کۆمیتەو پەیوەندییەکا جبەروو کۆنفیدرالیزموو گلێرگەکا کوردسانی (کەجەکە) ئەرەیاۋناش: "بە پرۆسێوە سەختی تاریخیرە بە نامۍ جەنگوو جەهانی یەرەمیرە ویەرمۍ". چی پرۆسەنە پێشئاما گرنگەکۍ جە جەهان و ۋەرکەوتوو دلێڕاسەینە ڕووە مڎا. جە وەختێنە جەنگوو ئۆکرانیا و ڕووسیای ملۊنە دلۍ ساڵەو یەرەمیۆ، جەنگوو بەینوو ئیسرائیلی و حەماسی بە گرڎوو هێزیشۆ بەردەواما. حەر چی ئاژەنە جەنگ جە بەحری سوورەنە پەرە مسانۆ و هەڵای ئەگەروو تەشەنەکەردەیش پۍ یاگەکا تەری هەن. جە وەختێنە ئی جەنگۍ بە مەڵامەتوو ملەملانێ مەسڵەحەتەکا بەینوو هێزەکا مۆدێرنیتەو سەرمایەدارییوە ڕووە مڎا، بەڵام داخەم مەشۆ گەل و ژەنی باجەکەیش مڎا و زەرەرشا پنە میاوۆ. دەوڵەتوو ئەرەگیروو تورکی و ئەردۆغانی سەرۆک فاشیستش بە کەڵک هۊرگێرتەی چی دەرفەتا جەنگی گەرەکشا دەسکۊتەکا گەلوو کوردی دلێنەبەرا و بە جەنگی کۊکوشی کە دەسش پنەکەردەن گەرەکشا ئەنجام دەس وزۆ. پۍ ئی مەبەسیچە بە بەبازرگانی کەردەی بە پێگەو جیۆستراتیژی و جیۆپۆلەتیکی ۋێش و پنەدای ئیمتیازی جە مێڎانی سیاسی و دیپلۆماسینە، گرڎوو سامانوو چێروو زمینی و سەروو زەمین و تورکیای وزۆ خزمەتوو ئی جەنگە کۊکوشیەیۆ. سەروو ئی بنەمایێچە گەرەکشا چنی وڵاتا مەنتیقەکەی بەتایبەتی ئێران و سوریا و عێراقی ئەرەنیشتەی چڕوپەڕ دەس پنەکەرۆ و چنی ۋێش چی جەنگەنە بەشدارێشا کەرۆ. جە ئاکامەنە ئامانجشا دلێنەبەردەی گرڎوو دەسکۊتەکا گەلوو کوردین بە ئەنجامدای هجومۍ رتازەی پۍ سەروو ۋەرنیشت و پانیشتوو کوردسانی"

ئا سیاسەتەی کە پەدەکە پەیڕەوش کەرۆ مەترسی گۊرەش شۊنیرە مۍ

جە بەیاننامەکەنە ئامان: "جە وەختینە دەوڵەتوو فاشیستی تورکی ئینا حۊڵوو وەشکەردەو هامپەیمانیێوە دژە کوردینە جە مەنتیقەکە و جەهانەنە، بێ گومان ئەرکوو کوردیچ وەشکەردەی یەکڕیزین جە بەینوو ۋێشانە و ۋەرەنگاری ئەرەگیری و هجومە کۊکوشیەکان. بە تایبەتی ئا هێزا کە بە نامۍ کوردیوە جە هەر چوار پارچەو کوردسانینە بەشدارێنۍ جە سیاسەتەنە، چی هۊرچەرخنا تاریخیەنە، جە ۋەاران ۋەروو پەرەپنەدای سیاسەتی و ستراتیژی هامبەشینە ۋەرپەرسێنۍ. بەڵام بنەیانەو بارزانی کە حوکمڕانی پەدەکەی کەرا، جیای ئانەی حۊڵوو یۊوستەی کوردی بڎا، حۊڵ مڎا بە هامکاری و کۆیلایەتی چنی دوژمناو کوردی، چارەنوویس و کوردی کەرا قوربانی مەسڵەحەتوو تەسکوو بنەیانەی و ئی سیاسەتۍ کە پەدەکە پەیڕەوش کەردێنۍ و کەرۊشا، تا ئیسە جە تاریخەنە زەرەرۍ فرەش بە کوردی و بە تایبەتی پانیشتوو کوردسانی یاونان و ئارۊیچ مەترسیی گەورەتەرش ۋنەگنۊوە."

