ئارۆ قەزاو کەلارینە جە لایەنو گروپو چەمۍ سلێمانیۆ سەر بە جەمەو هونەری میللی سلێمانی فیستیڤاڵۍ پاییزە کریاوە، پەی ماوەو پەنج ڕوا بەردەوام مەبۆ و جە فیستیڤاڵەکەنە ٥٠ کەسۍ بەشداریشا کەرڎەن، ڕێژەو ژەنا جە فیستیڤاڵەکەنە ئەغلەبیەتا.

'ڕێژەو ژەنا جە فیستیڤاڵەکەنە ئەغلەبیەتا'

سەردارو گروپو چەما سلێمانی کارزان حسێن سەبارەت بە فیستیڤاڵەکەی جە کۆنگرێوە ڕۆنامەوانینە باسش جە کار و چالاکی و بەشدارا فیستیڤاڵەکەی کەردو واتش: "ئێمە پېسە گروپو چەما سلێمانی سەر بە جەمەو هونەری میللی سلێمانی، جە درێژەو کار و چالاکییەکامانە بە مەبەسو بازاڕی کەرڎەی هۊرئێستیمۍ بە کەردەیۆ فیستیڤاڵێوە جە شارو کەلارینە کە پەنجا کەپرۍ جە ۋێش مگێرۆ.

بەشدارا جە ۋەرکۊتوو کورڎەسانی و سلێمانی و هەڵەبجەیۆ ئامێنۍ، ئەغلەبیەتو هەرمانەکاشا هەرمانۍ دەسی و کلتووریێنۍ. هیواڎارەنا خەڵکو شارو کەلاری بە گڕوتینێوە گەرمۆ سەردای فیستیڤاڵەکەی بکەرا پەی ئانەی چۍ گرڎما خزمەتۍ بە شارو کەلاری بکەرمۍ ".

'ئەرکو فیستیڤاڵەکەی ئینا ئەستۆو ۋێمانە'

جە دمادمایی قسەکاشەنە کارزان حسێن باسش چانەیە کەرڎ کە چی فیستیڤاڵەنە قیمەتەکۍ گرانۍ نەکریێنۍ و زیاتەر ئینۍ خزمەتو گەلینە و واتش: "هیچ کاتێ قیمەتەکێما گرانۍ نەکەردێنۍ، ئێمە سەرو ئەرکو ۋێما ئی هەرمانێما گېرتێنە ئەستۆ، ئێمە تەنیا مەسرەفو فیستیڤاڵەکەیما جە خاوەنو کەپرەکا هۊرگیرتەن. نەک پېسە بازرگانی کەردەی بە کارش بارمۍ".