پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، داواکاریشا پێشکەش بە داواکارو گرڎیی کۆماری جە بورسانە و ڕاوەبەری زیڼانو ئیمراڵی کەرد.

پارێزنەرا بەهەمان شێوە بەمەبەسوو دیڎاری چنی عومەر خەیری کۆنار، حامیلی یەڵدرم و وەیسی ئاکتاشیچ کە ئیمراڵینە زیڼانیێنۍ داواکاریش وست ڕووە.

داواکارییەکە جەلایەنو پارێزنەرا نوسینگەو یاسایی سەڎەی ئیبراهیم بیلمەز و چەنگیز یورەکلی و سوزان ئاکیپا و عیمران ئەمەکچیوە پێشکەش کریا.

رابەرو گەلوو کورڎی عەبدوڵا ئۆجالان جە ساڵەو ١٩٩٩یۆ کە بە پیلانگێڵنیێوە مېیاننەتەوەیینە گیریا، تا ئیساتۍ جە زیڼانو ئیمراڵینە گۆشەگیرکریان.

جە ٣ۍ ئادارو ٢٠٢٤یوە، دادگاو سزاکا بورسای پەی ماوەو ٦مانگا کۆبیەیۆ و دیڎارش چنی پارێزەرا ڕابەرو گەلوو کوردی عەبدوڵا ئۆجالانی و زیڼانیا تەرو ئیمرالی قەڎەغە کەرد.

چنی ئی قەڎەغەکەردەیە لاو کەمیۆ جە ٨ ساڵی ۋییەرڎەنە ١٣جارۍ، هەرجارەو پەی ماوەو ٦مانگا چەمپنەکۊتەی و دیڎارەکۍ چنی پارێزنەرا قەڎەغە کریێنۍ.