گەلوو کوردی جە مۆسکۆنە بەدڵوەشیۆ تەماشە و پەیامە ڤیدیۆییەکەو ڕابەر ئاپۆیشا کەرد، واتشا: "تا کۆتایی پشتگیری چا پرۆسەیە مکەرمێ کە ڕابەرما دەسش پنە کەردەن. ئیتر گەرەکمانە ڕابەرما بەشێوەو جەسەی ئازاد بۆنە".
جە مۆسکۆ پایتەختو ڕوسیاینە، گەلوو کوردی بە جۆشوخرۆشۆ گۆشا جە پەیامە ڤیدیۆییەکەو ڕابەر ئاپۆی گێرت و هەستو وێشا بەربڕی.
ئەڏێوە بە نامێ تارێ قادرێ واتش: " سەرەتا سڵام و وەشەویسی پەی ڕابەر ئاپۆی گیانو. کە دیمەنو ڕابەر ئاپۆیم وینا سەرەتا بڕوام پنە نەکەرد. دما و ئانەی کە گۆشم جە دەنگو ڕابەر ئاپۆی بێ، دەنگو ئاری بێ. جۆشوخرۆشێ گێرتانی نەزانێنا چێش بکەرو. وەشینە گرەوانی، دڵم بی بە دووێ بەشێ و لێوە خەمێوە گۆرەم ئەزموون کەرد. چونکە ٢٦ ساڵێ بێ دەنگو ڕابەریما، سەرۆکو گەلوو کوردی نەشنییەبێ".
'تا کۆتایی پشتگیری چا پرۆسەیە مکەرمێ کە ڕابەر ئاپۆ دەسش پنە کەردەن'
جەختش کەردح، بییەیما سەریە و ڕابەر ئاپۆیۆ بیینە، واتش: "پێسە و ژەنێ و ئەڏێوە کوردی ماچو، ڕابەر ئاپۆ بییە و ناسنامەو ئێمەن. تا کۆتایی پشتگیری چا پرۆسەیە مکەرمی کە ڕابەر ئاپۆ دەسش پنەکەردەن. ڕەنگە بەربەس بارا وەڵێ، بەڵام خەباتو ڕابەر ئاپۆی سەد جە سەد سەرگنۆ".
جەکۆتاینە واتش: "گرڏ و تەمەنیمەنە هیوام بییەن ڕابەر ئاپۆی وینو. ئێسەش گەرەکما دەرفەت بۆنە بلونە لاو ڕابەر ئاپۆی و ڕابەرەکەیم وینو".
'ئیتر مشۆم دۆڵەتیش هەنگامە بنیۆ'
وڵاتپارێزێوە بە نامێ سوبحی عەلۆ ئەرەیاوناش بە وینا و شنەویە و دەنگو ڕابەر ئاپۆی دڵوەش بیانی، واتش: "بەڵام تەنها دیمەن وەسێ نییا. پەنەوازا بەجەسەی ڕابەر ئاپۆی دلێ وێما و گەلەکەیما وینمێ". جەختش کەردۆ، گرڏما بە دڵ و گیان ئینایمێ چنی ڕابەر ئاپۆی.
عەلۆ سەرنجش وست سەر و مەراسیمو سۆچناو چەکەکا جەلایەنو گەریلایۆ و واتش: "ئەرکو وێشا جابەجێ کەرد. ئیسە پەنەوازا دۆڵەتو تورکی هەنگامە بنیۆ. چن ساڵێن جەنگ هەن، با دۆڵەتو تورکیش هەنگامە بنیۆ و ئاشتی و یەکسانی بی دی".
'گەرەکمانە بەشێوەو جەسەیی ڕابەرەکەیما دلێ وێمانە وینمێ'
وڵاتپارێزە و کوردی ئەڏا ئەڵماستا سڵامو وێش پەی ڕابەر ئاپۆی گیانا، واتش: "دما و ٢٦ ساڵا گۆشما جە قسێ ڕابەر ئاپۆی بییە. ئینە هەنگامێوە تاریخییەنە. بەڵام پەنەوازا بەشێوە جەسەیی ڕابەریما دلێ وێمانە وینمێ. پەنەوازا بەشێوەو جەسەی ئازاد بۆنە".
جەمشید جەختش کەردۆ ئاشتی بە تاک لایەنە وەش بۆنە، واتش: "سۆچناو چەکی واتا ئێمە جەگما گەرەک نییا، ئاشتی و یەکسانیما گەرەکا. پۆکەی پەنەوازا دۆڵەتو تورکیش هەنگامە بنیۆ. ئاشتی بە تاک لایەنە مەبۆ".
دماتەر، مارینا خەلیلە دڵوەشی وێش بەربڕی، واتش: "دما و چنین ساڵا دەنگو ڕابەر ئاپۆیما شنی. بەڵام گەرەکمانە ڕابەر ئاپۆی بەشێوەو جەسەی دلێ وێما گەلەکەیمانە وینمێ".
