کۊمیتەو پەیوەنڎییەکا بەرو کۊما جڤاکێن کوردستان-کەجەکەی جە بارەو هجومە چەکڎارییەکەو هېزی شارو سلێمانی، کە چنەشنە حسێن ئاراسان، پەنابەری سیاسیی سەرنیشتوو کورڎسانی گەشمەرڎەبی، یاۋنەریېش ۋەڵاکەرڎۊ.
کەجەکە ئەرەیاۋناش، حسێن ئاراسان، ۋڵاڎپارێزو کورڎی بەهەماهەنگیی پەدەکەی و میتو تورکی گەشمەرڎە کریان و بێگومان حەقەش جە بکوژاش مکەرمېوە، داوایچش کەرڎ گەلوو کورڎی خۊتانکەرڎەی جە گەشمەرڎە حسێن ئاراسانی کەرا.
کۊمیتەو پەیوەنڎییەکا بەرو کۊما جڤاکێن کوردستان-کەجەکەی جە بارەو هجومە چەکڎارییەکەو هېزی شارو سلێمانی، کە چنەشنە حسێن ئاراسان، پەنابەری سیاسیی سەرنیشتوو کورڎسانی گەشمەرڎەبی، یاۋنەریېش ۋەڵاکەرڎۊ.
کەجەکە ئەرەیاۋناش، ماۋېوە فرەن ئەنڎامۍ رێکوزیاو کرێکارا میزۆپۆتامیای کە خەڵکو سەرنیشتوو کورڎسانینۍ، رووبە روو هەڕەشېوە سیستماتیکی باوە.
ئاشکرایچش کەرڎەن کە شارو هۊلێری بیەن بە پەناگېوە ئارام پۍ بکوژا گەلوو کورڎی و ئەرەیاۋنانش: حەتا ئیسە تەنیا بکوژېوەیچشا نەگیریان، کە بڕەمېنۍ پۍ هۊلێری، ئانەیچ دەورو پەدەکەی چا هجومانە نیشانە مڎۊ، پەدەکە و جاسوس و هامکارەکېش گۊرەتەرین دوژمنایەتیی کورڎی ئازاڎی و ۋڵاڎپارێزیی کورڎسانی مکەرا، ئا خیانەتکارۍ کە جە لایەنو پەدەکەی و میتیوە کۊکریاوە، ئا کەسا گەشمەرڎە مکەرا، کە بەشەرەفو ۋېشاوە مژیۋا و رەنج پۍ گەلەکەیما مڎا
کۊمیتەو پەیوەنڎییەکا بەرو کەجەکەی ئاماژەش پانەی کەرڎەن، کە میتو تورکی تەنیا ۋېش مەتاۋۊ تۊڕی جاسوسی جە پانیشتوو کورڎسانی وەش کەرۊ ، بەڵکم فرە ئاشکران کە بەبۍ هامکاریی پەدەکەی و دەزگاو پارېزنای، مەتاۋۊ هەنگامېوەیچ بنیۊ، پەدەکە یۊ بە یۊ کەسەکا پۍ میتی ئاماڎە مکەرۊ و بڕۍ جاریچ خانەواڎېوە وزۊنە خزمەتو میتیوە.
کەجەکە ئەرەیاۋنانش، کە ئاڎۍ زانیاریشا جەبارەو ئا کەس و خانەواڎاوە هەن، کە هەرمانە پۍ میتو تورکی مکەرا و ڕای پېۋیسشا وەران ۋەر گېرانە وەر.
ئەرەیاۋنانیچش، بەرەی تورکمانی کەرکوک-نە میانگەی دوۋەما کە جە هجوم و کۊکوشییەکانە دژ بە گەلەکەیما بەکارمېنە، ئێمە جەبارەو ئا تۊڕە جاسوس و تیرۊریستاوە ئاگاڎیی مڎەیمۍ بە لایەنە پەیوەنڎیدارەکا عێراقی، پێۋیسا عێراق ئا کەسا بە تاوانەو جاسوسیکەرڎەی پۍ ۋڵاتا بێگانەی دەستگیرکەرۊ.
ئانەیچ ئامان: ئێمە تەئکیدش کەرمۍ کە جوابما بۊ پۍ ئا هەرمانە تیرۊریستی و جاسوسیا کە بەنامۍ دەوڵەتو تورکیوە کریا
کۆمیتەو پەیوەنڎییەکا بەرو کەجەکەی داوا جە دەزگا ئەمنییەکا و گرڎ کەسۍ مکەرۊ، کە هەڵۋێس دژو گەشمەرڎەکەرڎەو ۋڵاڎپارێزا کورڎی گېرانە وەر و ئەرەیاۋناش: ئێمە سەرەو ڕێزی پۍ گەشمەرڎە حسێن ئاراسانی منامنمېرە، بەدڵنیاییوە حەقەش جە ئەرەگیرا و ئا تیرۊریستا مکەرمېوە، کە ئا تاوانېشا ئەنجامدېنە، پێۋیسا گرڎو گەلوو کورڎی بەشێۋېوە بەقوەت خۊتانکەرڎەی جە حسێن ئاراسانی کەرا
هـ . ش
