گلېرۊبیەو گەلی جە دووەم ڕۆو ۋێشەنە بە سەرمەشقایەتی پارتو هەرێمە دیموکراتیکەکا (دەبەپە)ی و پارتو یەکسانی و دیموکراسی گەلا (دەم پارتی) جە چڼین شارانە بەردەواما.

گلېرۆبیەو گەلی وانەنە

گلېرۊبیەکەی جە تەلارەو بۆنەکانە جە شارو وانی بە بەشداری ئەنداماو شاندو ئیمراڵی و پارێزنەرو نوسینگەو یاسایی سەدەی فایەق ئۆزگور ئەرۆل، هامسەرۆکاو شارەوانی گۊرە شارو وانی کە قەیوم سەرو مەنسەبەکەیشارە سەپیان نەسلیخان شەدالە، هامسەرۆکۊو دەم پارتی شارەکەی وەیسی دیلەکچی، ئەندامو دەسەو ڕاوەبەری مېیانو دەم پارتی دەریا ئاسڵانە و ئەندامو ئەنجومەنو دەبەپەی حوسەین ئۆزسۆی ئەنجام دریا. گلېرۊبیەکەی دوور جە چەمۍ میدیاکاوە ئەنجام دریا.

گەڤەر؛ بانگەواز پەی ئەوەکۊشای هامبەشی         

گلېرۊبیەو گەلی جە تەلارێوە زەماۋنەو ناوچەو گەڤەرو جۆلەمێرگینە بە بە بەشداری پەڕلەمانتارا، ئەندامۍ و ڕێکوزیا مەدەنییەکا پێکئاما. جە گلېرۆبیەکەینە ئاماژە پانەی کریا کە پەنەوازا بە عالی جە 'بانگەوازو ئاشتی و گلېرگەی دیموکراتیک'ـی ڕابەر ئاپۆی بیاومێنە.

ئاگرینە پێڤاژۆی تاریخی دەسنیشان کریا

جە شارو ئاگریینە پەی گفتوگۆکەردەی و هۊرسەنگنای پەیامە تاریخیەکا ڕابەر ئاپۆی بە بەشداری چڼین پەرلەمانتارا و ئەنداما و نوێنەرا پارت و ڕێکوزیا مەدەنییەکا گلېرۆبیەو گەلی ئەنجام دریا.

گلېرۊبیەو گەلی جە ئەرزڕوم و ناوچەکاشەنە

جە مېیانو ئەرزڕومی و ناوچەکا دەورووبەرینە؛ خنوس و تاتۆس گلېرۊبیەو گەلی ئەنجام دریا. جە گلېرۊبیەکەنە ئەندامۍ و نوێنەرا دەم پارتی شارەکەی بەشدارۍ بێڼې. گلېرۊبیەکەی دوور جە چەمۍ میدیاکانە ئەنجام دریا.