عەبدوڵا ئاکسو کە لە زیندانی ژمارە ٣ـی جۆری Tـی ڕادەگیرا، پاش ٣١ ساڵ ئازادکرا. ئاکسو لەلایەن بنەماڵەکەی و بەڕێوەبەرانی کۆمەڵەی پشتیوانی بنەماڵەی زیندانیان و حکومدراوانی ئەگێ (EGE-TUHAYDER) پێشوازیی لێ کرا.

ئاکسو ڕایگەیاند بە ئازادبوونی دڵخۆشە، بەڵام خەمگینە بەهۆی ئازادنەبوونی زیندانیانی نەخۆش و هیوای خواست هەموو زیندانیان ئازادبکرێن، گوتی: "ڕێبەرێتی ڕێگەی ئاشتی کردەوە. بەهیوام لەکاتێکی نزیکدا ئاشتی بێتەدی و هەڤاڵەکانمان ئازادبکرێن و لە وڵاتێکی ئازاددا یەکتر ببینین".

ئاکسو لەگەڵ بنەماڵەکەی گەڕایەوە بۆ سێرت.

عەبدوڵا ئاکسو کێیە؟

ئاکسو لە ساڵی ١٩٩٤ لە سێرت زیندانی کرا و بە تۆمەتی تێکدانی "یەکێتی و یەکپارچەیی دەوڵەت" سزای هەتاهەتایی بەسەردا سەپێنرا. ئاکسو لە زیندانەکانی سێرت و دیلۆک و ئامەد و شاکران مایەوە.

ئاکسو بەدەست چەندین نەخۆشی سەختەوە دەیناڵاند.