کەجەکە: پەنەوازا دژوو فاشیزمی قڕکەری، گەلما پێسەو ئانەیە واننە کەردش، جۆلەمێرگیچنە مدرامانی فرەلایەنە بکەرۆ، بە شێوێوی فرە قەوەت جوابوو هجوومە قڕکەرییەکا و دەسملەرەگێرتەی ئیرادەی بدۆوە. پەنەوازا تا ورگێرتەیوە شارەوانی سەرەمڕ بکۆشیا.
هامسەرۆکایەتیی کۆنسەو کەجەکەی ماچۆ، "دەسەڵاتداریی فاشیستی ئاکەپە-مەهەپەی قەیومشا پەی شارەوانیی جۆلەمێرگی نیارە، کە ورچنیەو ئیرادەو گەلین، جارێوی تەر ئیرادەو گەلوو جۆلەمێرگیشا گێرت. بە شێوێوی نایاسایی هامشارەوانیی جولەمێرگیشا گێرتەن، کە بە ئیرادەو گەلی ورچنیان. گەلەکەما و گردوو هێزە سۆسیالیست و دیموکراتەکا، ڕای گردینی دیموکراتیک، ئۆپۆزسیۆنوو دلێ سیستمی و چندین ئەرەمەرزیێ دیموکراتیکێ ئی هەرمانە دەژە دیموکراتیکێشا شەرمەزارە کەردە و ناڕازیێ بێنێ. ئێمەیچ عەقڵوو چەوسنەری دژە-دیموکراتیکیی دوژمنوو کوردا شەرمەزار مکەرمێ، ناڕازیبییەکا وەراوەروو ئی هەرمانا بە مافداری و یاگێ وێشانە موینمێ، پەشتیوانییشا مکەرمێ. ئانە کە موازیۆ گێرتەی ئیرادەو گەلوو کوردین جە کەسێتیی خەڵکی جولەمێرگدا. بەشێکە لە سیاسەتی قڕکردنی سیاسی. ئەمە کارێکی فاشیستی قڕکەری دژە دیموکراتیکە. حەر کەسێوەنە کە ە دیموکراتیکی میاوۆنە، لایەنگێرێ ژیوای هامبەشی و یۆبییەی دیموکراتیکوو گەلانێ پەنەوازا دژوو ئی هەرمانە دژە دیموکراتیکێ بمرداوە، سەنگەروو کۆشیای مافدارینە، ڕەوا و دەیموکراتیکوو گەلوو کوردینە یاگی بگێرا. تا گێڵنایوەی شارەوانیی گیریاو جۆلەمێرگی پەی خەڵکوو جۆلەمێرگی، پەنەوازا ئی هەڵوێستە گەورەتەر بکریۆ و بەردەوام بۆ."
دژوو ئا عەقڵێتەیە، کە دوژمنایەتیی گەلوو کوردی مکەرۆ، پەنەوازا کۆشیای قەوەتتەر بکریۆ
کەجەکە واتش، "پی هەرماناوە واوەی ڕێبازوو عەقڵێتی و سیاسەتوو دەسەڵاتداریی ئاکەپە-مەهەپەی وەراوەروو گەلوو کوردینە جارێوی تەر بەرکەوتۆ. دەسەڵاتداریی ئاکەپە-مەهەپەی ورگێرو عەقڵوو دوژمنایەتیی گەلوو کوردیا و پێسەیچ بەردەوام بی، کە شێفی فاشیست ئەردۆغان ڕاوەبەری سەرەکیی ئی عەقڵینە. دەسەڵاتداریی ئاکەپە-مەهەپەی و تەیب ئەردۆغان ڕاوەبەروو ئیساتێ ئا عەقڵ و سیاسەتانە، کە کوردی قڕ مکەرانێ.پەی ئی ئامانجەیە هەرمانبەرێ کریێنێ. بەروزوو ئینەیچ بە نیایرەیوەی قەیومی جارێوی تەر ئی ڕێبازەو دوژمنایەتیکەردەی کوردا ڕۆشنتەر مکەرۆوە. پەوکای جگە جە کۆشیای دژوو ئی سیاسەت و زهینێتیە هیچ ڕێبازێوی تەر دروس نییا. پەنەوازا ئینە بوینیۆ و ڕێبازێو بە پاو ئینەیە ببریۆ ڕاوە. چوارچوەو ئی ڕێبازەینە پەنەوازا یۆبییەی بێ ئاراوە و کۆشیای قەوەتتەر بکریۆ."
بە تەنیا دەسملەرەگێرتەی شارەوانیی جۆلەمێرگی نییا، بەڵکوم هەمان وەختەنە دەسملەرەگێرتەی ئیرادەو گەلوو کوردین
ئەرەیاونایەکەو هامسەرۆکایەتیی کۆنسەو ڕاوەبەریی کەجەکەی پێسە بەردوام بییەن:
"ئاشکران دەسەڵاتداریی ئاکەپە-مەهەپەی گەرەکشا پلانەو وێش پەی دەسملەرەگێرتەی ئیرادەو گەلی سەر بوزۆنێ، پێسەو ئانەیە واننە نەتاواش، ئی جارە بە دەسملەرەگێرتەی ئیرادەو گەلوو جۆلەمێرگی بە ئەنجام بیاونۆ. پەوکای ئانە ئیساتێ مکەرۆش، نەک بە تەنیا دەسملەرەگێرتەی ئیرادەو گەلوو جۆلەمێرگین، بەڵکوم هەمان وەختەنە دەسملەرەگێرتەی ئیرادەو گەلوو کوردیین. ئی دەسملەرەگێرتەیەو ئیرادەیچ چوارچوەو قڕکەردەی کوردانە مکریۆ. گەرەکشا جۆلەمێرگنە ئەنجام بەدەس بارۆ و مایی گردوو شارە کوردییەکانە بەردەوامییش بدۆ پەنە. پەنەوازا ئی مەرام و تەرسێ بوینیۆ و هەڵوێستی قەوەت و ڕێکوزیا نیشانە بدریۆ.
