کۆردیناسیۆنوو کەژەکەی ناڕەزایبییەیش وەرانوەروو کۆمیتەو ڕاگێریی جە ئەشکەنجەو ئەورووپای (سی پی تی) نیشانە دا، چونکوم سەروو تورکیایش دان، بەڵام نەلان ئیمراڵی و داواش وەنەو ڕێکوزیا میاننەتەوەییەکا کەردە، بە دەوری بنەڕەتییشا وربێزا.
کۆردیناسیۆنو کەژەکەی ئەرەیاوناێوەش وەڵا کەردۆ و یادش ئاردۆ، کە سی پی تی بەینوو ١٣- ٢٢ شوباتینە سەرێ تورکیایش دان، بەڵام نەلان ئیمراڵی و ئاماژەش پانەیە کەرد، ئی هەڵوێستەو سی پی تی-یە یاگێ قبووڵکەردەی نییا.
ئەرەیاونایەکەو کەژەکەی ئینەنە:
"ئەرەمەرزیایەکاو مۆدێرنێتەی سەرمایەداری گردشا کریێنێ بە ئامرازوو ملەملێ جەنگی و دەسەڵاتی. دلێ ئا ڕێکوزیایانە نەتەوە یۆگێرتەکێ، دادگاو مافەکاو ئینسانوو ئەورووپای، پەیمانەو مافەکاو ئەورووپای و کۆمیتەو ڕاگێریکەردەی وەنەو ئەشکەنجەو ئەورووپای (سی پی تی) ئی دۆخەشا نەفاڕان. ئی دەزگێ کە مشۆم دەنگ و هێزوو بەیاگەیاونای نۆرمەکاو مافەکاو ئینسانی گەردوونیی با و سەروەریی یاسێ با، بەڵام بەداخۆ بیێنێ بە ئامرازێوە سیستمی نا دادپەروەری، بێویژدانانە جووڵیاوە. شاندوو سی پی تی کە وەڵێ چند ڕوێنە ئاما تورکیا، بەڵام داواو گەلی و مدرامانوو گەلوو کوردی و دۆسەکاش جە سیستەموو گۆشەگیریی قورس و قڕکەردەی ئیمراڵیینە نەدی و ئاما و سەرێ ئیمراڵییش نەدا. هەرپاسە سی پی تی چالاکیی مانگێرتەی جە واردەی زیندانییاش نەدی، کە پەی پارچەکەردەی ئی قڕکەردەیە ئیمراڵی و گردوو زیندانەکانە کریۆ. ئی هەڵوێستەو سی پی تی ئانەش نیشانە دا جە ئامانجوو وێش دوور کەوتەنۆ. پێسە کەژەکەی ئی هەڵوێستە نائەخلاقییەو سی پی تی قبووڵ نمەکەرمێن، کە بە شێوێوە پراگماتیکی ملۆ خزمەتوو سیاسەتی پیسوو دەوڵەتاوە. پی بۆنەوە داوا وەنەو گردوو ڕێکوزیا میاننەتەوەیەکا کەرمێ، بە نامێ بەهایی ئەخلاقیی ئینسانیەتیوە جماوە و بە دەوری بنەڕەتیی وێشا وربێزا.