گەلوو پانیشتی لاتێ گنا، پەدەکەیچ سەروەت و سامانش زیاد کەرۆ

 بەیاننامەو کۆمیتەو پەیوەندییەکاو بەروو کەجەکەینە ئامان کە:  

"پەدەکە بە ئاشبەتاڵ (تەسلیمبییەی) ساڵەو 1975، خیانەتش ونەو دۆزوو ئازادیی پانیشتوو کوردستانی کەرد، دماو ئانەیە چەنی پەرەسانای جەنگوو براکوشی وەرنیشت و پانیشتوو کوردستانینە، درێژە بە براکوش مدۆ و چا چوارچوەنە ساڵەو ١٩٩٦ سوپاو سەدامیش ئاردە پانیشت و کوشتاری گەورەش کەرد. دمایی کە ساڵەو ٢٠٠٣ێنە پانیشتوو کوردستانی ددانش نریا پۆرە و بە پاو دەسووری مافەکاو کوردی عێراقنە مسۆگەرێ کریێ، دەرفەتێوە گەورە پەی دیموکراتیککەردەی عێراقی و چارەسەرکەردەی پەرسەو کوردی، ئامان ئاراوە. بەڵام دەسەڵاتوو پارتی دیموکراتوو کوردستانی پا بڕوێوە کە دیموکراسی و چارەسەرکەردەی  پەرسەو کوردی زەرەر بە بەرژەوەندیی سنوورداروو بنەیانەو بارزانیی میاونۆ، هەوڵێش دێ دەستووروو عێراقی تێک بدۆ و نازۆ بیاویا یاگێ و لایێوە تەریچۆ دەرفەتی ئابووری و سیاسی پەی بەرژوەندیی وێش بەکار مارۆ. ئیسفادە جە فرسەتەکاو کوردستانی پەی بەرژەوەندیی دەسەڵاتەکەیش کەرۆ و پێشکەشوو تورکیایش کەردەن. قەیرانی سیاسی (پەرلەمان و حکومەتی وێمانە حیچ کاریکگەرییش نەمەنەن) و قەیرانی ئابووری (نەدای مووچەو هەرمانبەرا، بێکاری، گەندەڵی و هتد) کە ئارۆ  پانیشتنە هەنێ، دەرئەنجامی ڕاستەوخۆو سیاسەتەکاو پەدەکەینە سەرەش وردان. وەختێوەنە گەلوو پانیشتوو کوردستانی ڕۆ بە ڕۆ لاتتەرێ با و ناچارێنێ کۆچ بکەرانێ، بە پێچەوانەوە بنەیانەو بارزانی، کە پەدەکەی بەرا ڕاوە، سەروەت و سامانشا زیاد کەرا و زەڕی دزیاو خەڵکی فاڕاوە پەی وەڵاتاو بەری.

ئانە پەدەکەن کە ئاسانکاری پەی گردوو کۆکوشییەکاو دەوڵەتوو تورکی کەرۆ پانیشتنە

 ئەنجاموو سیاسەتە گڵیاوەکاو پەدەکەینە، گەلوو عێراقی و پانیشتوو کوردستانی ڕووبەڕوو تەرسێ فرێ بیێنێوە،  جە ویەردەی فرە دوورنە نا، وەختێ داعش نەک حەر پەی کوردی بەڵکوم پەی گردوو ئینسانیەتی تەرسی بێ، پەدەکە پێسەو هامساێوە تازەی پێناسەش کەرد و شەنگالش دا دەسوو داعشیوە و گەلوو ئێزیدی ئێمەش کۆکوشێ کەردێ. پێسە واچی ئی کۆکوشییە وەسێ نەبییەبۆ، بە سیاسەتە گڵیاوەکاش، دەسکەوتەکاو گەلەکەیماش پانیشتوو کوردستانینە وستێنێ تەرسێ گەورێوە. ئیساتێ بە کێشتەی دەوڵەتی ئەرەگیروو تورکیای پەی دلێ عێراقی و پانیشتوو کوردستانی، دەرفەتش پەی ئەردۆغانی فاشیستی کەردەنۆ کە عێراقنە سیاسەت کەرۆ. جیای ئانەیە دەوڵەت و گەلوو عێراقی کەرۆ بە بنەمێوە پەی چارەسەرکەردەی کێشەکاو عێراقی و پانیشتوو کوردستانی، تەسلیموو ئەردۆغانی و کۆماروو تورکی بییەن، کە ئینکاریی بییەی کوردی کەرا و هەوڵێ کۆکوشی کەرا، ئا دەسەڵاتە کە کۆماروو تورکی پاسە پەنە کەرۆ فشار بوزۆ سەروو هەرێموو کوردستانی و عێراقی، پەدەکەن. ئانە پەدەکەن کە زاخۆوە تا سیدەکان ئاسانکاری پەی سوپای ئەرەگیرە-ئینسانکوشەو تورکی کەردێنە، کە شەرعیەت مدۆ بە گردوو ئا کۆکوشییا، کە دەوڵەتوو تورکی پانیشتوو  کوردستانینە دژوو گەلەکەیما کەرۆش. (جە کوشتەی خەڵکی سڤیلیوە تا دلێنەبەردەی سروشت)ی و تاوانەکایچ پەردەپۆش کەرۆ. تەنانەت دەسەڵاتداریی پەدەکەی خیانەتش جە میراتوو کۆشیای شێخ عەبدولسەلام بارزانیی کەردەن، کە لاو عوسمانییەکاوە موسڵنە دریا قەنارە و ئەردۆغانی فاشیست، کە ساعیبوو عەقڵیەتوو نیوعوسمانیین و شۆنەو زیندەکەردەیۆ پەیمانەو میساقی میللییرە گێڵۆ.  