دەسەڵاتداریی ئاکەپە-مەهەپەی دلێنە و بەرۆ بەردەوامیی مدۆ بە سیاسەتەکەیش، کە وێش مسپارۆنە بە دوژمانداریکەرەی کوردا، هەوڵێ مدۆنە گرد کەسێوە بکەرۆ بە دوژمنوو کوردا. دەسەڵاتداریی ئاکەپە-مەهەپەی دوژمنایەتیکەردەی کوردا ئینا ونیشنە، ئاد دەسەڵاتەش فاڕان پەی مارێوی کۆری، کە گرد کەسێو موەرۆ. تا کوردێ چێروو فشارینە ڕزگارشا نەبۆ، ئازادێ نەبا، نەبانێ بە ساعیبێ ئیرادەی، دژوو ورچنیەیەکاو سەرنیشت و وەرکەوتوو سوریای مدرۆوە و هجوومی کۆکوشی مکەرۆ. بە شێوێوی مجووڵیۆوە، کە حەرچی مبۆ با ببۆ، تەنیا با کوردێ نەبانە داراو ئیرادەو وێشا. حەر ئی ڕێبازە بێ، کە سوریاش یاونا ئی دۆخە و بی بە بایسوو ئی گردوو قڕکەردەیا. ئانە تا ئیساتێچ ڕاو چارەسەری سوریانە مدرێنە، دوژمنایەتیی دەسەڵاتداریی ئاکەپە-مەهەپەین وەراوەروو کوردیوە، سیاسەت و عەقڵەکەشا، کە پەشتی بە دوژمنایەتیی گەلوو کوردی مبەسۆنە. ئیساتێ هەوڵێ مدۆ عێراقی بوزۆنێ ئی دۆخەوە. گردما موینمێ تورکیا پی ڕێبازۆ ئینا چە دۆخێوەنە، ڕووبەڕوو چە تەرسێوی بیەنوە. ئەنجاموو ئینەیچەنە دەوڵەتوو یاسێ بەتەمامی تورکیانە نەمەنەن، دەوڵەت بییەن بە چەتە، مافیا، گلێرگا ئاورا و هەژار مەنەنۆ. ئی حکومەتە لاێوە خەریکوو قڕکەردەی گەلوو کوردیا و لاێوە تەرۆ چێروو فشاروو فاشیزمینە قڕکەردەی سەروو گلێرگەی تورکیرە مسەپنۆ. ڕژێمی فاشیستی ئینسانکوشوو ئاکەپە-مەهەپەی، گەرەکشا درێژە بە سیستموو دژە دیموکراسی و ناڕەوایی و بێیاسایی و دوژمنایەتیی بەینوو خەڵکی و ئاورایی و هەژاریینە گلێرگەنە بدۆ و بە نامێ میانڕەوییوە هەوڵێ مدۆ ئۆپۆزسیۆنی جە سیاسەتە فاشیستەکاشنە تلنۆ چۆوە. پەنەوازا گلێرگە، هەم سەرمەشقەکاو گلێرگەی و سیاسەتمەدارێ ئا ڕاسییە بوینانێ و خەبات پەی دیموکراسیی زیاتەر بکەرا.
مدرامانی فرەلایە، سەرەوردای هەمیشەی
دژوو فاشیزمی قڕکەری، پەنەوازا گەلەکەما پێسەو ئانەیە واننە کەردش، جۆلەمێرگیچەنە پی مدرامانە فرەلایەنە بورزۆ، بە شێوەی فرە قەوەت جوابوو هجوومە قڕکارییەکا و دەسملەرەگێرتەی ئیرادەو گەلی بدۆوە. تا بەدەسئاردەیوەی شارەوانیی نەمدرۆ و سەرە وربدۆنێ. پێویسا گەنجێ وەڵاتپارێزنێ کوردستانی ڕیزەکاو کۆشیاینە بەشدارێ بانێ و سەرمەشقایەتیی گەلی بکەرا.
فرە مانادارا، کە هێزە چەپەکێ، سۆسیالیستێ، دیموکراتیکێ و ئازادیوازێ پەشتیوانی وەنەو گەلوو کوردی مکەرا. پەنەوازا ئی پەشتیوانیکەردەیە بەردەوام بۆ و فرە قەوەتتەر بکریۆ. ئۆپۆزسیۆن بییەی، بە پەشتیوانی جە ئازادی و دیموکراسی تورکیانە بە خاوەندریکەرەی جە چارەسەری دیموکراتیکانەو پەرسەو کوردینە، بە مدرایوە دژوو ڕێبازەکاو دەسملەرەگێرتەی ئیرادەو گەلوو کوردی، مێ دی. سەروو ئی بنەمێوە داوا وەنەو گرد کەسێو مکەرمێ، کە کۆشیای پەی دیموکراسی، ئازادی، دادپەروەری و یاسێ مکەرا، کە سەنگەروو خەڵکوو جۆلەمێرگینە و گەلوو کوردینە بمدراوە، کە نمایندەو ئا بەهایا مکەرۆ، دژوو دەسەڵاتداری فاشیستوو ئاکەپە-مەهەپەی هەڵویستی قەوەت نیشانە بدانێ."
