سەدان کەسۍ جە ئەرەنیشتاو هەرێموو فوراتی، بنەیانەو گەشمەرڎا، ئەرەمەرزیایەکاو سەر بە ئیدارەو وێڕاوەبەری، ئارۊ مەراسیمێوە جەماوەریینە جەنازەو گەشمەرڎە ئاواز چیا (دژوار عیسا)ی، کە بە ڕووەداێوە سەروازی کۊبانێنە گەشمەرڎە بی ئەسپەرڎە کریا.

مەراسیمەکەنە بەرڎەوام دروشموو "گەشمەرڎۍ مەمرا" بەرزۍ کریێوە. دماو خولەکێوە ڕێزگێرتەی، لەیلا ئەحمەدە، سەرۊکەو کۊمەڵگەو شانۊو هەرێموو فوراتی قسێش کەرڎۍ و واتش: ئێمە سەیەو گیانبەختکریایاو ئازاڎییوە هەنمۍ، دژوو حەر ئەرەگیرێوە قەڵغانۍ زیندەنمۍ. دەسەڵاتوو فاشیزمی وڕنمۍ. دەڕۊخێنین. ئێمە پەی ئازاڎی کۊشیەیمۍ و بەهاکاما پارێزنمۍ."

هامسەرۊکوو ئەنجوومەنی سەروازیی کۊبانۍ، ئیسماعیل ئیسماعیل، قسێش کەرڎۍ و واتش: "جە ئەوەڵوو شۊڕشوو وەرنیشتیوە، گەشمەرڎە ئاواز پێسە گرد گەنجێوە کە عاشقوو شۊڕشین، بەشداریی کۊشیای بی و بی بە یۊ جە عاشقاو ویرۊکەو ڕابەر ئاپۊی. وەعد مدەیمۍ تا ئاخر سەروو خەتەو گەشمەرڎاماوە بیمۍ و ڕێبازوو ئازاڎییشا بەرڎەوام کەرمۍ."

هامڕاو گەشمەرڎە ئاوازی، چیا مێرخانە حەنیفیی واتش، کە ئێمە بەرڎەوام پەیڕەوو خەتەو گەشمەرڎانمۍ، حەنیفی واتش: "مەیلوو گەشمەرڎەی ڕێبازوو شەهادەتی و ڕاو ئازاڎیی بێ". ئێمەیچ تا ئاخر ڕێبازوو ئازاڎییشا بەرمۍ ڕاوە."

دماتەر شناسنامەو گەشمەرڎەی لاو ژەنەو گەشمەرڎەکەیۊ ونیاوە و جەنازەکەش بە دروشموو "گەشمەرڎۍ مەمرا"ی ئەسپەرڎە کریا.