کۆمیتەو کلتووری و هونەری پەکەکەی جە کەسێتی جومعە خەلیل ئیبراهیمی (تاتەو تەیار)ینە گرڏو گەشمەرڏا مڏرامانو تشرینی و سردەو قەرەقۆزاقی بە ڕێزۆ یاڏکەردۆ و واتش: "مڏرامان و، فیداکاری و ئی هەڤاڵەیما کە بەهێز و شکۆوە بەرشا وست حەجگیز جە ویر مەکریا".

کۆمیتەو کلتووری و هونەری پەکەکەی سەرو گەشمەرڏەبییەو هونەرمەند تاتەو تەیاری جە ئەنجامو ‌هرووژمو دۆڵەتو تورکینە ئەرەیاونێوە نویسراش وەڵا کەردۆ.

ئەرەیاوناکەو کۆمیتەی بی جۆرە بێ: "جە مڏرامانو ٥٠ ساڵەو شۆڕشو ئازادی کوردەسانینە چنین مڏرامانێ بێهامتێ پێشکەش کریێنێ. دماین شەپۆلەو قارەمانێتی ئی مڏرامانەیە کە هەر ساتێوەش پەی وێش قارەمانێتییێوەن، جە تشرین و قەرەقۆزاقەنە تاریخێوە تازە منویسمێوە."

'کۆمکووژییەکاتا جە یاڏمەکەرمێ، بەردەواما'

دەوڵەتو تورکی ئەرەگیری، قڕکەری و فاشیستی پێسەو ئانەی ئیسە مکەرۆش بە هەزاران جارێ جە وەراوەرو ئی مڏرامانە گۆرەو گەلانە، بەبێ جیاوازی ژەنێ، زاڕۆڵێ، جوانێ و پیرێ، کۆمکووژی مکەرۆ جە گلێرگەو تاریخو کوردسانییەنە حەجگز جە یاڏ مەکریۆو، بەردەواما.

مەدەنییەکا بۆمب واران مکەرۆنە و، ڕۆنامەنوسا و، ڕۆشنویرا و هونەرمەندا بە ئەنقسە بە ئامانج گێرۆنە و گەشمەردێشا مکەرۆنە. بە هرووژمەکا ئی دماییە تاوانەکێش جە دژو مرۆڤایەتی زیاتەر کەردێنێ. ئی هرووژمو قڕکەردەیە جە کاتێنە کریۆنە کە هەوڵو دیداری چنی ڕابەر ئاپۆی دریۆنە و گرڏ ڕوێ باسو 'ئاشتیی و واڵەو-برایەتی' کریۆنە.

ژیوایش بەخشا بە گەلەکەی

چی دمایانە جە وەراوەرو گەلو سەرنیشتوو و وەرکەوتوو سووریاینە کە جە بەنداو تشرینینە ئێشکگیری گێرانە، بیێنمێ بە گەواهیدەرو گەشمەردەبییەو چنین مەدەنیێ و زامڏارێ. داخەم مەشۆ کە زاناما هونەرمەندو قارەمانو گەلەکەیما جومعە خەلیل ئیبراهیم کە دلێ گەلینە بە تاتەو تەیاری ئشناسیابێ، گەشمەردە بییەن. سەروەشی جە بنەیانە بەڕێزەکەیشا و گرڏو گەلو  کوردستانی مکەرمی. بە کارە هونەرییەکاش جە دڵ و دەروونو گەلینە یاگێش گێرتە. هەر پۆکەی جە شۆڕشو ئازادی کوردەسانینە گرڏو ژیواو وێش پەی خەباتو کلتووری و هونەری تەرخان کەردەن و پەی ئینەیش خەباتێوە بێ هامتێش ئەنجامدێنێ. بە هەڵوێسو وێش نیشانەشدا وڵاتپارێزێوە ڕاستەقینەن.

قەرارەکەو ئاڏێ حەجگیز جە یاڏ مەکەرمێ

هەمڕای ئێژاما هونەرمەند جومعە خەلیل ئیبراهیم، هەمڕاو دەیان گەشمەردا جە بوارو کلتووری و هونەری، شۆنکەوتەو هونەرمەندا گۆرەی شۆڕشو ئازادی کوردەسانی هۆزان سەفکان و هۆزان مزگینان و بە تایبەت شوێنکەوتەو هیوای شانۆگەر و یەکتا. جەنگاوەرا ئازادی کوردەسانی و گرڏو گەلو کوردەسانی ئی مڏرامانە گۆرە و بەهادارەو هەڤاڵو هونەرمەنداما جە یاڏمەکەرمێ. پەیوەس بینەی جە کەسێتی جومعە خەلیل ئیبراهیمنە گرڏو گەشمەرڏا تشرینی و قەرەقۆزاقی بە ڕێزۆ یاڏمکەرمێوە و قەولمرەیمێ سەرو ڕاو ئاڏیشا بەردەوامێ بیمێ و ئەوەکۆشای ئاڏشا بە سەرکەوتەی تاجدار کەرمێنە.

جابەجێ کەردەو ئەرک و وەرپرسیارەتی

بانگەواز جە گەلو کوردی جە هەر چوارپارچەو کوردەسانی و  بە تایبەت گەلو وەرنیشتوو و سەرنیشتوو و وەرکەوتوو سووریای و ئانێ کە چبەرو وڵاتینە مژیوا مکەرمێ جە دژو کۆمکووژی جە گرڏ کاتێ زیاتەر دەنگو وێشا بەرز کەراوەو، مچیا مەیەنەکا و مڏرامنشا  وەرفراوان کەرانە.

با دەنگو وێشا یاونا ڕاو گرڏی جەهانی و باریشا واچانە، مشۆم جە دژو ئی هرووژما فاشیزمی و کۆمەڵکووژیا هەڵوێس هۆرگیرمێنە. وەرو ئانەی کە تەنیا بە ئەرەیاونای گەلو کوردی مەپارێزیۆنە و پەنەوازا مڏرامانما زیاتەر کەرمێنە جە گرڏی گرنگتەر بانگەواز جە گرڏ کەسی مکەرمێنە کە بە وێشا ماچانە ڕۆشنویر، ئەکادیمیست و هونەرمەند و گرڏو ئەرەمەرزییەکا جە دژو ئی هرووژمانە ناڕەزایەتی بە هێز نیشانە دانە و وەرپرسیارەتی مڏرامانی جە ئەستۆ گێرانە."