پۆلیسوو تورکی جزیرینە هۊرش کوا سەروو بیناو هەدەپەی
جە چوارچێوەو ئۆپراسیۆنی پاکتاوی سیاسینە پۆلیسەکۍ سەرسەعب و ئارۊی هۊرشا کوا سەروو بیناو رێکوستەی هەدەپەی جە جزیری.
جە مەحاڵەو جزیری شڕنەخ-ینە سەرسەعب و ئارۊی پۆلیسەکۍ هۊرشا کوا سەروو بیناو رێکوستەی پارتوو دیموکراتیکی گەلا (هەدەپە)ی.
ئەرەیاۋییا کە هۊرکوای سەروو ئا بینۍ جە چوارچێوەو ۋنەپەرسېوەن کە داواکاری گرڎی کۆماری جە شڕنەخ دەسش پنەکەرڎەن. جە بارەو وردەکارییەکا هۊرکوای سەروو یانانە یاخوڎ ۋنەپەرسایۊکەینە، زانیاری زیاتەر دەسنەکەوتەن.
جە هۊرکوای سەروو بیناکېنە کتێبوو ئەوەکۊڵیای سەبارەڎ بە گەمارۆدای جزیری، کۆمپیوتەر و ۋێنەکۍ مەزڵوم دۆغانی دەسشا سەرەرە گیریا. دماو چن سەعاتېوە وشکنای و گېڵای پۆلیسەکۍ جە بیناکېنە لوۋۍ بەرۊ.
