کۆنگرەو گلېرگەو دیموکراتیکی کوردەسانیا جە ئۊروپا (کەجەدەکە-ئە) چېرو نامۍ "سیاسەتو قڕکەردەی سەرو مەخمووری جابەجێ مکریۆ؛ خەڵکو مەخمووری تەنیا نییا" بەیاننامێوەش وەڵا کەرڎۆ و ئەرەیاۋناش، تورکیا، عێراق و پەدەکە بەسیستماتیکییانە گەمارۆ وزانە سەرو مەخمووری.

جە بەیاننامەکەو کەجەدەکە-ئەینە ئامان، رێککەوتەی ئەمنی بەینو عێراق و تورکیای پېسە بەهانێوە پەی ڕاگیریکەردەی جە ئاو و کارەبا و خزمەتگوزارییە تەندروسییەکا دلې کەمپەکەی بەکار مۍ و ئانەیچ ئامان کە "پەنەوازیە سەرەتاییە مرۆییەکێشا مەیسەر نمەکریا".

کەجەدەکە-ئە ئاماژەش پانەیچ کەرڎەن کە هێزە ئەمنییەکۍ عێراقی "بەردەوام گەمارۆو کەمپەکەی مڎا" و شاندێوە نوێنەرا کەمپەکەیشا باڵبەسکەرڎەن.

کەجەدەکە-ئە ئاماژەش پانەیش کەردەن کە هێزە ئەمنییەکێ عێراقی "بەردەوام تەوقەو کەمپەکەی مرانە" و شاندێکوە نوێنەر وکەمپەکەیشا باڵبەسکەردەن.

کەجەدەکە-ئە باسش چانەی کەرد کە کەمپو مەخمووری ئا خەڵکە مەدەنیێشە  ئینێ  چنە کە ساڵەکا ١٩٩٠ـنە بەمەڵامەتو چۆڵکەردە و دەگاکاوە جە سەرنیشتوو کوردەسانینە ناچارێ بیێنێ کۆچ بکەرا، جە ساڵە و ١٩٩٨ کریاوە و جە هەمان  ساڵەنە لوا چێرو چەمدێری کۆمسیۆنو باڵاو پەنابەرا نەتەوە یۆگێرتەکاوە (UNHCR) و ئاماژەش پانەی کەرد، " تە وقەو دۆڵەتو تورکی و حکومەتو عێراقی سەرەڕاو چەمدێری نەتەوە یۆگێرتەکا سەپنۆش، مایەو قبووڵکەردەی نییا."

جە بەیاننامەکەنە ئاماژە پانەیش کریان کە دماو ئانەی ڕاوەبەرایەتی کەمپەکەی سکاڵاش جەبارەو ئا گلەییا ئاڕاسە و نەتەوە یۆگێرتەکا کەردەن، کێشەکێ هەڵای قورستەرێ بیێنێ.

جە بەیاننامەکەو کەجەدەکە-ئە ـنە ئی داواکاریێ ئامێنێ:

هورسەپناو تەوقەکێ: گرڏ و پەنەوازییە مرۆییەکێ دلێشانە ئاو، کارەبا، خزمەت و تەندروستی ئامادە کریۆنە.

پەرسە و پەنابەریی سیاسی: مافو پەنابەریی سیاسی دریۆنە بە ئەرەنشینا دلێ کەمپەکەی.

دەسوەردای مییاننەتەوەیی: نەتەوە یۆگێرتەکێ بە ئەرکو وێشا هورسا و بەشێوێوە ڕەسمی هۆشداریی دۆنە حکومەت و عێراقی و ئیدارەو ناوچەکەی.

کەجەدەکە-ئە بەتایبەت بانگەوازش پەی راو گرڏی مییاننەتەوەیی کەرد کە پاڵپەشتی مەخمووری بکەرۆ.