ئارۆ پەدەکە وەراوەروو گردوو دەسکەوتەکاو  گەلوو پانیشتوو کوردستانینە کە بە شییەینەی گەورەوە دەس وزیێنێ بە گەورەتەرین تەرسی منریۆرە. وەختێوەنە گردوو ئا ڕاسییا دیارێنێ. نێچیرڤان بارزانی، بە نامێ پارتییوە، پەکەکەی تۆمەتبار کەرۆ پانەیە "گرفت پەی پانیشتی وەش کەرۆ و بە بێڕێزیکەردەی بە دامودەزگاکاو پانیشتی تۆمەتبارش کەرۆ، پەوکای هەوڵێ مدۆ بەهانێ پەی هجوومەکاو دەوڵەتوو تورکیای پەی سەروو عێراقی و پانیشتی بارۆوە.  قسەکاو نێچیرڤان بارزانی نە چەنی ڕاسییە تارێخییەکا گونجیا، نە چەنی بارودۆخوو سەردەموو ئارۆی، نە چەنی ئەخلاقی سیاسی. گردلایێ خاس مزانا کە پەدەکە بێ بیناو پەرلەمانوو پانیشتوو کوردستانیش پێشکەشوو سەروازەکاو سەدامی کەردە. دماو ٢٠ ساڵا ئانە پەدەکەن، کە سەرۆکی ورچنیاو پەرلەمانی دەروازەو هەولێریوە گێڵناوە و ناستش بلۆ پەرلەمانۆ. ئانە خودوو پەدەکەین چەمکوو "پێشمەرگە"و کوردستانیش ماڵارە و ساڵەو 1975 پێشمەرگەش بێچەک کەرد و دمایی  پێشمەرگەش بەدنام کەرد و کەردش بە سەرمەشق و هێزوو پارێزنای و پاڵپەشتی لۆجستیکی پەی سوپاو سەدامی و سوپای ئەرەگیرەو تورکی. وەختێوەنە پەدەکە نەتاواش وەرگێریی وەنەو وێش و گەلەکەیش کەرۆ،  دژوو هجوومەکاو داعشینە  شەنگال، کەرکوک و هەوۆلیرنە ڕەما و ئانە گەریلاکاو ئازادیی کوردستانی و پەکەکە بێنێ، کە پەی پارێزنای گەلوو پانیشتی دژوو داعشی گژیێ و قوربانیی گەورەشا دا. ئیساتێ وەختێوەنە کە پەدەکە دەسکەوتەکاو عێراقی و پانیشتوو کوردستانی مدۆ دەسوو تورکیایۆ و سەدان بنکێ وزۆ خزمەتوو سوپای ئەرەگیرەو تورکی و گرد خزمەتگوزاریێوە لۆجستییشا پەی دابین کەرۆ و ڕا بە تیرۆریساو میت (دەزگای هەواڵگێریی تورکیا)ی مدۆ پانیشتنە دژوو بەرژەوەندییەکاو گەلی هەرمانەو وێشا کەرا، ئانە گەریلاکاو ئازادیی کوردستانی و پەکەکەینێ، کە قارەمانانە دژوو سوپای ئەرەگیرەو  تورکی پەی پارێزنای گەلی و خاکوو پانیشتی گژیا. تورکیا هەمان تەرسیی داعشینە پەی پانیشتوو کوردستانی و عێراقی. جەنگکەردەی چەنی سوپای ئەرەگیرەو تورکیای یانێ گژیای چەنی داعشی. چونکوم ئەردۆغان فاشیستا و چەنی داعشی دوانێ یەک ئایدیۆلۆژیاینێ. ئانە دەوڵەتی ئەرەگیروو تورکی و ئەردۆغانی فاشیستینێ، کە داعششا  کەردەن  بە بەڵێوە سەروو ئینسانیەتی و گەلوو کوردیوە.

