نێرگز محەمەدیە زیندانییەی سیاسییە و براوۍ خەڵاتو نۆبڵو ئاشتی نامێوەش ئاراسەو ئەنداما و ئەنجومەنو کۆبیەیۆ جەمەو گرڎیی نەتەوە یۆگێرتەکا جە نیویۆرکەنە کەرد و داواش کەرڎە جە ۋەرا ۋەرو فشاری و پاشێلکاریەکا مافو مرۆڤینە جە ۋەرا ۋەرو ئێرانینە هەنگامە بنیۆ.
چالاکەو مافەکا مرۆڤی و ژەنە زیندانیەی سیاسیە نیرگز محەمەدیە پېوەس بە پاشێلکارییەکا مافەکا مرۆڤی جە ئێرانەنە نامێوەش ئاڕاسەو دەسەو گرڎیی نەتەوەیۆگێرتەکا کەرد.
نێرگز محەمەدیە جە نامەکەشەنە باسش چانەیە کەرڎەن، داوا جە ئەنداما جەمەو گرڎیی نەتەوە یۆگێرتەکا مکەرمۍ بەدیئارڎەی دیموکراسی و ئاشتی جە ۋەرکۊتوو مېیامینی و جە ئێرانەنە، شەرتەی وەڵۍ وەختە بۆ پەی هەر جۆرە ئەرەنیشتێوە.
ماچۆ، مشۆم نەتەوە یۆگێرتەکۍ هەنگامێوە دەموودەسیە و یەکلاکەرەوۍ بگێرۆنە ۋەر پەی مردنای ئا جە قەنارەدایە ۋەرفراوانی و دڕندانەو زیڼانیا و هەرپاسە ئازاڎکەردەی گرڎو زیڼانیا سیاسی – ئایینی، مردنای سەرکوتکەردەی سیستماتیک و ئامانجدارانەو ژەنا ئێرانی و تاوانبارکەردەی ئاپارتایدی جێندەری، هەرپاسە مردنای سەرکوتکەردەی ئەرەمەرزیا مەدەنییە سەربەخۆکا.
دەقو نامەکەو محەمەدیۍ پی جۆرەنە:
"بەڕێز گۆتێرێس سکرتێرو گرڎینو نەتەوە یۆگێرتەکا
بەڕێز ئەنداماو جەمەو گرڎی نەتەوە یۆگێرتەکا
دووۍ ساڵۍ سەرو ئەرەپڕای شۆڕشگێڵنانەو "ژەنی، ژیۋای، ئازاڎی"رە موییەرۆ کە ژڵېوێوە بۍ کە گرڎو ئێرانیش گێرتەنۆ. ئی ژڵێوە دیموکراتیکە، داواکارییەکاش مکەرۆ بە دروشمەو ژەنی و ژیۋای و ئازاڎی و هاوار پەی دیموکراسی و یەکسانی مکەرۆ.
باجو ئی ئەرەپڕا بە کۆمەڵ و هامپەشتیەو گەلی، هامشێوەو ئەرەپڕای و ژڵێوە کۆمەڵایەتییەکا وەڵتەری، سەرکوتکەردەی دڕندانەو گەلی بۍ، کە بەردەواما.
جەهان شایەتو کوشتەی و جە قەنارەدای و زیڼانیکەردەی و سەرکوتکەردەی تنوتیژی دڕندانەو ژەنان جە جاڎەو گێرتەخانەکانە، چی ڕووانە ناڕەحەتۍ و نیگەرانێنمۍ و شایەتۍ بەرشیەو سزاو جە قەنارەداینمۍ سەرو ژەنە چالاکارە “پەخشان عەزیزیۍ و شەریفە محەمەدیۍ”.
نوێنەرا وەشەسیای
نوێنەرا ئی ڕژێمەیە جە گلێرۆبیەو جەمەو گرڎی نەتەوە یۆگێرتەکانە دلۍ شمەنە مەبا. داواتا ۋنە مکەرو دیموکراسی و ئاشتی جە ۋەرکۆتوو مېیامینی و جە ئێرانەنە بە جددی و چالاکانە و نەک تەنیا بە قسۍ و ئیرۆنی، مافو مرۆڤی بکەردۍ بە شەرتەی وەڵێوەختە پەی هەر جۆرە ئەرەنیشتێوە جە هەر ئاستێوەنە و پەی:
١- مردنای جە قەنارەدای ۋەر وەڵا و دڕندانەو زیڼانیا بێ یانەو مەنزڵی.
٢-ئازادی گرڎو زیڼانیا سیاسی و ئایینی.
٣- مردنای سەرکوتکەردەی سیستماتیک و ئامانجدارانەو ژەنا ئێرانی و تاوانبارکەردەی ئاپارتایدی جێندەری.
٤- مردنای سەرکوتکەردەی ئەرەمەرزیا مەدەنییە سەربەخۆکا ڕاوجای دەموودەس و یەکلایکەرەوە بگێردێنە ۋەر."
