مەخەدەشە ئەرەیاوناش، هجووموو سەروو فەرمانداراما پیر چەکۊ، ئاگر جەفری و شێرزاد شەمۊ بەشێوەنۍ جە هجووموو ٣ۍ ئازاروو ٢٠١٧. نە پەدەکە و نە دەوڵەتوو تورکی مەتاوا بە پلانەی قێزەونەو وێشا ئیراڎەو گلیرگەی ماڕا."
ئەنجوومەنوو وێڕاوەبەریی دیموکراتیکوو شەنگالی (مەخەدەشە) ساڵیاڎوو هجووموو ٣ۍ ئازاروو ٢٠١٧ینە ئەرەیاونایێش وەڵا کەرڎۊ. ئەنجوومەنەکە ئەرەیاوناش، کە ئاڎۍ بەتەئکیدی سەروو خاکەکەیشا وێڕاوەبەری وزا ڕا.
مەخەشەدە ماچۊ، " جە ٣ۍ ئازاروو ٢٠١٧ینە بە پلانێوە هامبەشەو میتی و پەدەکەی بە ئامانجوو دلینەبەرڎەی سیستموو نەتەوەی دیموکراتوو شەنگالی، کە هجوومۍ تەرسنوکانەنە و بە گرڎ نۊعە چەکۍ، بە نامۍ پێشمەرگەکاو "ڕۊژ"ی پەی سەروو گەلوو خانەسووری دەسش پەنە کەرد.
جە هجووموو ٣ۍ ئازاروو ٢٠١٧ینە، پەدەکە دوژمنایەتیی وێش جارێوە تەر پەی گلێرگەکەیما نیشانە دا. گەل و هێزەکاو پارێزنایما هەرمانە و وەرپەرسبییەی وێشا دژوو هجوومەکەی نیشانە دا و ١٠ جەنگوانۍ، گەریلۍ و ڕۊڵاو گلێرگەکەیما گەشمەرڎۍ بیۍ، بە ونە وێشا ڕاشا جە هجوومەکەی گێرتە.
ئێمە بە نامۍ ئەنجوومەنوو وێڕاوەبەریی شەنگالی، جە کەسایەتیی گەشمەرڎاو مدرامانوو خانەسوورینە، یاڎوو گرڎوو گەشمەرڎاما کەرمێوە و بە ڕێزۊ سەرەو پەنەزانای پەی بنەیانەو گەشمەرڎا نامنمێرە.
گەشمەرڎاو خانەسووری، جەسەو وێشا کەرد بە قەڵغان پەی ژیوای ئازاڎوو گلێرگەکەیشا، کە دلۍ هەرمانۍ و ئەمرێنە بێنۍ. چی ڕاسیی ئی هجوومی ئاشکرا نەبۊ، ڕۊنامەنویسێشا کەرڎۍ ئامانج و ڕۊنامەنویسە "نووژیان ئەرهانە"ش کەرڎە ئامانج. وەلۍ ڕۊڵەکێما کە ویشا جە بووڵەو فەرماندەکەیشا وەشکەرڎەن، سەروو ڕاو گەشمەرڎە "نووژیان"ۍ وێشا پەروەرڎە کەرد و هەرمانەو وێشا و ڕاسیی شەنگالیشا فراوانتەر کەرد.
پێسە زانیۊ، ئانە بۊ سەبەبوو فەرمانەو ٣ۍ ئابی پەدەکە بۍ. پەدەکە چا ڕوەۊن سیستموو دیموکراتیی شەنگالی وەش بییەن و تا تا ئیساتۍ، بەبۍ مردای پلانە سەروو پلانۍ دژوو گلێرگەکەیما مجیۊرە و گەرەکشانە دەس ملوو شەنگالیرە گێرا.
چەنی ئا وەختە گەرەکشا بۍ خانەسووری گێرا، ئارۊ هەمان پلانی سەروو شەنگالی ڕاوە بەرا. بە ئامانجگێرتەی پیر چەکۊی، ئاگر جەفری و شێرزاڎ شەمۊی، بەشێوەن جە هجووموو ٣ۍ ئازاروو ٢٠١٧."
مەخەشەدە بەشێوە تەروو ئەرەیاوناکەینە چڕیش ئۊوخەڵکی، کە نەگنا دلی تەڵەو دوژمناو ئەرەگیرا و خیانەتوو پەدەکەی. پێویسا گەلەکەما بە گێڵایۊ پەی سەروو خاکەکەیش جوابوو گردوو پلان و هجووموو ئەرەگیرا بڎۊوە.
ئێساتۍ گەلەکەما خانەسوورنە، ئا گەلەما کە کۊچبەر بییەن، گێرتەنش باوشی و بە سیستموو نەتەوەی دیموکراتی وێش بەرۊ ڕاوە، گەلەکەما بییەن داراو سیستموو وێڕاوەبەری و پارێزنای.
پەوکای نە دەوڵەتوو تورکی و نە پەدەکە مەتاوا بە پلانە قێزەونەکاشا ئیراڎەو گلێرگەکەیما ماڕا. هەر یەسێوە جە خاکوو شەنگالی ونەو قارەمانێوەش چەنە مجیێنە. ئێمە دەس چی دۊزوو گەشمەرداو شەنگالی وێڕاوەبەری و ئازاڎی وەر مەڎەیمۍ."
س.ز
