کۆنگرەو گلێرگەو دیموکراتیکو کوردەسانیا جە ئەوروپانە (کەجەدەکە-ئە) ئەرەیاونێوەش وەڵاکەردۆ و ئاماژەش پانەیەکەرد: "لابەردەو قەرارو قەڎەغەکەردەی سەرو پەکەکەی ڕا وەردەمو چارەسەری دیموکراتیکی پرسو کوردی و دیموکراتیکبییەی جە تورکیانە مکەرۆوە."

جە ئەرەیاوناکەینە ئاماژە کریان بە قەراو قەڎەغەکەردەو پەکەکەی کە جە ساڵەو ١٩٩٣ێنە جە لایەن و ئەڵمانیایۆ دریا و چا بارۆ ئەرەیاوییان: " قەڎەغەکەردەو پەکەکەی کۆسپا وەردەمو چارەسەرینە و ڕا وەردەمو کۆمکوژی کوردارە مکەرۆوە جە لایەنو دۆڵەتو تورکیۊ." ئاماژەیچ پانەیە مکەرۆ ئەر بە شێوازەکا وەڵتەرێ جە  پێشئامای و فاڕیایەکا ئیسەی تەماشەبکەریۆ ئانە ئڼەی تەر پرسەکۍ قوڵتەرێ باوە.

'گەلو کوردی ساحیبو پەکەکەین'

جە بەردەوامیینە سەرنج وزیا سەرو ئەرەکۆشای ٤٧ ساڵەو پەکەکەی کە چنین بییەن بە تەڤگەرێ ڕاش وەردەمو ئازادی گەلانە کەردەنۆ و پەی ئانەیچ قوربانی گەورەش دان و ئامان: "دیوانو دادگاو ئەوروپای جە لۆکسمبۆرگ ساڵەو ٢٠١٨ ی دادگاو باڵاو بەلجیکای جە ساڵەو ٢٠٢٠ ی قەرارشادا نمەبۆ پەکەکە پێسەو ڕێکوزیێوە تیرۆرستی بنریۆرە."

هەر جە ئەرەیاوناکەینە جەختکریانۆ چانەیە  پەنەوازا بە تەمامەتی ئی قەرارە لابریۆنە، چونکی بەردەوامی قەرارەکەی بە ماناو بەردەوامیداین بە قڕکارییەکا سەرو گەلو کوردی و ئامان: "گەلو کوردی خاوەنداری جە ئەرەکۆشای پەکەکەی مکەرۆ و پەی ئانەیچ بە هەزاران گەشمەرڏێش دێنێ. گەلو کوردی جە ئەوروپانە سەنگەرێوە گرنگو ئی ئەرەکۆشاینە، چنی ٣١ ساڵێن جە قەڎەغەکەردەو پەکەکەی بەردەوام بییەن جە ڕاپیمای و خاوەنداریکەردەی جە ئیرادەو گەلی."

جە دژو قەڎەغەکەردەی بانگەواز پەی سەفەربەری

جە دما دمایی ئەرەیاوناکەینە بانگەواز پەی ئەرەکۆشای جە دژو قەڎەغەکەردەی سەرو پەکەکەی کریان و ئاماژە پانەیە کریان پەکەکە بە سەرمەشقایەتی ڕابەر ئاپۆی بییەن بە موڵکو گردو مرۆڤایەتی و ماچۆ: "ئی ڕاپیما بە شکۆیەو ئەرەکۆشای ئازادی کوردەسانی بە سەرمەشقایەتی ڕابەر ئاپۆی ژیوایما ڕۆشن مکەرۆوە. جە چوارچێوەو هەڵمەتەو ئازادیینە بانگەوازو سەفەربەری مکەرمێنە پەی ئەرەکۆشای جە دژو قەڎەغەکەردەو سەرو پەکەکەی."