ئەرەیاونایەکەو دەسەو ڕاوەبەریی پاژکی ئینەن:  

"مانگەو تشرینوو یوەمی  پێسە  ماوە و سەرڎەمێوە، کە خەتەو قارەمانێتیی جمیەروو ئازادیما خوڵقییان و دژوو خیانەتی، پیلانگێڵنی ڕا وەرڎەموو هۊشیاربیەیوەی گەورەو ژەنا کریاوە، جەنگاوەری و فەرماندەیی ئازایانەو سوپابیەیی ژەنا و هەڵوێستی شۊڕشگێڵنی خوڵقیا، یاگۍ وێش هۊش و مەژگوو گلێرگەی کوردینە کەردۊ.

جە کەسایەتیی هامڕایاما بێریتان (گوڵناز کاراتاش)ۍ، زەینەب (غوربەتلی ئەرسۊز)ۍ، مریەم (مریەم هازار چۊلاک)ۍ، زنارین (سەلما دۊغان)ۍ، جاندا (سەنەم سەرتاپ گۊلگە)ۍ، هێلین چەرکەز (نەرمین ئاککوش)ۍ، ڕۊناهی (ئاندریا وۊڵف)ۍ، بەرماڵ (گولەر ئۊتاچ)ۍ، رەوشەن (لەیلا کاپڵان)ۍ، ڕۊژبین عەرەب، سەلامەت مەنتاشۍ، ئاینور ئارتانۍ، ڕۊژین گەودایۍ، ئارین میرکاندێنە، کە دژوو پیلانگێڵنی، خیانەتی و ئەرەگیری بە مدرامانی شکۊمەندانە ڕاو وەرڎەموو شۊڕشوو ژەناشا ڕۊشنە کەردۊ، گردوو گەشمەرڎاو شۊڕشی بە ڕێز و پەنەزانایۊ یاد کەرمێوە و ئەرەیاونمێش، کە ئێمە ئامانجەکاو ئازادی بە شۊڕشوو ژەناوە تاجدار کەرمۍ. هامڕێما کە دژوو پیلانگێڵنیی وەراوەروو ڕابەر ئاپۊی بە دروشموو 'شمە مەتاودۍ ڕۊو ئێمە تاریک کەرڎێ' بیەیدۍ گیانبازۍ، بە ڕێزۊ یادشا کەرمێوە.  ئا ڕۊحە کەوەراوەروو پیلانگێڵنی و خیانەتیوە کۊشیایما کەرد، پیلانگێڵی و سیستموو ئەشکەنجەو ئیمراڵییش ملوو یۊیرە ورشانۊوە.  

ئیرادەو بەبێریتانبییەی سوپای گەورۍ ژەناش خولقنا

هاموەخت مانگەو تشرینوو یوەمی ئا مانگێنە، کە ئێمە دلێشنە ساڵیادوو سوپابییەی ژەنا مەبارەک کەرمۍ، هامڕاما بێریتانە جە ٢٥وو تشرینوو یوەموو ١٩٩٢ خەتەو جەنگی و مدرامانوو ژەناش نیشانە دا، وێش نەدا دەسوو نۊکەرایەتیوە و بییە ڕەمزەو و یادەوەریی بە سوپابییەی ژەنا، پەی یادوو هامڕێما بێریتانۍ ساڵەو ١٩٩٣ێنە ئەرەیاونییا. ئیرادەو بەبێریتانبییەی سوپێوە گەورۍ گەریلاو ژەنێش خولقنا. هامڕێما کە بە جەنگ پەی ئازادی ناوازۍ و جوانە بێنۍ، میراتێوە گەورەشا پەی جیا ئاستیمۍ. ٣١ەمین ساڵیادوو سوپابییەی ژەنۍ جە ژەنا، گەلەکەیما و گردوو هامڕایاما، کە ئینۍ بەرەکاو جەنگینە وەنەپەرسایۊی تارێخی کەرا، مەبارەک کەرمۍ.  

ئا هۊشیارییە ئازادییەو ژەنۍ، کە ڕابەر ئاپۊی خولقنا، جە ڕاو ڕاسیی ژیوای و مدرامانوو بێریتانەکاوە بەرجەستە بی. جەنگوو ژەنۍ بەبێریتانبیۍ، بی بە سەرچەمەی سەرەکیی سوپابییەی ژەنا و شۊڕشوو ژەنا. سەرچەمێوە کە مدرامانەکەش پێسە ئاویری سۊچنەر، پیسە کەشی و تاشەتەوەنەکا تیژ، ڕاش وەرڎەموو هۊشیاریی بێهامتاو ژەنانە، بە سوپابییەی، ڕێکوستەی و بەپارتیبییەی ژەنانە کەردۊ. ژەناو کوردیش فارۍ پەی هێزی بنچینەیی سەرمەشقبییەی شۊڕش و ئازادیی کۊمەڵایەتی. پەوکای ڕاسیی بێریتانۍ مدرانێوە ئاسایی نییا، فەلسەفێوەن، پیمانێوە ژیواین. پیمانەو ژیوای ئازادین، تاکە خەتەو مدرامانوو ژەنێن. ڕاویارۍ و شۊنکەوتۍ فەرماندەی گەورە هامرا بێریتانۍ، ئارۊ بە هەمان بڕوا و قەرارۊ دژوو ئەرەگیرا، خیانەت، مەژگوو پیاسالاری و هێزە پیلانگێڵنەکا ئینۍ دلۍ کۊشیاێوە بێوچانینە. پەوکای ئیرادەی کۊمەڵایەتی، کە سەرە وەرڎەموو هجوومەکانە مەکۊمنۊرە، بەرهەموو ژەنەو کوردین، کە پەی ئازادیی بیێنە گیانبازە.

