هرووژمەکێ دۆڵەتو تورکی پەی سەرو هەرێمەکا پارێزنا و مەدیای شارو لیڤەرپوولو بەریتانیاینە بە چالاکیێ شەرمەزارکریا. جەماوەر سەر و بانگەوازو چالاکی بەپەلەو ئەنجوومەنو گەلوو کوردی لیڤەرپوول وەردەمو وێستگەو شەمەندەفەرو شارەکەی گلێرێ بیێوە، هرووژمەکێ دۆڵەتو تورکی بە چەکی کیمیایی پەی سەر و زاپی و مەتینای و ئاڤاشینی و هەرێمەکا پارێزنا و مەدیای شەرمەزارکریێ کە دما و قەرارەکا کۆنگرەو ١٢هەمینو پەکەکەی و بانگەوازو ئاشتی ڕابەر ئاپۆی، ئەنجامدریێنێ.

ئەندامو ئەنجوومەنو گەلوو کوردی لیڤەرپوول، سەعید ئاماژەش کەرد بە هەڵوێسو هرووژمەکا دۆڵەتو تورکی دژو هەوڵە ئاشتیوازەکا گەلوو کوردی و واتش: "سەرەڕاو بانگەوازەکا ئاشتی، ئی هرووژمێ بەردەوامێنێ، نەوەک تەنیا گەلوو کوردی گرڏ و ئینسانییەتی مکەرانە ئامانج".

جە تەمامو چالاکییەکەینە درووشموو "بژیوۆنە سەرۆک ئاپۆ" و "دۆڵەتو تورکی چەکی کیمایی بەکارمارۆنە" و "گەلوو کوردی تەنیا نییا" بەرزکریاوە. بەشداربییەکێ بانگەوازشا جە ڕاو گرڏی مییاننەتەوەیی کەرد، وەراوەر و تاوانەکا جەنگو دۆڵەتو تورکی، بەتایبەت بەکارئاردە و چەکو کیمایی، هەڵوێس هورگێرا.