بە گوێرەو ئەرەیاۋناو نوسینگەو ئەرەیاۋنای سەرۆکوەزیرانو عێراقی، ئارۆ محمەد شیاع سودانی سەرۆکوەزیرانو عێراقی و ئیبراهیم کاڵنی سەرۆکو دەزگاو هەواڵگریی میتی جە بەغڎانە کوې بیێنێوە، جە گلېرۊبیەکەینە مژاری هەواڵگری هامبەش و هامکاری و پەشتیوانی ئاسایشو هەردووە وڵاتی تاوتوێ کریان.

جە ئەرەیاۋناکەینە ئاماژە پانەی کریان، پەی بەدیئامای سەقامگیری بەینو هەردووە وڵاتی و بە تایبەت جە ناوچە سنوورییە هامبەشەکانە، پەی بە هێزکەردەی ئاسایشی هەرێمی، هەردووەلا ڕێکېکۊتې سەرو زیاڎکەردەی هامکاری بەینیشا.

بە گوێرەو ئەرەیاۋناکەی، دۆسییەو ئاسایشی هامبەش، هامبەشیکەردەی هەواڵگری، هەماهەنگی زانیاری و جابەجێ کەردەی ئاسایشو سنووری بەینو عێراق-تورکیای جە ڕوو هەوڵدای هامبەشیوە هۊرسەنگیې.