پارێزنەرەکۍ بە مەبەسوو لوۋای پۍ ئیمراڵی داواکاریشا وست ڕووە
پارێزنەرەکۍ ڕابەروو گەلوو کورڎی عەبدوڵا ئۆجالانی کە ماوەو یەرۍ ساڵان نەتاوانشا زانیاری سەروو موەکیلەکەیشا هۊرگېرا، داواکاریېوە تازەشا وست ڕووە.
پارێزنەرا فەرمانگەو یاسایی سەڎەی، ڕێزان ساریجا، ڕازییە ئۆزتورکە، فایق ئۆزگور ئەرۆڵ و مەزڵوم دینچ، بەمەبەسوو دیەی موکیلەکاشا جە ئیمراڵی، ڕابەروو گەلوو کوردی عەبدوڵا ئۆجالانی، عومەر خەیری کۆنار، حامیلی یەڵدرم و وەیسی ئاکتاشی، داواکارییشا پێشکەش بە سەرۆکوو داواکاری گرڎینوو بورسای و ئیدارەو زینڎانی ئیمراڵی کەرڎ.
جە ٢٥و ئاداروو ٢٠٢١یوە بە حیچ جۊرۍ زانیاری جە ڕابەروو گەلوو کوردی عەبدوڵا ئۆجالانیۊ هۊرنەگیریان.
پارێزنەرەکۍ پۍ ئانەی بتاوا ئۆجالانی ۋینا حەفتۍ دووۍ جارۍ داواکاری پێشکەش کەرا ، بەڵام جواب هۊرمەگېراوە. جە ماوەو ١٢ ساڵانە پارێزنەرەکۍ تەنیا ٥ جارۍ تاوانشا چنی ڕابەروو گەلوو کوردی عەبدوڵا ئۆجالانی دیڎار ئەنجام بڎا. دمایین دیڎار چوار ساڵۍ چېوەڵتەر جە ٧و ئابوو ٢٠١٩ ی ئەنجامدریان.
