ئاڵدار خەلیلوو ئەنداموو دەسەو سەرۊکایەتیی پارتوو یۊبییەی دیموکراتیی (پەیەدە) سەبارەت پا باسا بیێنۍ بە بابەتوو ڕۊی، بەتایبەت مەسەلۍ فەڵەستین و ئیسرائیلی و ئا سیاسەتەیە کە ئارۊ وەرکەوتوو دلێڕاسەینە  بریۊ ڕاوە، جە ڕاو ئەوەوانایۊیۍ تارێخییوە پێسە نرخناش.

ئاڵدار خەلیل ئاماژەی واتش، کە تا ساڵەو ١٩٤٨ یەرۍ ئایینی عاسمانیۍ فەلەستین-ئیسرائیلنە پێوەژیوێنی، وەختێوە کۊماروو ئیسرائیلی ئەرەیاونییا، جەنگی یاوا قەلاپۊپە.  

''ئا گەلۍ هەزاران ساڵێن سەروو ئا خاکیوە هەنۍ، گەلوو فەلەستینی و عەرەب و موسڵمانۍ و کریستیانۍ کەوتۍ بەروو ئی پڕۊژەیۊ، بەپاو ئی بنەمۍ جەنگە تارێخییەکە تازە کریاوە. بی بە مەنتێقێوە، کە ئا جەنگە تاریخییە چاوە دەسش پەنە کەرد و پێسە تەڵەزگەو موسڵمان و یەهوودیی و عەرەب-عیبرانیی  فەلەستین و ئیسرائیلنە نامۍ نریا. مشۊم دەمودەس ئی قۊرتۍ حەلۍ کریا، وەلۍ بەداخۊ جە ساڵەو ١٩٤٨یەوە تا مۍ گەورەتەر بۊ و چارەسەر مەکریۊ.''

'ئی قۊرتۍ بە پاو پارادیگماو ڕابەر ئاپۊی چارۍ کریا'

هەرپاسە ئاڵدار خەلیل تیشکەش وستە سەروو سیستموو نەتەوەی دیموکرات و واتش؛ ڕابەر ئاپۊ پارادیگماو نەتەوەی دیموکرات و ئیکۊلۊژی و ئازادیی ژەنێش وست یاگۍ سیستموو دەوڵەت- نەتەوەی.

''شۊڕشوو کوردستانی دەیان ساڵێن پەی هەمان ئامانجی دەکۊشییۊ، وەلۍ دماتەر  زانیا ئینە ڕاس نییا و سەبەبوو سەرەکی چەوسیایوەی ئەرەگیرکاری سەرپاکوو کورڎا دەوڵەت نەتەوەن. وەروو ئانەیە دەوڵەتوو ئیسرائیل پا سەروو سیستموو و سیاسەتوو وێشۊ گێرۊرە و گەل و جمیەروو فەلەستینیچ نمەتاوان ئیدارێوە سەرمەشق وەشکەرانۍ، سا پەوکای جیای ئینەیە چارەسەروو جەنگی دژوارتەر بی. ئانا ٧٥ ساڵۍ ویەرۊ، وەلۍ بڵێسەو ئی ئاژاولۍ تا مۍ گڕە سانۊ.''

'ئەرڎۊگان ئێش و ئازاروو گەلوو فەلەستینی بەکار مارۊ'

ئاڵدار خەلیل واتش، کە حەماس پەیوەندیێوە ڕێخەقووڵش چەنی ئەرڎۊگانی هەن و ئەرڎۊگان ئیسفادە جە ئێش و ئازاروو گەلوو فەلەستینی موینۊ.  

''ئەرڎۊگان وەختێوە موینۊ ناتانیاهۊ کێشەکا چارە مەکەرۊ و جەنگەکەی دژوارتەر کەرۊ، ڕاو بەکارئارڎەی  دۊزوو گەلوو فەلەستینی و سیاسەتێوە دڕندانە و خەڵەتنەرش کەرد و ڕاش بە حەماسی دا تا ئی هجوومەیە کەرۊ. ئیساتۍ ڕەوشەکە فرە تێکەولێکەن، ئەرڎۊگان چەمەڕان تا ئەمریکا و هێزەکۍ تەرۍ بگێڵاوە سەروو ڕێبازوو وەڵینوو بازرگانی و تورکیایچ یاگۍ وەڵتەرێش دەس وزۊوە.''

'لاساوەکەرڎەیۊ ئی سیستەمە ئیسەییە کێشەو گەلوو فەلەستینی چارە مەکەرۊ'

جە ئاخرۊ ئاڵدار خەلیل ڕاو چارەسەروو کێشەو فەلەستینیش چانەینە دی، کە مشۊم پڕۊژە و وەڵێنیازەکاو ڕابەر ئاپۊی بە بنەما گیریا.

''ئی وەڵێنیاز و فیکرە پا سەروو پارادیگماو پارێزنای ئازادیی ژەنۍ و دیموکراتی و ئیکۊلۊژی و ژیوای هامبەشی گێرۊرە. لاساوەکەرڎەیۊ ئی سیستەمە ئیسەییە کێشەو گەلوو فەلەستینی چارە مەکەرۊ، هاموەخت ئینە بۊ بایسوو ئانەیە بۊ بایسوو ئانەیە چەوسنەرۍ پێسە ئەرڎۊگانی دۊزوو فەڵەستینی کەرا قوربانیی بەرژەوەندییەکاشا.''