دمابەدمای ئانەی ڕژێمو تورکیای بانگەشەش کەرد: ئەۋەتەقایەکە جادەو ئستقلالی جە ناوچەو بەیئۆغلوی سەر بە شارو ئەستنبوڵ-ی ژەنێۋۍ سەر بە پەکەکەی ئەنجامدان کە جە وەرنیشتو کوردستانی پەروەردەکریێنە و جە عەفرینەوە دەربازەو تورکیاێکی و ئەستەنبوڵی بیێنە، مەزڵوم عەبدی فەرماندەو هێزەکانو سوریای دیمۆکراتیکی (قەسەدە)، جە جرێوێۋەنە (توێتێۋەنە) ئاشکراش کەرد: ئێمە هیچ پەیوەندیێومان بە ئەۋەتەقایەکەو ئەستەنبۆڵ-یەوە نییەن. سەرجەم ئا تۆمەتانە ڕەتۍ مکەرمێنەوە کە پەی هێزەکانمان هۆربەسیێنۍ..

فەرماندە عەبدی: سەرەوەشیش جە گەلان و تورکیای و بنەماڵەکانو ئاکەسانە کەردەن کە جە کەردەکەنە گیانشان سپاردەن و پەی بریندارەکان هیواو تەندروستی و زوو خاس بییەیش وازان.

هیزی یەکشەممە، جە جادەو ئستقلال-و ناوچەو بەیئۆغلوی سەر بە شارو ئەستنبوڵ-ی، جە ئەۋەتەقایوەنە ٦ کەسۍ کوشیێ بێنۍ و زیاتەر جە ٨٠ کەسان بریندارێ بیێ بێنۍ. شۆنیشەرە سەرانو ڕژێمو تورکی پەنجۍ تۆمەتیشان پەی کوردی و جمیەرە ئازادیۋازەکەیش درێژۍ کەردۍ. ئانەیچە کارۋەدایش شۆنییەرە ئاومۍ و فرە کەسۍ کەردەکەشان بە سیناریۆ ڕژێمی بەنامۍ کەرد و هەر زوو ڕێکۋزیایەکۍ جمیەرو ئازادی کوردی تۆمەتەکێشان ڕەتۍ کەردێوە.