ڕۊنامەنویس و چالاکی سیاسی کاکشار ئۊرامار ئەرەیاوناش: "سەرڎەموو ئارۊینە ی فرە قەرزارۍ هزری دیموکراسییانەو ڕابەر ئۊجالانینمۍ کە دماییش بە سیستموو پەنج هەزار ساڵەو پیاسالاری وەەکەوتوو نا دلێڕاسەینە ئارڎەن".
قسەکەرڎەیشەنە پەی کەناڵوو ئاریەن تی ڤی نویسەر، ڕۊنامەنویس و چالاکی سیاسی کاکشار ئۊرامار باس چانەیە کەرۊ، کە گۊشەگیرکەرڎەی ڕابەروو گەلوو کوردی عەبدوڵڵا ئۊجالانی بە شێوەی ڕەها و ئەرەبڕیەیش جە جیهانوو جبەری پەی ماوەو نزیکەو یەرۍ ساڵا کرڎەوە فاشیستییەکاو سەرڎەموو هیتلەری و موسولینی وەراوەر بە ئازادیوازا یادوو ئینسانی مارۊوە".
باسوو ئانەیچش کرد: "ئۊجالان وەڵۍ ئانەینە کرڎەوێوە تیرۊریستیینە گیریۊ و بڕفانیۊ و فاڕیۊوە تورکیا هەرمانەو وێش کەردێبێش. ئینۍ دێر زاناشا کە ئۊجالان کێن. تەلەبۍ مەکتەبی سیاسیی ئۊجالانی ساڵانێوەن ڕاو ئادیشا گێرتێنە. فەلسەفەو ئۊجالانی ئیساتۍ بییەن بە جیهانی و نەک هەر کورد و گەلۍ هامسۍ کوردی، بەڵکوم جە وەڵاتێوە پێسە ئینگلتەرایچەنە فرەتەرین کتێبۍ ونیێوە، ئانیشاو ئۊجالانینۍ کە سەروو بنەماو فەلسەفەی و دیالۊگوو بەینوو نەتەوەکا نویستێنێش".
ئا ڕۊنامەنویسە درێژەنە واتش: "سەرڎەموو ئارۊینە فرە قەرزارۍ فکری دیموکراسییانەو ڕابەر ئۊجالانینمۍ، کە دماییش بە سیستموو پەنج هەزار ساڵەو پیاسالاری وەرکەوتوو دلێڕاسەینە ئارڎەن. حەرچندە ئەورووپییەکۍ بانگەشەو ئانەیە کەرا، کە سیستمی پیاسالارییشا نییا، وەلۍ زیاتەر دیارا، وەختێوە چێگە ژەنیچ کۊیلینۍ. چند ژەنێوە ئەڵمانیێمشناسوو، کە بەتندی کەوتێنۍ چێروو کاریگەریی ویرۊکەکاو ڕابەر ئۊجالانی. گردما قەرزارێشنمۍ."
کاکشار ئۊرامار ئاخریچۊ واتەنش: " ئەگەر ئارۊ وینمۍ ئێران و جیهاننە دەنگوو ژەنۍ، ژیوای، ئازادی بەرزتەر و بەرزتەر بۊوە، حەرگردش قەرزارباروو ڕابەر ئۊجالانینۍ، چونکوم ساڵەو ١٩٨٧ەوە بە بەڵگە هەن، کە واتشا ژەنیچ پێسە پیایا مشۊم مافوو ژیوای و کۊشیای و بیەی حزبی و سوپێشا بۊ. ئارۊیچ ئی کاریگەرییۍ کوردستاننە و ئێراننە و وەڵاتاو مەنتێقەکەینە موینمێ".