هامپەیمانیی چەپەڵوو دەوڵەتوو تورکی و پەدەکەی، کە ساڵەو ١٩٩٢ دژوو جمیەروو ئازادیی کوردستانی وەش کریا، تا ئیساتێچ ئیدامەش هەن و پیلانگێڵنی ٩و تشرینوو یوەمی سەروو ئا ڕاسییە وەش بییەن. هامکارییەکاو ئیساتۍ دەوڵەتوو تورکی و پەدەکەی، درێژەپەنەدەرۍ پیلانگێڵنینۍ پەی ناستەی جمیەروو ئازادیی کوردستانی. ئا هامپەیمانییە گڵیاوە ١٩٩٢ دەسش پەنە کەرد. ئارۊیچ  سەرنیشت، پانیشت، وەرنیشت، شەنگال و مەخمورنە بە وەرفراوانی بەرڎەواما.

ڕاسی و خەتەو مدرامانوو فەرماندۍ گەورۍ بێریتانۍ ئارۊ  ئاستی تارێخیینە گرنگا. وەراوەروو ئەقڵیەتی باڵادەسوو پیاینە و خیانەتکاری، هەڵوێستوو بێریتانی جە وەڵۍ ڕەواتەرا. خەتەو بێریتانی کوردستاننە بەکۊمەڵایەتی کەرمۍ و خیانەتەکەو پەدەکەی و کۊکوشیی دەوڵەتی فاشیستی تورکی ورشانمێوە.  شۊڕشوو ژەنا جە سەرڎەموو ژەناێوە بە وێبەختانە کۊشیا پەی ئازادی، یاوناش بە سەرکەوتەی.

جەنگوو یەرەموو جیهانی  زوو تەشەنە کەرۊ، تندوتیژی پیای-دەوڵەتی سەروو گردوو گلێرگەینە سەپنۊ، ئەقڵییەتوو دەسەڵاتداریی پیای بە جەنگی پاوانوازی سەروو بنەماو ڕەگەزپەرسی، نەتەوەپەرسی، دینی، دلێنەبەرڎەی گلێرگەین. ئینەیچ بەڕۊشنتەرین شێوە جە وەرکەوتوو دلێڕاسەی و کوردستاننە موینییۊ گردوو ئا جەنگا ملوو ژەنا و گلێرگەیرە سەپیێنۍ، مەتاویۊ پێسە 'جەنگوو ئازادی' نیشانە دریا.جەنگوو بەینوو هەژموونوازی و سەرمایەداری، بەرژوەندیپارێزنی، ئاینی و دماکەوتەکا هەرێمەکەی، کە تورکیا و ئێران پاڵپەشتییشا  کەرا، جەنگوو بەرژوەندیییەکان کە هیچ قازانجێش پەی بەرژەوەندیی ژەنا و گەلا نییا.

گەرەکشانە کۊشیای گەلا بە سەرمەشقیی ژەنا وەرکەوتوو دلێڕاسەینە بەرەو شۊڕشی دیموکراتیک خنیکنا.جیای میراتوو مدرامانی و خەتەو ئازادی کە پەشتی بە سەرمەشقبییەی شۊڕشگێڵنانە بەسۊ، گەرەکشانە نەتەوەپەرسی، دەوڵەت، ناسیۊنالیزم و ئایین و خەتەو ڕەگەزپەرستی زاڵە بۊ سەروو گلێرگەیرە. گەرەکشانە گەل و ژەنی بە  فشار و بەر تندوتیژی دلێنە بەرا. پەوکای مشۊم  ئێمەی ژنان ڕێکوزۍ و کۊشیۍ بیمۍ بکەین. ئێمە دەسەڵاتوو چەتەکاو ئەردۊغان-داعش-هودا پاری و هجوومە فاشیستییەکاو نەتانیاهۊی و هجوومە دماکەوتە ئایینیەکاو حەماسی شەرمەزار کەرمۍ. داوا وەنەو گردوو ژەنا و گەلا کەرمۍ کە هەڵوێستشا بۊ و دژوو ئی جەنگە وێرانکەرەیە و بێئەخلاقییەی کە گرد لێوە زیهنیەتوو پیایان مردمێوە، بە زیهنیەت و هێزوو ژەناوە گنمۍ هەوڵدای و ئا پیلانگێڵنییە کە سەروو گلێرگەیرە سەپییان کۊشیەیمۍ و ماڕمێش.