مشۆم گرد لایێ وەراوەروو  پەدەکەی و دەوڵەتوو تورکیوە هەستیارێ با

تورکیا ڕاو  پەدەکەیۆ دەسوستەیینەی سەروازی، سیاسی و ئابووری عێراقنە کەرۆ. پەدەکە جیای ئانەیە بەرژەوەندیی گەلوو پانیشتوو کوردستانی و عێراقینە سیاسەت کەرۆ، بییەن بە درێژکریاوەو سیاسەت و پیلانەکاو بەری و ئامێروو هەواڵگێریی تورکیای. سەروو ئی بنەمێوە گەرەکشا بەهەمەلایەنە، ژیوگەو پێکئاما نەتەوەیی و ئایینەکا، کەرۆ بە مەیدانوو ملەملێ و ئاڵۆزییەکا. کۆماروو تورکیای پەی  ئیسفادەکەردەی جە پەدەکەی هەوڵێ مدۆ کاریگەریی سەروو سیاسەتوو عێراقیوە وەش کەرۆ. تەنانەت عێراقیچ بارۆ خەتەی سیاسییەو دژەکوردیوە چەنی ویش. ئارۆ بە هامکاریی پەدەکەی هەوڵێ مدۆ تاوانباراو ڕۆژی و زێرەوانی سەر بە پەدەکەی چێروو پەررچەموو عێراقینە بارۆ دلێ هەرێمەکاو گەریلای.  وەختێوەنە  گەریلاکاو ئازادیی کوردستانی سەرەمڕ گورز وەنەو سوپای ئەرەگیرەو تورکی مدا، پەدەکە هەوڵێ ڕزگارکەردەی سەروازاو تورکی مدۆ. پەدەکە بە بەکارئاردەی عەلەمەو عێراقی چێروو نامێ هێزەکاو پاسەوانوو سنووروو عێراقینە پەی پەردەپۆشکەردەی دۆخوو هامکاری- نۆکەری و خیانەتکارانەو وێش و ئاسانکاری پەی بەیاگەیاونای سوپای ئەرەگیرەو تورکی خاکوو کوردستانینە ئاسانکاریی کەرۆ. پەوکای  داوا وەنەو وەرپەرساو حکومەتوو عێراقی کەرمێ وەراوەروو گەمەکاو  پەکەکەی و دەوڵەتوو تورکیوە هەستیارێ با.  داوا وەنەو حکومەتوو عێراقی کەرمێ ڕاگێری کەرۆ جە بەکارئاردەی شناسنامەو پاسەواناو سنووری و پەرچەموو عێراقینە پەی بۆ پەردەپۆشکەردەی تاوانەکاو دەوڵەتوو تورکی کە ئینکاریی کوردی کەرۆ و ڕووبەڕوو کۆکوشییش کەرۆوە، وەڵێش گێرۆ نەگنۆ چێروو کاریگەریی پیلانە گڵیاوەکاو دەوڵەتی ئەرەگیرکەروو ئاکەپە-مەهەپەی بکوشیوە.

وەراوەروو سیاسەتوو هاوکاری، خێانەت و نۆکەریی پەدەکەیۆ، کە نەک حەر دەسکەوتەکاو گەلەکەیما پانیشتوو  کوردستانینە  وزۆ تەرسیوە، بەڵکوم بەرەو کۆکوشی ڕووەو گەلوو کوردیرە کەرۆوە، داوا وەنەو گەلەکەیما کەرمێ چوار پارچەو کوردستانینە دژوو پیلانە خەتەرەکاو پارتی و جەنگی تایبەتی هەڵوێستشا بۆ، داوا وەنەو گردوو لایەنە سیاسییەکاو پانیشتوو کوردستانی کەرمێ، کە وەرپەرسیی تارێخییشا بیاونا یاگێ و دژوو سیاسەتوو هامکاری و خیانەتکارانەکاو پەدەکەی و ئەرەگیریی پانیشتوو کوردستانینە پەرە بە هەڵوێست و وەرگێرییەکاشا بدانێ.