ئیسماعیل حەقی پەکین سەرۆکی وەڵینو هەواڵگری فەرماندەیی گرڎی سوپاو تورکی جە بەرنامێوەنە بە نامۍ 'گەرچەک فیکری 'ی کە جە لایەنو پێشکەشوان ئەرەن ئەیلمەزی جە خەبەر تیڤینە وەڵا مکریۆوە، داواو ئەنجامدای تیرۆریش کەرڎە.

پەکین سەرنجش وست سەرو رێککۆتەی ئەمنی ١٥و ئابو بەینو ئەنقەرەی و بەغڎای و واتش، "رێککۆتەیۍ کە تورکیا چنی عێراقی ئەنجامشاندان فرە گرنگا. هەمان چێو مشۆم چنی سوریایچ بکریۆ. بەڵام بافڵ تاڵەبانی بڕۍ چێوێش کەرڎێنۍ، با بکریۆنە جبەر، واتە ئەگەر پەنەواز بۆ با تیرۆر بکریۆ".

پەکین بەمەڵامەتوو ئاگاڎارکەردەیشۆ جە ستۆدیۆوە واتش، "شمە مەکەردێش، شمە متاودۍ بە دەسو بڕۍ تەری ئەنجامش بڎەیدۍ"، پی جۆرە دڎانش نیا بە شێوازەکا کردەوە تیرۆریستیەکا دۆڵەتو تورکیرە.