هامقسەکەرەو مەجلیسوو گەنجاو هەدەپەی، ئیدا ئیبراهیمئۊغلوە، ئاماژەش پانەیە کەرڎ، دژوو ئا دەسبەسەرکەرڎەی و گێرتەی و سیخوڕێتییەو ئی دماییە کە زیادش کەرڎەن، پارتەکەشا وەراوەروو دەسەڵاتی کۊشیۊ پەی ئازاڎی بەرڎەوام.
هامقسەکەرەو مەجلیسوو گەنجانی پارتی یەکسانی و دیموکراسیی گەلان (هەدەپ)، ئیدا ئیبراهیمئۊغلووە، دەربارەو ئا دەسبەسەرکەرڎەی و گێرتەی و سەپنای سیخوڕێتییەو ئی دماییا کە زیادشا کەرڎەن، هەرپاسە گێرتەی ئەندامەکەیشا، مەزڵوم کایا جە ٢٣ۍ تشرینوو یوەمینە مێرسیننە، بارەگاو ڕێکوستەی شاروو ئیستەنبوڵینە کۊنفرانسی ڕۊنامەوانییش بەست.
ئیدا، گێرتەی مەزڵوم کایایش پێسە درێژەدای بە سیاسەتوو فشارکەرڎەی نرخنا، ئاماژەش پانەیە کەرڎ، کایا وەڵۍ ئڕفانایشنە ڕووبەڕوو هەڕەشا و تندوتیژی بییەنۊ، هەڕەشێشا وەنە کەرڎەن ئەگەر سیخوڕێتی قبووڵ نەکەرۊ، مداش دەسوو داعشیوە.
واتش: " ئێمە پێسە دەسەڵاتی گەنجۍ مەڕفانمۍ و هەڕەشێشا وەنە مەکەرمۍ، ئێمە پێسە ئانیشا نیەنمۍ، کە سەرۊ ئەندامۍ پۊلیسینۍ و چێرۊ پەیوەندییشا چەنی داعشی هەن. ئێمە دژوو ئاهەرمانا کۊشیەیمۍ و ئینایمۍ هەڵوێستێوە دژبەرنە. ئێمە بەڕۊشنی ماچمێش، هامڕامان مەزڵوم یەک هەنگام جە سیاسەتی دیموکراتیکی پاشەکشێش نەکەرڎێنە، شکسش بە دەسەڵاتی ئارڎەن پەوکای گێرتەنشا. دەسەڵات جارێوە تەر نیشانەش دا چندە وەنەو گەنجا تەرسۊ".
ئاخرۊ ئەوەخوایش کەرڎۊ، دەسەڵات هەر ڕێوە گێرۊرە وەر، کۊشیای گەنجا پەی ئازاڎی بەرڎەوام بۊ و وەراوەروو ئی هجووماوە مرڎا.
