ڕۊو ٢ ئاداری جە ئاکامو ھجومێۋە دۊڵەتو ئەرەگېرو ترکی و ھامکارەکەیشنە پەدەکە دلۍ ناۋەنڎو شارو شەنگالیەنە، " شێرزاڎ شەمۊ" ئەنڎامو ڕاۋەبەرو ئاسایش و ئێزیدخانی گەشمەرڎە کریا. دلۍ ناۋەنڎو شەنگالیەنە پەرسەش پۍ نریا بێرە، ئارۊ بە بەشڎاری ھەزاران کەسا بە مەراسېمێۋە پەرسەکەش دمایش پنە ئاما.

دماو دەیەقێۋە ڕێزگێرتەی جە گەشمەرڎا، مۊمەشا سەرو قەبرەو گەشمەرڎاوە گېسنانە. بە نامۍ ئەنجومەن و خانەواڎەو گەشمەرڎا شەنگالی-ۊ "حەمەد بەشار" قسێش کەرڎۍ و یاڎو گەشمەرڎە "چەکۊ، ئاگر، شێرزاڎ"یش کەرڎۊ. بەشار ئەرەیاۋناش؛ مانگەو ئادارو ٢٠١٧ی گەرەکشا بۍ جە ڕاو چەتەکاو ڕۊژیۊ ئیراڎەما ماڕانۍ و ۋاتش؛" بەڵام ئێمە ئەرەکۊشایما کەرڎ و پلانەکێشا پوچێما کەرڎۍ. دۊڵەتو ترکی و پەدەکە بێستا جە دژوو گلێرگەکەیماو ڕۊڵەکاما دەسشا بە گەمێۋە تەری کەرڎەن. ئێمە جە ۋەران ۋەرو ئا ھجومانە کۊشیاو مدرامانما بەقوەتتەر مکەرمۍ.

دماتەر ئەنجومەنو خانەواڎەو گەشمەرڎا، ناسنامەو شێرزاڎ شەمۊیشا ڕادەسو کوڕەکەیش لویس شێرزاڎی کەرڎ.

بەنامۍ فەرمانڎەیی یەبەشەیۊ قسۍ کریۍ و ئاماژە پانەی کریا،"جە کەسایەتی یەرۍ ھەڤاڵامانە یاڎو گرڎو ھەڤاڵاما کەرمێۋە و سەرەما ئاستشانە منامنمێرە. حېچ ۋەختۍ بە گەشمەرڎە بېەو ھەڤاڵاما ھەنگامە پۍ دمای مەنیەیمۍ. ئێمە ئەرەکۊشاو مدرامانو ۋێما بەقوەتەر مکەرمۍ. ڕاسا ئێمە یەرۍ فەرمانڎێما جە دەسدێنۍ، بەڵام دەیان فەرمانڎۍ تەرێما خوڵقنێنۍ. حەر پێسە چنی "زەردەشت، زەکیە، دژوار" کۊشیایشا کەرڎ، ئێمەیچ سەرو ڕاو ئاڎیشا کۊشیای مکەرمۍ".

بەنامۍ "تاژۍ"ۋە نەمان بەدەل-ە قسێش کەرڎۍ و ئەرەیاۋناش؛ دۊڵەتو ترکی حەرچیۍ کەرۊنە مەتاۋۊ ئېراڎەما ماڕۊنە و ۋاتش؛" جارێۋەتەر سەرەۋەشی جە گرڎلایۍ و ئاسایشیما کەرمێنە. گەشمەرڎۍ مەمرانۍ و ھۊڵ ھۆڵ و تاوسی مەلەکیا.

جە بارەو کەسایەتی و مدرامانو " شێرزاڎ شەمۊ"ی ئەنڎامو ڕاۋەبەرو ئاسایش و ئێزیدخانی بەڵگە فېلمێۋە نمایش کریا.

مەراسېمەکە بە ۋاتەیۊ دروشمەو" گەشمەرڎۍ مەمرانۍ، مرۊنە خیانەت، بژیۊ مدرامانو ئاسایشی" دمایش پنە ئاما.

ھ.ش