
بانگهوازی له گهلان بەگشتی، وە بهتایبهتی ژنان و گهنجان، كرێكار و ڕهنجدهران، هێزه دیموكرات و سۆسیالیستییهكان، ڕۆشنبیر، نوسهر، ئهكادیمیست، مافناس، هونهرمهند و سیاسهتمهداران دهكهین بهشێوهیهكی ڕاست و درووست لهم ههنگاوه مێژووییهمان تێبگهن و لهپاڵ ئێمه و گهلهكهماندا بن. ههروهها داوادهكهین بۆ ئازادی جهستهیی ڕێبەر عەبدوڵا ئۆجالان و چارهسهری سیاسی و دیموكراتییانهی پرسی كورد چالاكانهتر تێبكۆشن و له ئاستی جیهانیدا تێكۆشانی دیموكراتییانه، سۆسیال ئینتهرناسیۆنالی و پشتگیری و پشتیوانی بكهین.
بانگهوازیش له گهلهكهمان و سهرجهم هێزه سیاسییهكانی دهكهین، بهشێوهیهكی ڕاست تێبگهن له تایبهتمهندییهكانی ئهم قۆناخه مێژووییهی ئێستا و ئهم پرۆسهی 'ئاشتی و كۆمهڵگهی دیموكراتیک'یەیی کە ڕێبهر ئاپۆ دهستی پێكردووه، ئهركهكانیان له ههموو بوارهكانی پهروهردهیی، ڕێكخستنی و چالاكییدا بهسهركهوتوویی جێبهجێ بكهن و پەرە به ژیانی دیموكراتییانه بدهن.
ستەم و داگیركاری كۆتایی دێت و ئازادی و هاوخهباتی سهردهكهوێت.
پرۆسهی ئاشتی و كۆمهڵگهی دیموكراتیکی مسۆگهر سهردهكهوێت.
١١ـی تهممووزی ٢٠٢٥
گرووپی ئاشتی و كۆمهڵگهی دیموكراتی."
دوای خوێندنەوەی ڕاگەیاندراوەکە، بەسێ هۆزات دووبارە قسەی کردەوە و گوتی: "جێبەجێ کردن و بە ئەنجام گەیاندنی هەموو ئەمانە، پێویستی بە هەموارکردنەوەی یاسایی هەیە." بەسێ هۆزات دەستنیشانی کرد بۆ برەدان و پێشخستنی پرۆسەکە چەکەکانمان لەناودەبەین.
دوای قسەکان، بە پێشەنگایەتی بەسێ هۆزات گەریلاکانی ئازادی کورستان چەک و تاقمەکانی خۆیان سووتاند.
دوای سووتاندنی چەکەکانیان گەریلاکان گۆڕەپانەکەیان جێهێشت و مەراسیمەکە کۆتای هات.
