کاندیداو هامسەرۆکی شارەوانی ئیستەنبوڵ و پارتوو یەکسانی و دیموکراسی گەلا (دەم پارتی) مەراڵ دەنیش بەشتاشە و موراد چەپنی جە مێڎانوو جمهوریەتی ئارناڤوتکۆی ئیستنەبوڵینە بەشێوێوە جەماوەری پێشوازیشا ۋنە کریا و قسێشا کەردۍ.

موراد چەپنی ئاماژەش پانەی کەرد چێگۆ دەس بە ڕاپیماو هۊرچنیەی کەرا، ئەرەیاۋناش دەم پارتی واتە دەسپنەکەردەیۍ تازەی، ڕاو ئێمە پەڕە بیێنە جە کۊسپ وتەگەرەی بەڵام پێسە جمیەروو گەلی بە ماڕای کۊسپەکا یاۋێنمۍ پی ڕووەیە. تەئکیدش کەردۆ جە حەر یاگێنە با بە پەشتیوانی گەلی سیاسەتوو دیموکراتیکی چەسپنا.

دماتەر مەراڵ دەنیش بەشتاشە بە سڵامۍ کوردی دەسش بە قسەکاش کەرد، ئەرەیاۋناش پێوەرە گرڎوو ئیستنەبوڵی گێڵا و چی هۆرچنیەینە سەرۍ گنا، واتش: "ئێمە بێچارە و بێ ئەڵتەرناتیڤۍ نیەنمۍ، پێوەرە ئیستەنبوڵی بەرمێوە، تەنیا پارتەکەو ئێمە نەریتوو شارەوانی گەلیش پێکئارد".

حەرپاسە ئەرەیاۋناش  بە گەلوو ئیستەنبوڵی ئەرەیاۋنمۍ سیستموو قەیومی هۊرشێویانۆ و دمایش پنە ئامان.

بەشتاشە ئەرەیاۋناش ناڕەزایی تن ۋەران ۋەر پی دەسەڵات و سیستمەیە هەن، ئێمە بە زیهنیەتوو شارەوانی دیموکراسی و زیهنیەتوو ژەنۍ بیمۍ بە شارەوانیۍ حێقم، ئیستەنبوڵ هاموەخت شارێوە گۊرەو کوردان و گۊرەتەرین شارا؛ واتش: "هەمدیسان ماچمۍ، ئیستەنبوڵ شاری گۊرەو کوردان، ئێمە مزانمۍ کوردۍ چۍ مژیوا و بە زیهنیەتوو شارەوانی هەتا دمایی پۍ ماف و داواو کوردا خەبات کەرمۍ. داواما کەردەبۍ "ئیستەنبوڵ چەمەڕاو ئێمە بۆ"، ئێمە ئامایمۍ، ئێمە ئینایمۍ ئیستەنبوڵ و ئیسە ئینایمۍ چۍ".

دماتەر کاندیدەکاو هامسەرۆکی شارەوانی بە جۆش و خرۆش و واتەیۆ درووشماوە ڕایی کریۍ.