یۊبییەی گەنجاو مەنبەجی و مەجلیسوو دەگایەکاو شارۊچکەو ئەبو قەلقەلی، دژوو هجوومەکاو دەوڵەتی ئەرەگیروو تورکی پەی سەروو هەرێمەکاو سەرنیشت و وەرکەوتوو سوریای ڕاشا پیما.

چالاکییەکەنە، ئەندامەو یۊبییەی ژەنە گەنجا، ئەمینە بەرکەلە، باسوو تاوانەکاو دژ بە ئینسانیەتوو دەوڵەتی ئەرەگیروو تورکییش کەرڎە، دلێنە و بەروو تورکیایۊ.

هەرپاسە ئاماژەش کەرد بە کۊشیایشا دژوو سیاسەت و کرڎەوەکاو دەوڵەتوو تورکی، واتش، ئی قۊناغە پێویسش بە خەبات و هەوڵدای و کۊشیاین سەروو ڕاو بێریتانۍ و زیلانۍ و مدرامانوو گەریلای کەشەکاو کوردستانینە.

هامسەرۊکەو مەجلیسوو خەتەو ئەبوقەلقەلی، هاجەر عەلییە، واتش: "با تارێخ شایەت بۊ، ئێمە ساعیبوو ئی خاکەینمۍ و هجوومەکاو دەوڵەتی ئەرەگیروو تورکی مەتەرسنۊما".

هاجەرە واتش: "دەوڵەتی ئەرەگیروو تورکی ٢٥ ساڵێن گۊشەگیریێوە تندش سەروو ڕابەر عەبدوڵڵا ئۊجالانیوە سەپنان. تورکیا پێسە مامەڵە چەنی ئا کەسا کەرۊ، ئاواتەوازۍ ئازادی و ماڕای کۊتوبەندوو ستەمکارینێ".

ڕاپیماکەی بە درووشموو سڵامکەرڎەی جە مدرامانوو گەلوو سەرنیشت و وەرکەوتوو سوریای دماییش ئاما.