ڕێکوزیا میاننەتەوەییەکێ مشۆم دەوروو وێشا گێڵنا
پێسە ژەناو کوردی خاس ئانەیە مزانمێ، کە پاڕادیمی دیموکراتیک، ئیکۆلۆژی و ئازادییپارێزنیی ژەنەو ڕابەر ئاپۆی، پەی گەلاو وەرکەوتوو دلێڕاسەی و تەماموو گەلاو جیهانی بییەن بە سەرچەمەو ئیسفادەکەردەی. کاریگەریی ئایدۆلۆژی و هێزی فکریی ڕابەر ئاپۆی بییەن بە هۆکاروو ئانەیە، گۆشەگیری سەروو ڕابەریما قورستەر کریۆ. سیستەموو ئەشکەنجەی و قڕکەردەی ئیمراڵیینە، کە نموونەش جە حیچ یاگێوە تەرەنە نیا، وەروو تەرسەو پارادیمەکاو ڕابەرێتیما کە بییەن بە هومێد پەی ئینسانیەتی. ڕۆو ئەوەڵوو پیلانگێڵنیی میاننەتەوەییوە تا ئیساتێ ژەنی، گەل و دۆسەکێما بە شێوێوە فرە قەوەت خاوەندارێتییشا وەنەو ڕابەرێتیی کەرد، ئی مدرامانە یاوا ئاستێوە گەردوونی و پیلانگێڵنییش پووچەڵ کەردۆ. ئی مدرامانە جە گرد وەختێوە زیاتەر هێزەکاو شارستانێتیی دەسەڵاتداریی دەوڵەتپەرسییش وستێ دلێ زەحمەتییوە. لای سەریی گردیوە مدرامانوو ڕابەری و گەلیما و ژەنێ و دۆساما ئی سیستەمە بەربەری و بێویژدانەش لاواز کەرد. چەنی مدرامانێوە بێهامتای، ڕابەرما بە پارادایموو یاگەداریوە، مۆدێرنێتەیی سەرمایەداریییش وست چێروو هجوومیوە. جارێوە تەر ماچمێشۆ، کە تێکدای ڕژێموو ئەشکەنجەی و قڕکەردەی ئیمراڵی بە ئێمە نەبۆ نمەبۆ. جارێوە تەر ئانەیە دیاری کەرمێ، کە سیستەموو ئیمراڵی مەشناسمێ، کە لاو هێزە میاننەتەوەیەکاوە دژوو دماڕۆو گەلوو ئێمەن، پەی بەرژەوەندیی ملەملێ دەسەڵاتدارێتی ئامادە کریان. پێسە گەلی و جمیەرێوە کە پەی ئازادیی کۆشیا. هجوومەکاو سیستمی فاشیستی کاپیتالیستی نزیکۆ موینمێ، ڕاسیی ئی سیستمەیە یاوێنمێنە و کۆشیای ڕادیکاڵ دژش کەرمێ. پێسە جمیەرێوە کە هومێدش بە مدرامانی و هێزوو ڕێکوستەی وێش ئەرەمەرزنان، پێسە وەڵێ ئارۆیچنە بە هێزوو وێما کۆشیەیمێ. جگە ئینەیچە داوا وەنەو ڕێکوزیا میاننەتەوەییەکا کەرمێ، کە بە دەوروو وێشا وربێزا.
'سڵام چا هامڕایا کەرمێ کە مانشا جە واردەی گێرتەن '
ڕژێمی فاشیستیی ئاکەپە- مەهەپەی بە پاشێلکەردەی مافەکاو ئینسانی هجوومەکێشا دژوو گەلی و ژەنەو کوردی کەرا. گردوو مەیدانەکاو گلێرگەینە، کەشەکاوە و زیندانەکانە و گرد مەیدانێوەنە، جەنگی دەروونی- تایبەت کەرا و هجووموو قڕکەردەی درێژ کەرۆوە. هامڕێما گەریلاکاو ئازادی پەی وەرپەنگوو ئی ئەم قڕکەردەی و مسۆگەرکردەی ئازادیی گەلا، مدرامانی تارێخیی کەرا. فیداییانە کۆشیا و نمازمێ ڕژێمی فاشیستی ئاکەپە- مەهەپەی بیاوا بە ئامانجەکاشا. ئی مدرامانە ڕا مدۆ وەڵیکەوتەی سیاسی و ئازادیی ژەنا گەلیما زیندە کەرۆ و هومێدشا بەرزتەر کەرۆوە، گرد جۆرە بنەڕەتێوە وەڵێکەوتەو کۆشیای خوڵقنۆ، قەوەتتەر بۆ. هەرپاسە مدرامان زیندانەکانە کارەکتەروو قۆناغەکەیش دیاریی کەردەن. پی بۆنەوە سڵام وەنەو هامڕایاما، کە ٨٤ ڕوێن ئینێ مدرامانوو مانگێرتەی جە واردەینە. داوا وەنەو گەلیما، دۆسامان و ژەنا کەرمێ دەوروو ئی مدرامانینە کۆشیای گەورە کەرا".
