جوانا دەرباسیەی پەی ئازادی ڕابەر ئاپۆی ڕاپیمایشا کەرڎ
بە سەرمەشقایەتی جوانا جە دەرباسیەنە ڕاپیمێوە پەی ئازادی جەسەیی ڕابەر ئاپۆی ئەنجام دریا و واتشا، "سەرکۆتە و پرۆسەو ئاشتی پێوەسا بە ئازادی جەسەیی ڕابەر ئاپۆیۆ."
تەڤگەرو جوانا شۆرشگێڵنې سووریای و یۆبییە و ژەنە جوانا شارو دەرباسیەو کانتۆنو جزیرەی پەی ئازادی جەسەیی ڕابەر ئاپۆ، بە بەشداری ئەرەنیشتا شاری، ئەندامێ ڕێکوزیا و مەدەنییەکا، ئەنجوومەن، هێزەکا ئاسایشو دلینەی و ڕێکوزیاکا جوانا ڕاپیمێوە وەفراوانشا ئەنجام دا.
ڕاپیماکەی بە واتەیۆ دروشمی "بە ڕوحو جوانا و ژەناوە ئازادی جەسەیی ڕابەر ئاپۆی مسۆگەر مکەرمێ" جە دەگا و قەنتەرو شارۆچکەو خاسەی بەرەو مییانو تەڤگەرو جوانا شۆڕشگێڵو شارەکەی دەسش پنەکەرد. دما و یاوای بە مییانو جوانا، گلێرۆبیێوە ئەنجام دریا.
گلێرۆبییەکەینە ئەندامو دەسوەڵوستەی گەلی پەی ئازادی ڕابەر عەبدوڵا ئۆجالانی، سڵاڤ سمۆ قسێش کەردێ و قسەکانە ئاماژەش پانەی دا سەرکۆتری و یاوای بە ئەنجامو پرۆسەو چارەسەرو ئاشتی پەیوەس بە ئازادی جەسەیی ڕابەر ئاپۆی.
دماتەر سەر و نامێ تەڤگەرو جوانا شۆڕشگێڵی و یۆبییە و ژەنە جوانا، لیلاڤ حاجیە قسێش کەردێ و واتش: "چارەسەرو پەرسە و کوردی پەیوەسا بە ئازادی جەسەیی ڕابەر ئاپۆیۆ، پۆکەی بە ئامانجو سەرکۆتەیما سەر و بنەما و فکر و فەلسەفەو ڕابەر ئاپۆی بەردەوامێ بیمێ جە ئەوەکۆشایما."
چالاکییەکە بە دروشموو "بێ سەرۆک ژیوای مەبۆنە" دمایش ئاما.