دەقوو قسەکاو کاکشار ئۊرامار پێسنەنە:
پرسیار: پێسە مزاندۍ نزیکەو یەرۍ ساڵان گۊشەگیریی تند سەروو بەڕێز ئۊجەلانیرە سەپییان و تەنانەت پارێزنەر و بنەیانەکێچ پەیشا نییا سەرڎایش کەرا. ورسەنگنایتا پەی دۊخەکەی چێشا؟
کاکشار ئورامار: ئی نۊعە ورسونیشتە چەنی سەرکردێوە ئازادیواز، ئەنارکیست و فاشیستەکاو سەرڎەموو هیتلەر و مۊسۊلینیما ویر وزۊوە. هەرچندە ئێمە سەدێونە مژیومۍ، کە جیهان بییەن بە گۊڵۊباڵ و ویرۊکەرڎەی کولتوورەکا جە یۊترینی نزیکۍ بیێنێوە، وەلۍ جە تورکیای فاشیستنە بە سەرکرڎایەتیی پارتەکاو "جمیەری نیشتمانی (مەهەپە)" و "داد و گەشەپەنەدا (ئاکەپە)" سەر بە باغچەلی و ئەرڎۊغانی، بەداخۊ ویری ئازادیوازانەو سەرکرڎەکا پێسە بەڕێز ئۊجالانی ژنەویا، وەلۍ نەتاواشا قبووڵش کەرا. ئۊجالان وەڵۍ ئانەیەن کرڎەوەی تیرۊریستینە گیریۊ و بڕفانیۊ و فاڕیۊو ەپەی تورکیای هەرمانەو وێش کەردێبیش. ئینۍ دێر زاناشا کە ئۊجالان کێن. تەلەبەکاو مەکتەبی سیاسیی ئۊجالانی ساڵانێوەن ڕێکێشا گێرتەن و وێستەنۊ. فەلسەفەو ئۊجالانی ئیساتۍ بییەن جیهانی و نەک هەر کورد و گەلە هامسایەکاو کوردی، بەڵکوم تەماموو وەڵاتێوە پێسە ئینگلتەرایچەنە فرەتەرین کتێبیۍ وانایۊ نەکاو ئادینۍ، کتێبانەن کە سەروو بنەماو فەلسەفە و دیالۊگوو بەینوو نەتەوەکا نویستێنێش. ئانە کە فرە گرنگا ئانەنە کە بزانمۍ پایە بنەڕەتییەکاو ژیوای سەروو فەلسەفەو فەیلەسووفە گەورەکاو جیهانیوە ئەرەمەرزیێنۍ. فەیلەسووفەکاو یۊنانی تا فەیلەسووفەکاو ئەڵمانیای و وەڵاتاو ئەمریکای لاتینی. سەرڎەموو ئارۊینر فرە قەرزارۍ هزری دیموکراسییانەو ڕابەر ئۊجالانینمۍ، کە دماییش بە سیستموو پەنج هەزارساڵەو پیاسالاری وەرکەوتوو دلێڕاسەینە ئارڎەن. حەرچندە ئەورووپییەکۍ بانگەشەو ئانەیە کەرا، کە سیستمی پیاسالارییشا نییا، وەلۍ زیاتەر دیارا، وەختێوە چێگە ژەنیچ کۊیلینۍ. چند ژەنێوە ئەڵمانیێمشناسوو، کە بەتندی کەوتێنۍ چێروو کاریگەریی ویرۊکەکاو ڕابەر ئۊجالانی. گردما قەرزارێشنمۍ. چی کۊنفرانسەنە دووە ڕووەنە کە ژەنی بەشداریۍ وەرەچەمشا هەن گێرا نادادپەروەرانە بیەبۊ، کە فەلسەفەو ڕابەر ئۊجالانی دەوروو ئادیشا چی هەرمانینە فرە باس نەکریا. وەلۍ بڕۍ ڕەخنۍ بێنۍ و ئانۍ کورڎێنییەنۍ ئاماژەشا بە دەوروو ئۊجالانی کەرد. دلۍ دنیاو ئارۊینە کە بە ئینسانیەتی و گلێرگەو دیموکراسی نامیەنە، گردما فرە قەرزارۍ ویروو ئۊجالانینمۍ، چونکوم تاواشا تیۊرییەکاشا بواروو هەرمانێنە پراکتیزە کەرا و مدرامانوو کۊبانی و ئامەد و شارەکای تەریچنە دیما. ئارۊ کە وینمۍ ئێران و جیهاننە دەنگوو ژەنۍ، ژیوای، ئازادی بەرزتەر و بەرزتەر بۊوە گردما قەرزاربارۍ ڕابەر ئۊجالانینمۍ چونکوم جە ساڵەو ١٩٨٧یوە بە بەڵگە هەن، کە بەڕێشا بێنۍ کە واتشا ژەنیچ پێسە پیای مافوو ژیوای و کۊشیای و بییەی حزبی و سوپێشا هەن. ئارۊیچ ئی کاریگەریۍ کوردستان و ئێران و وەڵاتای تەروو مەنتێقەکەینە موینمێش.
