کۆنگرەو گلێرگە دیموکراتیکییەکا کوردەسانی جە ئەورووپا (کەجەدەکە-ئە) بە بۆنۆو جەژنەو ڕەمەزانیۆ پەیامێوەش وەڵاکەردۆ و واتش: "هیوادارێنمێ ئی جەژنێ بۆنە ئامرازێ ژیوایێ ئارامو، ئاشتی و دوور جە جەنگی."

جە بەردەوامیینە کەجەدەکە-ئە سەرنجش وست سەرو هەڕەشێ و ئەرەگیرییەکا دۆڵەتو تورکی و ماچۆنە: "بە درێژای تاریخی وێش دۆڵەتو تورکی ڕاگیر بییەن چانەی گەلەکەما دلێ ئاشتی و ئارامیینە جەژنە موبارەکە بکەرۆ. بە ستەم و هرووژمەکێش ئاشتی و واڵەو-برایەتیش ئاستەنگ کەردەن. سیاسەتە قڕکارییەکێ جە جەژنەو ڕەمەزانینە درێژەشا هەن. جە پانیشتوو کوردەسانی و، وەرکەوتوو کوردەسانی و بە تایبەت جە شەنگال هرووژمە ئەرەگیرییەکێ بەردەوامێنی."

جە درێژەنە ئینەش وات: "گەلوو کوردی بە گرڏو بەها کولتوورییەکاشۆ هەمیشە بییەن بە لایەنگرو ئاشتی و پەشتیوانی بەینو گەلا. بە بۆنۆ جەژنێوە پەنەوازا گەلەکەما وەرگری چی بەهایا بکەرۆ، سەردانییەکا جەژنێ ئەنجام دۆنە و پێوەرە پەشتیوانی ماددی و مەعنەوی یۆی بکەرا. جە گرڏو پارچەکا کوردەسانی و بە تایبەت جە مەخموور و شەهبانە خاوەنداری جەکەسی فەقیری بکەرا، یۆبییەی نەتەوەیی و ڕوحی پەشتیوانی هامبەشی بەهێز بکەرا."

کەجەکەکە-ئە جە دماینە داوا مکەرۆ ئی جەژنێ بۆنە بنەماو ئاشتی و ئازادی  و ئامان: "هیودارێنمێ جەژنە بۆنە ئامرازو ئازادی و، یەکسانی، واڵەو-برایەتی، دیموکراسی و دادپەروەری. جەژنە جە گرڏو مرۆڤایەتی و بەتایبەت جە گەلەکەیما موبارەکە مکەرمێنە. هیوادارێنمێ ئی جەژنێ بۆنە ئامرازو بەهێزتەر بییەو پەشتیوانی بەینو گەلا."